يا جماعه كل التوكيلات بشعه و فى زياده تانى بعد المعرض حوالى 7 او 8 الاف جنيه
احنا لازم نقاطع شراء الزيرو
عرض للطباعة
لا حول ولا قوة الا بالله
فعلا كده استخفاف بينا من التوكيل
أزاى النطة دى مرة وحدة
و طبعا حال مصر الى يغلى عمرة ميرخص تانى
لا أنا فعلا مع راى اختيار بديل تانى و لو أغلى
يا رب أصلح حال بلدى و أهلها
لا حول ولا قوة الا بالله
فعلا كده استخفاف بينا من التوكيل
أزاى النطة دى مرة وحدة
و طبعا حال مصر الى يغلى عمرة ميرخص تانى
لا أنا فعلا مع راى اختيار بديل تانى و لو أغلى
يا رب أصلح حال بلدى و أهلها
السلام عليكم ورحمة الله وبركاته
هو ده الكلام المنطقى وليس دفاعا عن اللوجان انا واحد من الناس قررت اشترى نيسان صنى 2012 وذلك لما لمسته من فقر وعيوب 2013الموديل الحديث ويعلم الله اننى بعد مكالمة احد الخبراء واللى عنده لوجى قررت الذهاب للبيت وبحث الأمر جيدا وكان للمنتدى الرائع نايل موتوز بعد الله سبحانه وتعالى الفضل فى ترجيح كفة اللوجى
أستاذ\خالد لك كل الحق فى الضيق والضجر من النهب واستغلال الظروف من الوكيل ولكن أعتقد ولى الحق انك لولا غلاء السعر ما كنت فكرت اساسا فى شرائها بمعنى انك لا يمكن تضحى بفرق10000 جنيه دون وجه حق وايضا من غير المعقول انك كنت (حتعصر على نفسك لمونة )علشان تشترى عربية ب 81 الف جنيه ملكش رغبة لا فيها ولا فى مواصفاتها كل الحق معك فى الإعتراض على فرق السعر الانتهازى لوجى بإختصار عربية اقتصادية تمنها فيها وربنا يبارك لنا ولكم فيها
تحياتى
تقديرى
احترامى
النوايا لا يعلمها إلا الخالق
لا حضرتك ولا أي مخلوق يعرفو نيتي لا قبل الزيادة ولا بعدها
كنت قابل بالعربية على مضض وعاصر على نفسي لمونتين مش واحدة وقلت الأسباب وأتحدى أي حد ينكر إنه فيها
وزود على الأسباب إن في اللوجان المانيوال عمود الاتزان شالوه في الموديلات الجديدة + موتور المانيوال مابقاش عليه علامة الرينو الفرنسية وغير معلن الموتور اتصنع في فرنسا ولا المغرب
وربنا يبارك للجميع فيما رزق
الصراحه يا خالد قلبى معاك موضوع زيادة الاسعار دى حاجه تحرق الدم و انا معاك انه هيقلل من فرص بيع العربيه زى الاول دى كانت فرخه بكشك عند توكيل رينو و ماعتقدش انها هتبقى منتشره زى الاول
بس فى حاججه انا مش متفق معاك فيها ان العربيه مش وحشه للدرجه اللى تخليك تكرها اوى كده كان الله فى عونك و عوننا و عون مصر و الفرج قرييب ان شاء الله و تشرفنا بيك يا خالد فى قسمنا الحميم و فى انتظار تعليقاتك و اقترحاتك يا اخى الكريم
كلامك سليم 100X100
ادعوك للانضمام للجروب ده و بلغ اللى تعرفه احنا لازم نعلمهم الادب
http://www.facebook.com/groups/13784...group_activity
و عوزين ننشر الكلام ده حتى لو طبعناه و لازقناه على عربيتنا و الشوارع كلها
أستاذ خالد ... لك مني كل تحيه ... ده أولا ... ثانيا انت معاك حق تماماً وبغض النظر عن رأيك في اللوجان لكن زيادة السعر دي منتهي الاستعباط .... يا جماعه تخيلوا انه كان حيركب عربيه محترمه اتوماتيك و ب ٨٠٠٠٠ جنيه ويقوم التوكيل بين يوم وليله وبأثر رجعي كمان يغلي تمنها ١٠٠٠٠ جنيه دفعه واحده ..... دي قلة أدب وعدم احترام وقول زي ما انت عايز تقول قول.
والمشكلة التانيه انه مضطر يكمل علي ال ٨٠٠٠٠ كمان ٢٠٠٠٠ علشان يركب اول عربيه اتوماتيك ...... قلبي عندك وربنا يوفقك للأفضل بإذن الله