أصوات في العفشة واشياء أخرى ... أرجو المساعدة

السلام عليكم

دلوقتي ياجماعة أنا عندي مشكلتين غاية في الغرابة

1- عندي لما أمشي على طريق مش متمهد كويس بعوض أسمع صوت تكتكة في العفشة .... كإن في حديد بيخبط في بعضيه ... الكلام ده من بعد أول 6000 كيلو ... ولما رحت للتوكيل في صيانة ال1000 قالي أنه عمل تشيك على العفشة وأررط عليها .... وبرضه الصوت ده بيزيد كل شوية ... وبقى ملحوظ جدا ....

هل ممكن يكون ليه علاقة بالجلب مثلا ؟

2- صوت الكاوتش ... يعني أنا يادوب لما بلمس الفرامل ... بسمع صوت الكاوتش على الأرض ... صوت صفير إحتكاك الكاوتش بالأسفلت ... وبرضه الصوت ده في الملفات ... لوحده من غير فرملة حتى !!.... والعربية بتتزحلق بسرعة .... يعني أنا ممكن ألاقي حد هدى قدامي ... أفرمل عادي جدا ... الأقي صوت الكاوتش بيصرخ .... والأقي العربية إتزحلقت حاجة بسيطة كدة ... مع العلم أن العملية مش مستاهلة الفزع ده كله ! .... ده أنا يادوب بهدي ....

مع العلم أن أنا معايا لانسر 2007 خليجي فول أوبشن .... والعربية كمان يومين وحتكمل سنة بزبط !!

اتأكد من ضغط الكاوتش عندك كله مزبوط على 30psi
كده باين ان ضغط الهوا عندك زيادة
اتأكد و قلنا النتيجة

ممكن تروح تكشف على ضبط الزوايا
وهل العربية بتحدف منك ولا لأ
والطارة معووجة وانت ماشى مستقيم
ويا ريست تبلغنا عملت ايه

ممكن اعرف عربيتك فيها Abs ولا لأ؟؟؟؟؟؟

العربية مافيهاش Abs
التوازن بتاع العربية ممتاز والعربية ما شاء الله مافيهاش أي حدف .... ياجماعة أنا بقول العربية مكملتش سنة

وضغط الكاوتش كله أنا كنت عامل عليه تشيك وكله كان على 29

أنا مش عارف هل العربية محتاجة ترصيص مثلا ... إني أبدل أماكن الكاوتش وكدة ولا إيه بزبط

غير أن صوت التكتكة ده مستفز جدا .... كإن حاجة مفكوكة وبتلقلق ( بتخبط في بعضيها يعني )

اقتباس:

---

بسمع صوت الكاوتش على الأرض ... صوت صفير إحتكاك الكاوتش بالأسفلت ... وبرضه الصوت ده في الملفات ... لوحده من غير فرملة حتى !!.... والعربية بتتزحلق بسرعة

---

كده عندك فيه عيبين
1- ضبط زوايا
2-كاوتش اللانسر معروف انه سيء و بيطلع صوت على اتفه حاجه و مابيمسكش في الأرض كويس في الملفات الجامدة عشان ناشف مش طري . مش الكاوتش اللي عندك Bridgestone Turanza ER 30

صوت التكتكه ده طالع من الدركسيون ؟

لا ... بسمعه من تحت العربية

إن شاء الله ياجماعة حبقى أعمل تشيك كدة تاني ولو عرفت إيه المشكلة حقول بإذن الله

هو انا كان عندي صوت خبط برده حديد في حديد كنت بحسه ساعات تحت رجلي و ساعات من العفشة قدام و قالولي في التوكيل بطاحات(او بلي البطاحات) المساعدين ادام كان فيها وساخة و شحموها و الصوت راح .

لو في ترزيع في المطبات يبقي وجه دماغك ناحية جلب المقصات بتتاكل بالتالي العربية تحس انها مش بتمتص الصدمات

اقتباس:

---

المشاركة الأصلية كتبت بواسطة thebraveeagle

العربية مافيهاش Abs
التوازن بتاع العربية ممتاز والعربية ما شاء الله مافيهاش أي حدف .... ياجماعة أنا بقول العربية مكملتش سنة

وضغط الكاوتش كله أنا كنت عامل عليه تشيك وكله كان على 29

أنا مش عارف هل العربية محتاجة ترصيص مثلا ... إني أبدل أماكن الكاوتش وكدة ولا إيه بزبط

غير أن صوت التكتكة ده مستفز جدا .... كإن حاجة مفكوكة وبتلقلق ( بتخبط في بعضيها يعني )

---

اللانسر 29 قدام

26 ورا

ايه الاخبار

مش هتلاقي حل للموضوع دا... انا ليه 2 زمايل واحد معاه لانسر 1300 و التاني 1600 و الاتنين اوتوماتيك.. و الاتنين عندهم نفس الشكوى لما يعدوا على عيون القطط. في الغالب المشكله في العزل بيوصل صوت مش مفروض يوصل للكابينه لأن في الحالتين العفشه سليمه.

لا لما الصوت يبقى جديد يبقى اكيد فى مشكلة

??????????????
iهل لقيت حل للمشكلة