من غير ما حد يتنرفز او يزعل ،
ايهما افضل جين2 الجديدة ( Facelift ) ، ولا مازدا3 ،
ولماذا ؟ ومهم قوي لماذا دي ، مع الوضع في الأعتبار القيمة مقابل السعر
عرض للطباعة
من غير ما حد يتنرفز او يزعل ،
ايهما افضل جين2 الجديدة ( Facelift ) ، ولا مازدا3 ،
ولماذا ؟ ومهم قوي لماذا دي ، مع الوضع في الأعتبار القيمة مقابل السعر
هي الجن 2 الجديدة بكام أنا مش عرف سعرها عامةً أنا بفضل نقارن العربيات الفى نفس السعر وعامةً يعني خلينا فى موضعك أنا بفضل المازدا 3 وحتة البند الهو بتاع القيمة مقابل السعر ده البيعمل المشاكل مثلاً واحد يشوف إن فرق المازدا وال-gen2 ميستهلش فرق السعر وواحد يشوفه يستاهل ويستاهل أكتر فدي حاجة بتفرق من شخص للتاني وممكن حد يجي يقولك أنا بنسبالي ال-lada الجديدة أحسن من المازدا عل جن2 مدام بتقارن بالقيمة مقابل السعر وأهي فل اوبشن زيهم و-1600 بردو و نص اهي السعر
صحيح الجين تو سيارة محترمة و أكن لها كل التقدير
بس بعيد عن المازدا
المازدا تتفوق في حاجات كثيرة بقيمة سعرية مقبولة مجدا
فعلا المازدا بعيدة عن الجين تو رغم احترامي بيها برضه
ما ينفعش تجيب عربية ليها ماضي عريق زي مازدا بعربية لسه مبقالهاش كام سنة على المحك
وكمان ماذدا سعرها منافس جدا جدا بالنسبة لامكانيتها
انا واحد من ملاك المازدا 3
الحقيقة العربيه لا غبار عليها من حيث الامكانيات والراحه والاداء القوى
وخامات التقفيل
لكن يعيبها فى مصر (دون باقى دول العالم) ضعف التوكيل وقلة قطع الغيار، لكن النقطه ده بدات تتحسن نوعا ما فى وجو سمارت كار وسونستا وانا شايف انها بدات فى الانتشار
طبعا فيه فرق سعر كبير بين العربيتين
المازدا بتبدا من 125 لحد 150
الجين 2 بتبدا من 80 لحد 90
انا شايف طالما الفرق كبير فى السعر ما بينهم
اللى يحدد اختيار العربيه هو ميزانيتك
المقارنة غير منصفه للجين2 بالمازدا3 فرق كبير فى كل شي
أداء السيارتين متقارب جدا مع أفضلية لأداء الجين 2 لقوة محركها و لكن الفرق مش كبير
الجين 2 تساوي 110 حصان و 148 نيوتن كعزم
و الجين 2 الجديدة السي بي إس 127 حصان و 152 عزم
أما المازدا
105 حصان و 145 عزم
طيب
فيه فرق تاني كبير بين العربيتين
الصالون الداخلي
صالون المازدا ................... روعة و فخامة و جمال و صالون الجين 2 صالون عادي جدا جدا جدا بس مش ردئ
فيه مميزات في المازدا 3 مش موجودة في الجين 2
زي
الفتيس الستيب ترونيك .......... حساسات المطر ........ حساسات الظلام ........ كشافات الزينون ............ الكارت الذكي بالإضافة لمفتاح السيارة ........... ترمومتر لقياس درجة الحرارة الخارجية ......
و أعتقد أن صالون المازدا أوسع شوية
بس طبعا فرق الفلوس كبير ............... بس أنا شايف إن المازدا و السوباورا من أكتر العربيات الياباني اللي ثمنهم فيهم و مش غاليين على الفاضي
و بصراحة أنا شايف الفرق في السعر بين الجين 2 و المازدا يستاهل نظرا للإمكانيات و الكماليات المضافة على المازدا
و على فكرة ..........
تاريخ الشركتين ما يرجحش عربية على عربية
الموضوع عامل زي زمان في الثمانيات
لما كان واحد مصري ينزل بعربية ياباني من الخليج و الناس تقعد تبستتف فيه و تقوله
حد يسيب البيجو و الفيات و يروح يجيب ياباني ..........
