محتار يا جماعة بين الموبايلين دول
samsung s3
samsung note 2
افيدوني افادكم الله
عرض للطباعة
محتار يا جماعة بين الموبايلين دول
samsung s3
samsung note 2
افيدوني افادكم الله
اعتقد note2 الفرق مش كبير فى الحجم و بطاريته بتقعد فترة اطول انا معايا s3 بس بقول كنت جيبت التانى مش وحش برضه
S3 معايا جميل جدا
النوت 2 تحفه بس الشاشه بتاعته كبيره عن اللازم وده العيب الوحيد فقط
انصحك عن تجربة للاثنين نوت 2 تحفه فنية
خﻻصة تجرية 3 موبيﻻت اندرويد : كل ما الشاشة تكون اكبر يبقى احلى
النوت 2 رامات 2gb و بطارية جامدة ... هو الوحيد الى بيكمل معايا اليوم من غير شحن كان معايا قبله xperia neo و s2 و النوت بطاريته اشد بكتير و حجمه مش مضايقنى فى حاجة
الناس قالت كل حاجة. النوت 2 بلا منازع ولو على الحجم شوفة على الطبيعة وجرب تحطة في جيبك عشان تطمئن للحجم.
معايا بقاله شهر تقرسبا إتعودت عليه تماما. بيتحط في الجيب وممكن تقعد بيه عادي جدا.
لو بينهم هما الاتنين يبقى note 2
بس انا ارشحلك htc one x+
انت عارف لو تسمع كلامى وتمشى باى حاجة دلوقتى لحد 5 الجاى وتشترى الاكسبيريا z مش حتبطل تدعيلى
يجمع ما بين كل شىء واهمها الفخامة ودقة الصنع
انا عايز اقولك ان دة اول موبيل اندرويد قد يتخطى جودة صنع ودقة تصنيع ابـــــــــــــــــــــل
انا عن نفسى مستنية
اسمع كلامى مش حتندم :)
Xperia™ Z - The best of Sony in a smartphone. CES 2013 - YouTube
Sony XPERIA Z walkthrough - YouTube
والله با جماعة كل ارائكم تحترم و انا فعلا ميال للنوت بس قلت اخد رائيكم لزيادة التاكيد
شكرا ليكم جميعا
لو معندكش مشكله فى الحجم و الوزن يبقى note2 . بالنسبه للإمكانيات الاتنين كويسين و مش هيهنجوا و لا اى واحد فيهم هتحس انه بطىء بس البطاريه بتاعه ال note2 فعلا افضل
Samsung Galaxy Note 2 Vs. Samsung Galaxy S3: Battle Of The Best Android Superphones 2012 - YouTube
على فكرة النوت 3 نازل كمان كام شهر والاشوعااات ههههه بتقول انه هيبقى بمعالج ب8 انوية وشاشة ب 6.3 1080p Super AMOLED HD وغالبا انهم هيكبروا حجم الشاشة بدون تكبير حجم الاطار الخارجى او تكبيره حاجة بسيطة
وياجماعة الحجم او الوزن مش مشكلة نهائى فى النوت ، انا معايا النوت 1 عايز اقولك انه من غير الكفر اللى بيتحط جواه ا لموبيل بتتروش وتحط ايدك فى جيبك كل شوية عشان تتاكد ان الموبيل فى جيبك ومش هيضايقك فى اللبس وخلافه
بس حجم الشاشة له ضرر وحيد ، ابقى قابلنى لو عرفت تمسك موبايل شاشته اصغر منه زى الاس 3 او الايفون !!
ومبروك مقدما :E_braces[1]:
الموبايل ده تحفه بلا شك
بس هيبقا النوت متفوق فى 3 حاجات
السوفت وير بتاع سوني سيء عن تجربه لعدد كبير من اجهزتها و لا يقارن بالمره بسامسونج
بطارية النوت افضل
سعر النوت اقل بكتير جدا
غير ان علي ما الجهاز ده يطرح فى السوق احتمال كبير جدا يكون النوت 3 وصل هو كمان
ايوا يافندم والنوت ٣ هتلاقيه طالع علي ٤ او ٥ بالكتير عشان ينافس Huawei Ascend Mate امال حضرتك فاكر النوت ٣ هينزل بشاشة اكبر من ٦.١ ليه؟
http://m.gsmarena.com/huawei_ascend_mate-5237.php
وتقبل تحياتي
سمعت ان السامسونج بيحصلها موت جماعي بتفصل ومش بتشتغل تاني
ألنوت محترم جدا لكن ليه مشكلتين كارثيتين بالنسبالي
أول حاجة إنه حيبقى صعب جدا تمسكه بإيد واحدة وحيدايق جامد حتى لو شغلت أوبشن الإيد الحوادة من الموبايل وبتبان قوي صعوبة الموضوع ده لو ماسك دريكسيون العربية أو بتشرب سيجارة
تاني حاجة هو مريح في الجيب زيه زي بقيت الموبايلات لكن صعب جدا تقعد وهو في جيبك لازم تشيله
فرأيي النص إنش الزيادة مش مستاهلين نهائيا إني أضحي بالحاجتين إللي ذكرتهم فبالتالي أنصحك بال s3 وللعلم أنا مجرب الإتين
مختلف معاك فى اول نقطة لان باختصار السوفت وير واحد فى كل الاندرويد اللى بيفرق لاونشر كل شركة وشوية اضافات كدة ولا ليها اى لازمة دة بالعكس الموبيل دة يتفوق فى حجات كتير جدا عن النوت واهمها
عرضة وطولة الجهاز لو شفتة فى الفيديوهات مش حتحس انة 5 بوصة نهاءى حطة جنب الاس3 حتحس انة اكنز وارفع بكل تاكيد وغير كدة وكدة افخم
الجهاز دة كل حتة فية من الازاز اللى بتتعمل بية العربيات (البرابريز ) علشان اوضحلك مدى قوتة وصلابتة
بالاضافة انة هاتف مضاد للتراب والمية :) عايز اية تانى
شاشة فول اتش دى مش موجودة ف النوت 2
السعر اكيد حيبقى اعلى لكن مش بالفارق الكبير لان كدة كدة اتش تى سى اعلى من سامسونج وليها زباينها بردة لحد دلوقتى وعموما اى حاجة بتنزل غالية فى الاول وبتنزل بعد كدة ما الايفون كان ب 8000 حنية النهاردة بيتكلم فى 4 وكسووور
بالنسبة للطرح
يقال ان الجهاز حيبدا طرحة فى فبراير يعنى الشهر الجاى
على فكرة سونى حتنزل الجهاز دة قبل الاس4 مش النوت 3 خالص لان النوت 3 مش حينزل قبل الاس4 اللى حينزل فى نص السنة دى اة
قريت كومنت عجبنى اوى على النت
?Xperia Z: hey Galaxy Note 2 and lPhone 5 lets have a swim
.Galaxy Note 2: ahm.... maybe next time, my PLASTIC body can't stand water even just for a second !!!!
