مصفحة أمامية للتريوس

**mhamed70** · 19-01-2013 09:35 AM

فكرة جديدة لتركيب مصفحة أمامية لحماية الموتور

1- لوح الومنيوم أو صاج مجلفن 2 ملي مقاس 40*40 سم
2- 3 مسامير مقاس 10 تكون بطول 10 سم و3 وردات كبيرة
3- 2 مسامير مقاس 10 تكون قصيرة وبصامولة و4 وردات كبيرة

العمل

1- حدد أماكن التثبت بقلم رصاص على الصاج وأخرمه (عدد 5 أخرام)
2- فك 2 مسامير تثبيت المصفحة البلاستيك أسفل الموتور وثبت المصفحة الصاج فوق المصفحة البلاستيك بمسمارين 10 طويل وورد كبير
3- فك مسمار المصفحة البلاستيك الأمامي و أستخدم مسمار واحد كبير للتثبيت من الامام للمصفحتين معآ واستخدم وردة واحدة
4- أستخدم المسمارين ال10 القصير والورد والصواميل لربط الأجناب بين المصفحة البلاستيك والصاج

ملحوظة
يجب رش الصاج جيدآ بعد التخريم وقبل التثبيت بعد أنيكون جاف تمامآ - الأفضل الرش على الوجهين مرتين - الألومنيوم لا داعي للرش

**akmm** · 19-01-2013 11:20 AM

هل حد عملها قبل كده

**MohammedAladel** · 19-01-2013 11:43 AM

الفكرة كويسة بس مش بالبساطة دى يا باشا

عارف ليه لأن المصفحة بيبقى ليها تصميم معين فيه انحناء معين مممكن اللى حضرتك عملتها دى تكون خطر على الكرتيرة وممكن مع اى حكة تعملك مشكلة

ونوع الحديد المستخدم فى صناعتها بيفرق برضه عشان كدا منصحش اى حد إنه يعملها كدا وخلاص

دا غير تثبيتها بقى ولو مش معمولة بالملى صح ممكن تعملك صوت وأنت سايق و تزعجك

**هانى سمير** · 20-01-2013 04:40 PM

لو كانت مهمة كان صناع السيارة قاموا بتحويل الفبر إلى صاج ولكن
خوفا من انعكاس الحرارة وكتمها بالداخل وعدم انبعاثها يؤثر بالسلب
ارى ان السيارة مرتفعه وليست فى حاجة إلى ذلك الاجتهاد

**MohammedAladel** · 20-01-2013 05:03 PM

أنا لا أتفق مع حضرتك فى حكاية كتم الحرارة دى

بالعكس الموصل الجيد هينقل الحرارة من الوسط اللى هو فيه لبرا

بعدين تبريد الموتور يعتمد على مروحة ورادياتير وهواء بيدخل من الشبكة والمصفحة مش مقفلة زى ما حضرتك متخيل

من ورا بتبقى مفتوحة ولو حتى مش مفتوحة فى بعض العربيات مش هتأثر على كفاءة تبريد العربية بالمعنى اللى واصل لحضرتك مكنوش عملوها

**mhamed70** · 20-01-2013 10:07 PM

متشكر لكل الأراء
ولكن أنا عرضت فكرة لوجه الله - انا عملتها وركبتها وجربتها في الصحراء ومحمية وادي دجلة - وقمت بعرضها بعد التجربة على التوكيل في فرع العبور وعجبتهم جدآ مثل مصفحة كارتيرة الفتيس السابقة وفكرة فلتر تكييف الهواء الي لم يكن موجود سابقأ وهما بدأو يركبوه في التيريوس الي المصنع ماكنش مركبها
مش شرط أنك تقف عند مالم يفعله الأخرون