يا راجل ............. بيجو .......... دي عفريت على الطريق و كلام من ده
يبقى ياريت نخلي تاريخ الشركتين على جنب أدام العربية كويسة
في النهاية إمكانياتك المادية هي اللي هاتحدد أنت عايز تشتري أيه
لو فرق الفلوس مناسب ليك ........... هاتخد بيه فرق برضه في الكماليات و الصالون
بس فيه عيب في المازدا
ليس لها وكيل معتمد من الشركة الأم و قطع غيارها غير متوفرة و السيارة ليس لها مواصفات محددة لأنها بتيجي من الخليج و بينزل منها موديلات كتيرة على حسب هوى المستورد و ليس لها ضمان من الشركة الأم أو وكيل معتمد تبعهم يعني لو حصلك مشكلة ووقعت في أيد المستورد و ضمانه ........... مش هاتقدر تشتكيه للشركة الأم لأنه هو اللي مديك الضمان ........ من عنده يعني ضمان مستورد مش ضمان الشركة
و دي نقطة ................ تخليني أقولك
أتكل على الله و هات الجين 2 سواء القديمة أو الفاس ليفت
لو صالون القديمة مش عاجبك ................ 2000 جنيه يجيبولك فرش محترم جدا
لو المازدا 3 ليها توكيل محترم من الشركة الأم ...........
أقولك المازدا 3 بدون كلام أدام فرق الفلوس مش فارق معاك
لا شك ان المازدا3 افضل ، انا كان استفساري ، بخصوص القيمة مقابل السعر ، والحمد لله وصلنا لمصدر ممكن يجيبلنا مازدا3 بسعر جملة ، وبنجمع مجموعة زي اللي كنا مجمعينها في الجين2 الجديدة ولكن التوكيل متخازل ومماطل جدا ،
وده اللينك الخاص بالموضوع
http://www.nilemotors.net/Nile/showthread.php?t=33338
مع كامل احترامى للجين 2 و لكن المازدا افضل و لكن برضة فية فرق فلوس مش قليل
بالنسبه للثبات والراحه وكمان القدره على المناوره اساسي المازدا تتفوق بس ده مش معنى ان الجين وحشه هي برضو حلوه بالنسبه لسعرها واماكنياتها
ومشي المازدا حلو جدا حتى لو محمله وعفشتها في رايي قويه ومعمره
بس عيبها انها واطيه واعتقد الجين تو برضو واطيه
وخصوصا جير المازدا الاستيب ترونك بصراحه استجابته في السرعه
وعلى السرعات الهاديه الجير تبديلاته حلوه اول ما ترفع رجلك النقله تنزل على الي بعديها
بصراحه جير ستيبترونك محترم جدا جدا تفتقده معظم السيارات اليابانيه في فئتها انا رايي هو الي شايل العربيه
الجين المانيوال بتاعها حلو بس الاوتو الله اعلم بس اكيد مش هيبقى زي المازدا
مش متفق معاكاقتباس:
بالنسبه للثبات والراحه وكمان القدره على المناوره اساسي المازدا تتفوق بس
الجين 2 في الثبات و الإتزان رهيبة ........... و المناورة أستاذة
و مش عارف ليه حضرتك بتقول المازدا تتفوق ؟؟؟؟؟؟؟؟؟؟
بالعكس زي بعض في المناورة و الثبات و المازدا تتفوق فعلا في حاجتين بس
الصالون الروعة
الفتيس الأوتو ( ستيب ترونيك )
الجين 2 مش واطية نهائي و مش عالية و عمرها .......... و بقول عمرها ما حكت في و لا مطب مع التحميل الكامل للسيارةاقتباس:
بس عيبها انها واطيه واعتقد الجين تو برضو واطيه
اقتباس:
وخصوصا جير المازدا الاستيب ترونك بصراحه استجابته في السرعه
وعلى السرعات الهاديه الجير تبديلاته حلوه اول ما ترفع رجلك النقله تنزل على الي بعديها
+1000000000000000
متفق معاك
اقتباس:
بصراحه جير ستيبترونك محترم جدا جدا تفتقده معظم السيارات اليابانيه في فئتها انا رايي هو الي شايل العربيه
+10000000000
متفق معاك
متفق معاك مع إضافة بسيطةاقتباس:
الجين المانيوال بتاعها حلو بس الاوتو الله اعلم بس اكيد مش هيبقى زي المازد
الجين 2 المانوال بتاعها ممتاز
و الأوتو مش اد كدا في السرعات الضعيفة
و طبعا بتاع المازدا الأوتو أحسن من بتاع الجين الأوتو
في رأيي كشكل الجين 2 تكتسح المازدا 3
اما الاداء الاتنين تقريبا واحد و الاتنين ثباتهم ممتاز
الجين 2 في فئتها السعرية كويسة
بس المازدا 3 فيها اضافات تستاهل الفرق و العربية بصراحة رغم اني مبحبهاش هي عربية حلوة و سعرها مناسب بس التوكيل فين!!
