انهارده الحاج بعد صلاة الجمعة قالى تعالا نروح معرض Automech نتفرج على العربيات اللى نازلة جديد كدا ونشوف لو فيه عروض ولا حاجة .. قلت بالمرة اشوف السيراتو الجديدة واصورها كام صورة كدا


مواصفات العربية:

المحرك: 1600cc
الطاقة القصوى: 128 hp @ 6300 rpm
العزم: 157 N.M / 4850 rpm
ناقل الحركة: 6 غيارات مانيوال / 6 غيارات اتوماتيك
سعة خزان الوقود: 50 لتر

العربية فيها 5 فئات
LX, EX, EX Full Option, SX, Highline

الفئة LX دى فيها اللى هى الـ basic خالص .. فيها زجاج كهرباء - مريات كهرباء - جنوط 15 حديد بطاسات - كاسيت راديو سى دى Mp3 - فتحة Aux و USB.

الفئة EX بتزيد جنوط 16 رياضية – وسادة هواء للسائق – تحكن الراديو والسى دى من عجلة القيادة.

الفئة EX Full Option بتزيد ABS – 2 وسادة هواء للسائق وللراكب الامامى – إشارات بالمرايات الجانبية وطى كهربائيا – مخرج تكييف خلفى – مثبت سرعة بتحكم من عجلة القيادة – تحكم عن بعد فى غلق وفتح الابواب.

الفئة SX بتزيد جنوط 17 رياضية - نظام التحكم فى باور عجلة القيادة Flex Steering - فتحة سقف – مصابيح امامية LED تعمل عند تشغيل المحرك – مصابيح خلفية LED – بلوتوث بتحكم من عجلة القيادة – تشغيل/إيقاف المحرك بدون مفتاح Smart Key – حساسات ركن امامية وخلفية – نور مثبت بالمرايات الجانبية والمقابض الخلفية Light Package.

الفئة Highline بتزيد كرسى السائق بتحكم كهربائى فى 10 إتجاهات – ذاكرة حفظ لكرسى السائق الكهربائى – فرش جلد – امكانية اختيار بين فرش جلد ابيض او بنى – شاشة راديو باللمس بنظام UVO - كاميرا خلفية.

بالنسبة للاسعار نسيت اسأل بس ان شاء الله لما نروح تانى نجيب الاسعار
كمان شوفت فى العربية الشاشة الالوان اللى بين العدادات مش عارف دى بقى نازلة فى كل الفئات ولا فى الـ SX والهاى لاين بس.

فيديو لنظام Flex Steering

http://www.youtube.com/watch?v=tU-nAcGtPfY


ودا فيديو لنظام UVO

http://www.youtube.com/watch?v=Fs5qMrxEplE


ودى شوية صور كدا من المعرض