الموضوع: باسم يوسف وقع مع مشجعي الزمالك

المشاركة الأصلية كتبت بواسطة هيثم الدسوقى

يعنى هو انت تقبل انك تتفرج على باسم مع مراتك او بنتك او اختك او امك وهو انبارح يقولك............... وبعد ما المتفرجين ضحكوا على كلام الاراجوز يقولك انا قصدى ......................

يا ابن الناس هو اولا شخصية موجهة ومسيسة ,دا مش غلط وليه متفرجين تبعه لكن تقول كلام سافل زى دا ومنتظر واحد محترم يصقف لك .

ثانيا هو شيخ قناة الحافظ دا والله رغم انى قلت الف مرة انهم اسلوبهم غليظ جدا لكن والله ما قال حاجة غلط هو مين ينكر ان .................................................. .................................................. ...........................كل دا حاجة يعنى ربنا يرضى بيها واللى يفضح الفعل الحرام يبقى غلطان ؟؟

يا جماعة والله العظيم والله العظيم هتتسألوا عن خضوعكم بالقول فى المسائل اللى مش عليها خلاف دى , الاسلام 1+1= 2 ,مش زى مالعلمانيين عاوزينها تكون 3 و4 .الدين ثابت والاحكام العامة اللى ينكرها يروح يراجع نفسه لانه فى قبره مش هيلاقى باسم يوسف يضحكه ولا يمسخر خصمه .

لان خصيمك يوم الدين هو اللــــــــــــــــه , فأحسن لقاء قاضى الاخرة .

ربنا يهدينا ويعافينا جميعا ويجنبنا الحرام ويرزقنا نعمة الثبات على الحق والتبصر به

هو حد ماسكك انت ومراتك وبنتك غصب عنكم وقعدكم ادام باسم يوسف وقلكم اتفرجوا !!!
وبعدين للمرة المليون بنقول الراجل حط تنويه قبل بداية الحلقات انه البرنامج للكبار فقط بتتفرجوا عليه ليه بقي طالما هو اراجوز وبيقول كلام سافل :)
اما بالنسبة لبتوع الحافظ , حلوه اسلوبهم غليط دي , يعني باسم يوسف بيقول كلام سافل وشيوخ الحافظ كلامهم غليظ يا سلام علي استخدام المصطلحات والكيل بمكيالين ,سياتك مش عجبك واحد قال كلمة............ وبتقول عليه سافل ولما الشيخ المحترم قال كام ................ بتقول عليه كلام غليط :)
علي فكرة انا علماني وعندنا 1+1 = 2 يعني لما يبقي واحد سافل بنقول عليه سافل ولما يبقي واحد سافل برضوا مبنقلش عليه كلامه غليظ لاننا كلمتنا واحده علي الكل مهما كانت انتمائتهم او خليفتهم .
اول مره اعرف ان شيوخ الحافظ هما اللي حيعرفونا اسلامنا والاحكام الشرعية وحيعرفونا مين حيدخل الجنة ومين حيدخل النار , عبد الله بدر اللي هو بيقول علي نفسه استاذ فى الازهر اللي الازهر قال انه مبيعرفوش اساسا وطلع شهادة بكدا.
انا باخد ديني من ناس محترمة مش ناس اقل ما يقال عليهم ناس سوقيين ميعرفوش غير السب والشتائم في كل من يختلف معاهم

يرجى مراعاة الاداب العامه
ومراجعه قوانين المنتدى
مشرف 9 ب
21/01/2013
1.36 pm

المشاركة الأصلية كتبت بواسطة هيثم الدسوقى

كون انك بتقول على نفسك علمانى فانا تعريفى للعلمانية حاجة مش لطيفة واتعاملت مع نوعية كتيرة من الناس العلمانية وللاسف جميعهم اجتمعوا على نفس النهج وهو نهج بعيد تماما عن الاسلام .

