فيليشيا موديل 95

**p r i n c e** · 17-01-2013 11:16 PM

السلام عليكم يا رجالة سكودا
انا قدامي عربية فيليشيا 95 تكييف تلاجة و راشة برا بس
ب 32 ألف بس ممكن تخلص على 30
السؤال دلوقتي يا رجالة أجيب فيليشيا ولا لأ؟ انا عاوز عربية مصرفش عليها غير بنزين و زيت.هل ال فيليشيا اعطالها كتير؟ و اخبارها إيه ف إعادة البيع؟
مع العلم اني ف شهر 4 هيجيلي فلوس كتير الحمدلله و ممكن اركب حاجة احسن.و في قدامي فيرنا 2010 ماشية 13 الف كيلو بس و هيا مانيوال فول اوبشن بتاعة واحد قريبي سعرها 54 ألف.عربية زيرو ب معنى الكلمة.قريبي ف السعودية و راكنها مراتو بتروح بيها الشغل كل يوم بس
اشتري ال فيليشيا ولا أصبر الشهرين دول و اجيب ال فيرنا؟
بالله عليكم ساعدوني ب آرائكم يا رجالة :-)

**Moratoz** · 18-01-2013 12:09 AM

لو الفلوس مش فارقة والوقت مفهوش استعجال خليك في الفيرنا انعم وإًريح في السواقة

**khmt1970** · 18-01-2013 01:25 AM

انا شارى الفيلشيا موديل 95 منذ اربع شهور وتنحصر عيوبها فى السخونه وده ليه الف حل والعيب التانى وده لا حل له وهو سحبها ضعيف شويه والتكييف مش قوى غير كده هى عربيه جميله عاجبنى فيها عضمها الناشف وسهوله الصيانه وذلك بعد تجربه مريره مع الميجان وعلى فكره انا كنت شاريها بتكييف وسنتر ومتجنطه ب 26.5ج

**YHYAKOTB** · 20-01-2013 02:51 AM

نصيحة من واحد العربيتين تحت رجلة طبعا خليك فى الفيرنا الفيليشيا جميلة بس الجديد جديد وكمان الفيليشيا تقيلة فى بيعها وهتضطر تنزل سعرها عشان تبيعها

فيرنا يعنى سحب عالى وعزم جامد عيبها خفيفة بعد 120 وخامات صالون وحشة
فيليشيا عضم جامد ومتانة اوروبية صالون جميل ومريح عيوبها انها قديمة شوية دى وجهة نظرى انما العربية جميلة

**المنسي** · 20-01-2013 11:33 AM

اولا سعر الفليشيا اللى حضرتك بتقول عليه ده غالى جدا دى اخرها 26 بالكتير ومحدش يضحك عليك بموضوع التكييف لان التكيف بتاع الفليشيا معروف انه ضعيف نظرا لان الموتور 1300 دى حاجة تانى حاجة بما انك بتقول انك مش فارق معاك يبقي هات الفيرنا اللى انا شايف انك ميال ليها بس فى الاول والاخر الفيرنا مفيش ثبات انا بركبها مع واحد صاحبي بعد 120 اكنى راكب حتة ورقة والقرار فى الاول والاخر ليك