اقتباس:
المشاركة الأصلية كتبت بواسطة ahmed_m_ashraf
أنا مقدر جدا والله إحساس خالد صاحب الموضوع بس أنا عايزه يبقى موضوعي وميخليش نرفزته تسيطر عليه.
ياخالد إنت كنت مقتنع بالعربية وحاجزها وبقالك فترة بنتواصل كلنا في القسم سوا والحياة جميلة. حصلت مشكلة الزيادة وبالتالي الدنيا إختلفت وأنا لو مكنك كنت بأمانه هسحب الحجز وأفكر في الصني الجديدة أو أرجع أدور على لانسر إستعمال زي ما كنت قبل الإستقرار على اللوجان ... بس ده ميخليش العربية فجأه "هي أصلا أكتر من ثمنها" و "عاصرين على نفسنا لمونة" و "عربية من جوه فاضية".
لو هي كده من الأول طب كنت هتشتريها ليه؟ الواقع مش كده بالعكس الكل عارف إنها فيها كل الأوبشنز المتوقعة والغير متوقعة في الفئة دي ( بتكلم عن الفئة النظرية مش السعرية، الحالية ) ومواصات أمان مش موجودة في عربيات كتير في نفس الفئة السعرية السابقة وحتي الحالية على فكرة.
كل المشكلة إنها بالسعر ده الواحد هيفكر إنه لو زود 5 ولا 10 عنده إختيارات تانيه أو يوفر الفلوس ويجيب مستعمل حاجة عاليه.
إللي بيحصل ده هبل في الأسعار أنا معاك تماما ولو مكانك هفكر في حاجة تانيه. بس تعالو هنا .. هو بالأسعار الجديدة لكل العربيات، 90 يجيبو إيه دلوقت؟ طبعا غير أفيو وفيرنا برضه.
متفهمنيش غلط ياخالد أنا مش بهاجمك والله، أنا عارف ممكن كلامي يتفهم غلط بس بجد بكلمك زي أخويا. هي اللوجان سعرها كده بقى غير مغري خالص وممكن تلاقي بدائل أحسن بس لازم تزود على ال 90 شويه. بس مش معنى كده إنها كانت عربية حلوه قبل الزياده ووحشة بعد الزيادة. أنا كل إللي بعلق عليه إنك بدأت تعترض على العربية نفسها مش السعر بس. زي فيلم عادل إمام السفارة في العمارة لما الناس هتفت شرف خيري رمز الصمود، وبعدين هتفو شريف خيري الخائن العميل ههههه.
إوعى تزعل مني ياخالد، والله قصدي بس أعدل دفة النقاش شوية عشان حاسس إنها بدأت تبعد عن الموضوع الأساسي أو عن النقطة إللي المفروض نركز عليها. الله يكون فعونك ويارب يجد في الأمور أمور ويسهللك الحال وربنا يوفقك في حاجة تعوض صبرك خير.
وفي الآخر بقي، إحنا كمنتدى وأعضائه وملاك للوجان مفيش حاجة ممكن نعملها عشان نوصل موقف رسمي للوكيل إنه كده غلط والموضوع وسع منهم؟ أنا لا أقصد إعتصامات طبعا ولا جمع توقيعات والكلام إللي مبياكلش ده، أنا قصدي مثلا زي ما الناس المسؤولة عن أقسام العربيات بتجيب عروض تخفيضات أو دعوات تيست درايف أو عمل تقارير عن العربيات، مش ممكن الناس دي تحاول توصل الرستلة لمسؤولي التسويق والمبيعات في التوكيل مثلا؟؟؟؟
يالهويييييي!!! إيه الرغي ده كله!
السلام عليكم ورحمة الله وبركاته
هو ده الكلام المنطقى وليس دفاعا عن اللوجان انا واحد من الناس قررت اشترى نيسان صنى 2012 وذلك لما لمسته من فقر وعيوب 2013الموديل الحديث ويعلم الله اننى بعد مكالمة احد الخبراء واللى عنده لوجى قررت الذهاب للبيت وبحث الأمر جيدا وكان للمنتدى الرائع نايل موتوز بعد الله سبحانه وتعالى الفضل فى ترجيح كفة اللوجى
أستاذ\خالد لك كل الحق فى الضيق والضجر من النهب واستغلال الظروف من الوكيل ولكن أعتقد ولى الحق انك لولا غلاء السعر ما كنت فكرت اساسا فى شرائها بمعنى انك لا يمكن تضحى بفرق10000 جنيه دون وجه حق وايضا من غير المعقول انك كنت (حتعصر على نفسك لمونة )علشان تشترى عربية ب 81 الف جنيه ملكش رغبة لا فيها ولا فى مواصفاتها كل الحق معك فى الإعتراض على فرق السعر الانتهازى لوجى بإختصار عربية اقتصادية تمنها فيها وربنا يبارك لنا ولكم فيها
تحياتى
تقديرى
احترامى