دبرياج جراند بونتو تقيل جداً

**temp876535124** · 18-01-2013 10:22 AM

دبرياج عربيتي الجراند بونتو منوال تقيل جداً لدرجة لا تطاق.

عايز أعرف هل في حل غير اني أغير إسطوانة وديسك الدبرياج؟ و لو غيرتهم هل هيرجع خفيف (جداً) ذي الأول ولا لسة ممكن يكون في سبب تاني مسبب التقل؟

العربية عملة 77,000 كيلو و في صيانة ال-70,000 قالولي الدبرياج محتاج يتغير الصيانة الجاية.

**drmagieed** · 18-01-2013 02:16 PM

أكيد لما يتغير طقم الدبرياج هيرجع ناعم ومية زي الأول وأحسن لأن من أعراض تلف الطقم تقل الدبرياج والرعشة في الطلعة وعضة في الفتيس وبعدين 77000 كم كتير علي الطقم الحالي!!!

**HOSSAM99** · 18-01-2013 04:14 PM

المشاركة الأصلية كتبت بواسطة drmagieed

أكيد لما يتغير طقم الدبرياج هيرجع ناعم ومية زي الأول وأحسن لأن من أعراض تلف الطقم تقل الدبرياج والرعشة في الطلعة وعضة في الفتيس وبعدين 77000 كم كتير علي الطقم الحالي!!!

كتير أزاي يا فاندم أمال لما عربية تعمل 175000 بطقم ديبرياج الفابريكه و يتغير بدون ما يسبب رجرجه (مدخلش مرحلة الرجرجه) يبقي ده أسمه أيه

**temp876535124** · 21-01-2013 09:51 AM

حد عند فكرة التكلفة في التوكيل كام تقريباً؟ و لو عملتها برة اعملها فين و هتتكلف كام؟

**drmagieed** · 21-01-2013 08:10 PM

المشاركة الأصلية كتبت بواسطة hossam99

كتير أزاي يا فاندم أمال لما عربية تعمل 175000 بطقم ديبرياج الفابريكه و يتغير بدون ما يسبب رجرجه (مدخلش مرحلة الرجرجه) يبقي ده أسمه أيه

وهي كل الناس طريقة سواقتها واحدة والطرق إللي بمشي فيها واحدة ... يعني مشاوير يومية في الزحمة كل يوم مثلا ... أو تحميل علي الإسطوانة علي طول أثناء القيادة كل ده ممكن يقصر عمر الطقم ... وبعدين 175000 كم بطقم الدبرياج الأصلي دي معجزة ... وعلي العموم ممكن باقي الأعضاء يفيدونا في الموضوع ده!!!