lPhone: I can't swim you moron !!!!
انا معايا سونى الاكسبيريا اكرو اس , وهو هو السوفت وير بتاع كل الاندرويد الايس كريم سندوتش, بالاضافه انا الموبايل عاجبنى جدا فى فخامته وامكانياته و الكاميرا والالوان بتاعت الشاشه, دا ابسط حاجه انى مش بكون قلقان انى امسكه وايدى مبلوله او ان بنتى توقع عليه مايه.
لو ما إختلفت الأذواق لبارت السلع. صاحب الموضوع دلوقت عنده تنوع في التجارب والباقي عليه إنه ينزل يتفرج على ده وده ويشوف هو مرتاح لإيه.
بس نصيحه لو ناوي خلاص إنجز لأن ممكن الأسغار تنط في أي لحظة. مبروك مقدما.
بصراحة النوت 2 أفضل كتير
كنت محتار زيك كده بعد طول تفكير جبت ال s3 علشان مكلماتى كتيره و استخدامى كتير للموبايل و انا سايق و الحمد لله الدنيا تمام
انا كنت استقريت عالنوت 2 بس الموبيل ده حيموتني دوخت وراه في بي تك و في راية وفي سامسونج و الرد دايما ده خلصان ده مجاش ده خلصان ده مجاش , فقعني بصراحة , المشكلة اني مظطر اجيبه من ال 3 اماكن دي عشان مش معايا كاش و خايف اجيب ال s3 البطارية مش بتعقد كتير زي النوت 2
انا محتاجه في شغل اكتر من جيمز و حركات والله ما عارف اعمل ايه , بفكر احلقلهم الاتنين و اجيب s dues وخلاص
معلومة النوت 2 لو موجود بقى ب 5200 و ال s3 بقى 4600
نوت2 وانت مغمض
وموجود فى اسكندرية فى كل المحلات بضمان الابيض ب 4900 والرمادى ب 4700 بعد غلو الاسعار لو عايز اجبهولك وابعتهولك فى ال middle east
انا كان معايا الاس3 وغيرت للنوت2 فرق السما عن الارض ! اوعى تتنازل النوت2 يستاهل كل مليم من شاشة لبطارية لاداء
ياراجل دة التليفون الوحييييييييييييييييييييي ييد اللى بشغل فية ال 3g والسماعات البلوتوث وبيكمل معايا لاخر اليوم ويكون باقى بتاع 20% فى البطارية كمان
عايز اقولك انى لما بمسك اس3 او ايفون بحس انى ماسك لعبة ! وحجمة مثالى و 3 ايام بالكتير وحتتعود وتحس انة عادى وعايز اكبر كمان !
نوت 2 من غير كلام و ممكن تلاقيه في كارفور او موبايل شوب او تطلبه online
مشكله الاكسبيريا z ان البطاريه 2370MAH ولاكن النوت 2 3100 ولكن الخامه بتاعت السونى انضف من سامسونج هى ددى المشكله انت هتشترى موبايل يقع منك عليه العوض ولكن بطاريه بتقعد معاك وكبير شويه او انت تشترى موبايل خامه كويسه ويقع او يقع عليه مياه اكنه محصلش فيه حاجه امام الاختيارين دوووول وراىى خليك فى السامسونج
انا معايا النوت 2 من 3 ايام تليفون تحفه انت معاك لاب بدون مبالغه
بس المشكله
ان حجمه كبير شويه بس لما حتتعود علي الشاشه الكبيره مش حتعرف تتعامل مع شاشه اصغر
طيب النوت 2 سعرة 4300 في مصر ... حد يعرف سعرة في السعودية كام بس مش علي موقع سوق علشان اسعارهم بتيقى اغلي من سعر السوق هناك ...
الريال حاليا 1,75 استنى شويه لما الريال ينزل وجيبه
انا رايي مختلف شويه
تجيب ال s3 كموبيل جميل جدا
و فرق السعر بينه و بين النوت تزود عليه و تجيبلك تاب عشان يبقى لكل مقام مقال