**MohssenRashed** · 21-01-2013 09:48 AM

المشاركة الأصلية كتبت بواسطة mhamed70

متشكر لكل الأراء
ولكن أنا عرضت فكرة لوجه الله - انا عملتها وركبتها وجربتها في الصحراء ومحمية وادي دجلة - وقمت بعرضها بعد التجربة على التوكيل في فرع العبور وعجبتهم جدآ مثل مصفحة كارتيرة الفتيس السابقة وفكرة فلتر تكييف الهواء الي لم يكن موجود سابقأ وهما بدأو يركبوه في التيريوس الي المصنع ماكنش مركبها
مش شرط أنك تقف عند مالم يفعله الأخرون

عايزين تقارير بالحاجات دي ياباشا

**mhamed70** · 22-01-2013 12:01 PM

عزيزي الفاضل محسن
الموضوع الأول مصفحة الفتيس
السلام عليكم
عزيزي بالنسبة للتريوس glx :-
1- يوجد بين أماكن تثبيت من المصنع قبل وبعد كارتيرة الفتيس بأستخدام خمس مسامير مقاس عشرة-وبأستخدام صاج مجلفن ومرشوش الكترو ستاتك سمك 1.5 ملي بمساحة 36سم * 80سم
2- عمل فتحات التهوية الكافية وتغيير الزيت - وثني أطراف الصاج مع الجسم بأسفل حتى لايحدث ضوضاء مع الأهتزازت ولا يعكس صوت التغيير في الفتيس
3-أثناء التثبيت أستخدمت ستيكر 2فيس بين صاج المصفحة ومناطق الربط السفلى بالسيارة لكتم الصوت
http://www.nilemotors.net/Nile/137246-glx.html
الموضوع الثاني فلتر التكييف
التريوس بتيجي من المصنع من غير فلتر هواء للتكييف وبالبحث خلف درج التابلوه والأنترنت وجدت مكانه ولكنه مغلق فقمت بفتحه وتركيب فلتر تكييف التيوتا يارس فيه مع ضبط المقاس - حاليآ التوكيل بيبيع الفلتر ب216 جنية حاليآ شامل الضريبة - وبتفقل غطاء الفلتر مرة أخرى
الموضوع الثالث مقياس فولت البطارية
السلام عليكم
الموضوع ببساطة أنك وأنت سايق تعرف فولت البطارية وهي باردة وكذلك بعد ما تدور العربية تعرف فولت الشحن
المكونات :-
1- مقياس للفولت رقمي 4 خانة من عند محل ram في الفلكي بالتحرير بالوصلة السلك 4 طرف (39جنية)
2-شاحن ولاعة العربية usb
العمل :-
1- حدد 2 سلك الخاص ب +5فولت والسالب وهما مرسومين على اللوحة المقياس الرقمي
2- فك الشاحن usb وألحم الأسلاك +5 فولت والسالب على الأطراف 1و4 لوصلة usb بأستخدام أفوميتر لتحديد الموجب والسالب
3- يوجد في لوحة المقياس طرف +in يلحم بطرف دخل الشاحن +12فولت

بذلك يكون معاك طول ماأنت سايق قراءة لفولت البطارية والشحن
ملحوظة
لو فولت البطارية وهي باردة 12.4 فولت كده بطاريتك حالتها 70% وأستعد خلال فترة من 6شهور لسنة أنك تغيرها
http://www.nilemotors.net/Nile/312339-a.html
الموضوع الرابع فوم لحماية التنك البنزين
لو تحب تحمي تنك البنزين من الخبط أو لا قدر الله انه يتخرم - عندي الحل - بأقل من 50 جنية - أولآ أشتري علبة فوم أسبراي ب 33 جنية ورش منها شوية على التنك من تحت و بأي قطعة قماش أمسح بها الفوم أسفل التنك - ثانيأ بعد ما يجف شوية رش على ورق الومنيوم وألصق أسفل التنك ودعه يجف وخلال ساعة يكزن أسفل التنك طبقة فوم ناشف بسمك من 5ملي أو 7 ملي مغلف أسفله باالألومنيوم ضد الحريق والصدمات
http://www.nilemotors.net/Nile/315627-a.html