أصوات في العفشة واشياء أخرى ... أرجو المساعدة

**Eng.Osama.Afifi** · 26-07-2008 03:59 PM

السلام عليكم

دلوقتي ياجماعة أنا عندي مشكلتين غاية في الغرابة

1- عندي لما أمشي على طريق مش متمهد كويس بعوض أسمع صوت تكتكة في العفشة .... كإن في حديد بيخبط في بعضيه ... الكلام ده من بعد أول 6000 كيلو ... ولما رحت للتوكيل في صيانة ال1000 قالي أنه عمل تشيك على العفشة وأررط عليها .... وبرضه الصوت ده بيزيد كل شوية ... وبقى ملحوظ جدا ....

هل ممكن يكون ليه علاقة بالجلب مثلا ؟

2- صوت الكاوتش ... يعني أنا يادوب لما بلمس الفرامل ... بسمع صوت الكاوتش على الأرض ... صوت صفير إحتكاك الكاوتش بالأسفلت ... وبرضه الصوت ده في الملفات ... لوحده من غير فرملة حتى !!.... والعربية بتتزحلق بسرعة .... يعني أنا ممكن ألاقي حد هدى قدامي ... أفرمل عادي جدا ... الأقي صوت الكاوتش بيصرخ .... والأقي العربية إتزحلقت حاجة بسيطة كدة ... مع العلم أن العملية مش مستاهلة الفزع ده كله ! .... ده أنا يادوب بهدي ....

مع العلم أن أنا معايا لانسر 2007 خليجي فول أوبشن .... والعربية كمان يومين وحتكمل سنة بزبط !!

**شاهين - بنز** · 26-07-2008 04:08 PM

اتأكد من ضغط الكاوتش عندك كله مزبوط على 30psi
كده باين ان ضغط الهوا عندك زيادة
اتأكد و قلنا النتيجة

**momo44** · 27-07-2008 02:26 AM

ممكن تروح تكشف على ضبط الزوايا
وهل العربية بتحدف منك ولا لأ
والطارة معووجة وانت ماشى مستقيم
ويا ريست تبلغنا عملت ايه

**mohamedway** · 27-07-2008 09:55 AM

ممكن اعرف عربيتك فيها Abs ولا لأ؟؟؟؟؟؟

**Eng.Osama.Afifi** · 27-07-2008 11:43 AM

العربية مافيهاش Abs
التوازن بتاع العربية ممتاز والعربية ما شاء الله مافيهاش أي حدف .... ياجماعة أنا بقول العربية مكملتش سنة

وضغط الكاوتش كله أنا كنت عامل عليه تشيك وكله كان على 29

أنا مش عارف هل العربية محتاجة ترصيص مثلا ... إني أبدل أماكن الكاوتش وكدة ولا إيه بزبط

غير أن صوت التكتكة ده مستفز جدا .... كإن حاجة مفكوكة وبتلقلق ( بتخبط في بعضيها يعني )

**nobody** · 27-07-2008 12:59 PM

بسمع صوت الكاوتش على الأرض ... صوت صفير إحتكاك الكاوتش بالأسفلت ... وبرضه الصوت ده في الملفات ... لوحده من غير فرملة حتى !!.... والعربية بتتزحلق بسرعة

كده عندك فيه عيبين
1- ضبط زوايا
2-كاوتش اللانسر معروف انه سيء و بيطلع صوت على اتفه حاجه و مابيمسكش في الأرض كويس في الملفات الجامدة عشان ناشف مش طري . مش الكاوتش اللي عندك Bridgestone Turanza ER 30

**M689** · 28-07-2008 06:35 AM

صوت التكتكه ده طالع من الدركسيون ؟

**Eng.Osama.Afifi** · 29-07-2008 02:51 AM

لا ... بسمعه من تحت العربية

إن شاء الله ياجماعة حبقى أعمل تشيك كدة تاني ولو عرفت إيه المشكلة حقول بإذن الله

**T_790** · 01-08-2008 09:22 AM

هو انا كان عندي صوت خبط برده حديد في حديد كنت بحسه ساعات تحت رجلي و ساعات من العفشة قدام و قالولي في التوكيل بطاحات(او بلي البطاحات) المساعدين ادام كان فيها وساخة و شحموها و الصوت راح .