http://www.nilemotors.net/Nile/339109-504.html
اخى واستاذى الفاضل احب ان اخذ راى حضرتك فى هذا الموضوع وياترى اخد كام من عشرة واشكرك على كم المعلومات التى تعلمتها منك ولسيادتكم الشكر والتقدير والعرفان
http://www.nilemotors.net/Nile/339109-504.html
اخى واستاذى الفاضل احب ان اخذ راى حضرتك فى هذا الموضوع وياترى اخد كام من عشرة واشكرك على كم المعلومات التى تعلمتها منك ولسيادتكم الشكر والتقدير والعرفان
طب اصلى و الله
تنصحنى اجرب اعمل الموضوع دة بنفسى ولا هعك الدنيا ؟؟
و على حسب الى انت كتبته دة الموضوع مش هيعدى ال 150 جنيه . صح ولا ايه
طيب دلوقتي ياباشا انا معايا سيريون 2008 انا عملت الابواب فيكت الاربع ابواب وجبت لباد وقطعته على قد الفر بتاع الابواب ولزقته وجبت فرخ البلاك اللزق وقصيته اربعه ولزقت في كل باب من جوه على الصاج كده انا خلصت الابواب وعملت كمان الكابوت هو اصلا معزول عندي بس كان فاضل عندي لباد من الابواب روحت فاكك فرش الكابوت ولازق في ظهره البلد على مقاسه برده وروحت مقفله تاني
حاليا بقه فاضلي اني عاوز اعمل الارضيه جلد مبدئيا الاسعار حاليا للجلد الطري 32 جنيه للمتر سألت سروجي قالي هياخد 350 جنيه طبعا نفضت له وقررت اني ان شاء الله اعمله بنفسي المشكله فين بقه اني مش عارف العربيه تاخد كام متر جلد سألت السروجي قالي هتاخد 4 متر جلد للصالون ومتر جلد للشنطه !!!!!! معقوله العربيه تاخد 4 متر سلت الراجل بتاع الجلد قالي نفس الكلام لما قلت له ياعم انا عربيتي صغيره تاخد 4 متر ازاي قالي طيب مكن تاخد 3.5 وقعد يقولي اصل السروجي مش بيعمله حته وحده وبيقطعه وبخيط وهرتله كتير فحضرتك رأيك ايه ؟
انا جبت متر وقيست طول العربيه من تحت الطابلوه لنص الشنطه كانت معديه ال 2 متر مش بكتير فازاي بقه بيقولولي العربيه تاخد 4 متر يعن تقريبا الضعف
تاني حاجه انت ثبته ازاي وشديته ازاي يعني هل في اي خياطه ؟ وكمان عملت ايه في المطب اللي بيكون في النص عند الكنبه ؟
معلش هتقل عليك بس عشان ناوي بعد العيد ان شاء الله اخش المشروع ده بس غالبا مش حط لباد اولا عشان مش عايز اعلي ارضيه العربيه زياده وكمان العزل عند حلو بس انا عاوز احافظ على الفرش الموكيت بتاع العربيه
تمام يا باشا
بالنسبة المقاس اللي طلبه طبعا مبالغ فيه هو يقولك هو مش فاهم انا كنت لسه قايس لانسر كريستالة و اخدت حوالي مترين و نص بس جبنا 3 احتياطي
بخصوص الخياطة و الكلام ده ع حسب السروجي فيه بيحط حتة واحدة و فيه بيخيط و الخياطة اسهل بس انا شايف حتة واحدة أحلي للي يعرف يظبطها
انا عن نفسي حتة واحدة و ظبطها و بالنسبة المطب هو مش عالي اوي غير من ورا و هنا عملت قطع بالورب بسيط عشان يظبط و ساعتها شيلت الكراسي و الكنبة و حطيت غرا من الاطراف و حتت صغير في الوسط عشان ميتزحلقش
و لو مش هتقدر تعملها او حاسس انها ممكن تبوظ و عايز شغل ضيف ممكن تشوف الحج احمد مشعل جينز كار
لا انا بحب اعمل اي حاجه تنفع تتعمل بايدي احسن مليون مره من بره انا شيلت الفرش بتاع الارضيه ولقيت تحته طبقه لباد محترمه الحمد لله انا بس عاوز اعمل جلد للحمايه
طيب بالنسبه للمطب انت قصدك انك عملته جزء منفصل ولزقت عليه باقي الفرش ولا ايه ؟
طب لا انت كده مية فل و عشرة انا كذلك بحب اعمل اي حاجة بايدي و الصيانات بنفسي احسن ما صنايعي يخرب حاجة
تمام انت هتحتاج جلد بس جيبه جلد خامة تقيلة بس طرية اوعي تجيب خامة ناشفة و الا هتتعذب في القص
انا عندي حتة واحدة و مشيت الفرش من فوق المطب عادي بس لأن ورا عندي المطب عالي شوية فقطعت حتة شبه المثلث كده لأنها بتبقي تحت الكنبة و مش هتبان و لزق من الاطراف و كبست الكنبة عليها :)
طيب تمام انا احسن حاجه فعلا اني اشيل الموكيت الاصلي واجيب الجلد احوطه عليه واقصه وشكرا تمام كد
طيب انت ايه را]ك اجيب كام متر جلد 2.5 ولا 3 والشنطه اعمل حسابها في كام