بالمناسبة شيوخ الازهر بيقولوا العلمانية دى كفر بالله وفصل الدين عن السياسة كفر ممكن ترجع لكلام احمد الطيب والشيخ الشعراوى وغيرهم .

بالنسبة لباسم فعلى فكرة كون انك بتقول انه بينوه فى برنامجه ان الحلقة للكبار فقط فدا معناه انه معترف بانه شخصية مش محترمة وبيستخدم .................................................. المجتمع والغريبة عن التقاليد والاصول المجتمعية فى مصر . وكمان المفروض ينوه ان للحلقة للذكور فقط برضه عشان يحافظ على عفة وحياء السيدات المحترمات .
بالنسبة لعبدالله بدر فهو شايف زى ما مصر كلها شايفة ان.................................................. .... باسم الفن اللى ينكر دا يروح يشوف افلامها ومقاطع الافلام دى اللى للاسف متاحة على الملاء . كون انك مش عاوزه يقول الحق دا فدا طريقك انت وما اقدرش اقولك تبص له ازاى .
على فكرة انا ممكن اتابع باسم يوسف ويتكلم زى ماهو عاوز عن مرسى او غيره طالما ملتزم بأدب ونقد موضوعى ودا انا طالبه على فكرة فى اى اعلامى ومش موافق على المدح والتأييد الساذج لقناة الاخوان او القنوات الدينية على وجه العموم .

وياريت بس ما تحطنيش فى كادر انا مش فيه ولا عاوز اكون فيه ,مش بنتمى لتيارات معينة ولله الحمد وياريت نلتزم بالجزئية دى خصوصا
تحياتى

علي فكرة انا كمان تعريفي لشيوخ الفضائيات حاجة مش لطيفة واتعاملت مع كتير من السلفيين وللاسف برضوا جميعهم اجتمعوا علي نفس النهج وهو نهج بعيد تماما عن الاسلام :)
اما بخصوص لموضوع الكافر دا فحضرتك اسأل كدا اي شيخ جليل محترم عن واحد بيشهد الشهادتين وبيأدي الصلاة والذكاة وجميع فروض ربنا يبقي مسلم ولا كافر ,واحب افكر حضرتك بالصحابي اللي قتل واحد بعد ما نطق الشهادتين والرسول عنيفه وقاله اشققت عن قلبه .
نرجع بقي لباسم يوسف وعبد الله بدر مازلت حضرتك بتنتهج نفس الاسلوب مع انك مرتضش عليا فى موضوع اسلوبه غليظ دي ,حضرتك بتقول انا ممكن اتابع باسم يوسف طالما ملتزم بأدب ونقد موضوعى وفي المقابل بدافع عن عبد الله بدر وبتقول مهو بيقول كلام صح مع ان كل كلام شتيمه وسب ومفهوش لا موضوعية ولا هوب ناحية الادب :)
اما بخصوص انتمائك لتيار معين او عدم انتمائك ليه فدا بيبان من الردود وميزان العدالة المعوج اللي في كلام حضرتك .
تحياتي

استاذ هيثم واضح انة حضرتك بتهاجم و خلاص يعنى بلاش نحاسب و ندين اى حد بعنى حضرتك موش بتحب افلام الهام شاهين ما تشوفهاش يعنى ماعلش ما برضوة يوجد افلام كتير موش اخلاقية و المضوع بسيط الذى موش عاوز مايشوفش
و بردة لمحت لكلمة علمانى بتلميح يعنى حضرتك بردة بتحاسب و تدين
و بعدين باسم يوسف عامل تحذير قبل البرنامج يعن حضرتك موش عاجبك البرنامج الموضوع بسيط فية ريموت حول بعيد عنة
حضرتك موش عاجبك الهام ولا باسم ولا الذى يختلف معك و اضح انة فعلا ميزان العدل مايل
ياترى راى حضرتك اية فى قناة التت و غيرها