الموضوع: حصريا وبالصور :اسعار التوكيل ومواصفات فئات كيا سيراتو 2013

المشاركة الأصلية كتبت بواسطة yasserelsayad

محدش قال ان سعرها عالى وخلاص كان كله بيتكلم انها غليت عن الاول بدون مبررات فى رأيهم يعنى كله معتقد ان العربية هى هى بأمارة الفتيس والموتور و مفيهاش غير تغييرات بسيطة

بس باردوا زى ما قولتلك مش معنا انها بيها vsa انها فيها كل حاجة !!!

مهي كل حاجة دي نسبية , في ناس تشوف الدي في دي و المرايات الضم و الكراسي الجلد و الجنوط و الفوج لايت و الطارة المالتي كل حاجة و في الغالب دول ركيبة الكوري

و في ناس بتشوف ال traction control و esp و ال abs و ال ebd و الايرباجز و التكنولوجي اللي في العفشة و الموتور و الفتيس كل حاجة و في الغالب دول ركيبة الاوروبي و الياباني

فيه عربيات كتير مهدور حقها و سعرها مناسب جدا على امكانياتها قصاد اللي بيحصل من الكوري

زي الفيات لينيا و السوبارو امبريزا

المشاركة الأصلية كتبت بواسطة yasserelsayad

العربية ام 180 الف دى فيها تقريبا كل حاجة باردوا والسقف بانوراما والعفشة الخلفية Multi-link
وكمان الخامات من جوا كلها كويسة وsoft والموتور 130 حصان والفتيس الـ 6 نقلات

العيب ان عربية قد 208 تبقى بـ 150 الف
وعربية زى الـ New Clio تنزل تقريبا بـ 140

واصلا تلاقى الـ Golf 7 دى اول فئة
لان الهاى لاين اصلا الـ 6 كانت بتتباع بـ 210

إنت عاوز تقنعني إنك ممكن تدفع 180 ألف في ال i30 ؟؟
ده إنت راجل فاهم !!!!

و عموما المقارنة دي في رأيي غلط و من زمان, مش من دلوقتي

مش معنا إن عربية اوروبي و عربية كوري فيهم نفس الكماليات يبقوا اتساووا
فيه سنين خبرة و فرق technology كبير بين الاتنين
و فرق خامات

ببساطة كده عاوز تقنعني إن الجنط مثلا اللي في أي عربية كوري
يتقارن بجنط الماني أو ايطالي ؟؟!!!!!!!!!!
أو xenon الماني مثلا بمثيله الكوري في الخامات حتى
مش معنا إن دي فيها ABS و EBD ,انه يبقى زي ال module اللي بيتحط في أي حاجة اوروبي
دور على أي option و شوف الكوري منه و الاوروبي بكام ؟

أنا بكلمك أهو في الحاجات البسيطة اللي إنت قلت تهم المشتري العادي
لا قلتلك setup بتاع العفشة ولا map بتاع الموتور
ولا أي حاجة technical خالص

سيبك من العربيات :) ينفع تقارن أي منتج اوروبي بمنتج اسيوي في السعر
لأ طبعا و ده مش تحيز للأوروبي ولا حاجة
و كل حاجة بتمنها بس المشكلة بقى إن الكوري دخل في فئة سعرية مش بتاعته
دخل إيه ده شطح ههههههه

ال 208 دي حاجة كده زي DS3 وال 500 وال A1
أنا شايف إنه عادي إنها تتباع بالرقم ده
الفئة دي ليها ناسها :)

أما ال clio عادي إنها تبقى بـ 140 ما هو ال rio بقت بـ 130 ألف
أنا أصلا طول عمري بقول إن توكيل رينو و كيا بيغلي في الاسعار

بالنسبة لل golf هي مش نازلة غير فئة واحدة بس بـ 195
والكلام ده من على صفحتهم الرسمية
بص على 6 تعليق

https://www.facebook.com/photo.php?f...levant_count=1