لو مش هامك التوكيل تبقي المازدا 3
انا مش اعرف جين 2 بس عندي فكره بسيطه عن مازدا
مازدا =
* اداء ممتاز مقابل سعر ممتاز جدا بالمقارنه بمثيلتها لانسر - كرولا وسيفيك
* فخامه من الداخل تتعدي فيه لانسر وكرولا وسيفيك مع العلم انها اقلهم سعر حتي في اعلي فئه فيها
* شكل انسيابي رياضي يشد العين رغم انها مش شكل نازل لسه السنه دي زي لانسر شارك وكرولا الجديه وفي رأيي المازدا اشيك
* اعلي عربيه فيها كماليات بالمقارنه مثلا بالانسر سبورت
* السعر اللي معروض علي الاستاذ سامح 115 بالضمان
يا جماعه دي عربيه يباني - اسم زي اسم مازدا منذ اكثر من 70 سنه " علي فكره متسوبيشي فاتحه من 1970 او بعد كده " امكانيات - اعتماديه - فخامه - عربيه وانت راكبها اللي راكب بي ام جنبك هيبصلك صدقني - عربيه تحس بالفه معاها وغير كده كتير هتحسه لو ركبتها
وكل ده ب 115
اظن العقل يقدر يختار الان!! ولا ايه
مبروك مقدما يا د. خالد المازدا 3
اخيرا هيبقالى عزوة فى قسم المازدا بدل ما انا فردانى عمال بكلم فى حيطان القسم
دا شرف ليا با بشمهندس محمد والله
قول يا رب بس الموضوع يمشي
الناس مسقعه دماغها علي الاخر مستغرب ازاي محدش واخد باله من الفرصه دي
وفعلا انا موافقك انا سألت كتير وشوفت بنفسي من بعد اخر ايميل بيني وبينك ان مازدا انتشرت وبجد العربيه واخد مسار جميل في السوق المصري وده هيغير فكره الناس بس الناس خايفه من غير سبب
توت عنخ امون
انا بقول المازدا تتفوق عشان العربيتين تقريبا تحت ايدي بس الجين مسوقتهاش
بس لما بنسافر او بنجري بالعربيتين فعلا المازدا في الملفات بتفرق عن الجين
بس الجين مانيوال ف علطول بتبقى قدامنا مش بنعرف نجيبها بس الملفان بنقرب
كمان مع ان المازدا ثابته بس عفشتها حلوه حتى في الطرق البايزه بتبقى ناعمه و
El Gen2 Mesh Watya 3ala El Ard Khales
جاري تجميع صفقة مازدا3
http://www.nilemotors.net/Nile/showthread.php?t=33338
لا وجة مقارنة المازدا طبعاااااااااا
انتوا بتتكلموا جد ؟؟؟؟ :shocked4:
لآ فى حاجة غلط
طب ممكن تقولولى انهى افضل ... ماتريكس ولا ميجان !!!!!
مفيش وجة مقارنة طبعاا يا جماعة
انا مش هقول مازدا احسن علشان محدش مستنى رأىى اكيد طبعاا
كلنا عارفين انهى احسن
المره الجايه نستعد لمقارنه الجين تو بالمرسيدس و البي ام
كانو بيزعلو لما نقول الياريس احسن من الجين تو و عملنها معركه و انا قلت في كلامي ان صحاب الجين تو هيفضلو يقولو العربيه احسن من العربيه الفلانيه لغايه ميوصولو للمرسيدس و البي ام
انا سقت العربيه و هيا زي الفل و جميله جدا و ثابته علي الارض و فيها امكانيات حلوه لكن في النهايه ليها ليمت موش ممكن تعديه لما نقارن و بين عربيات زي المازدا و التويوتا يبقي حرام
ازاى تقارنوا المازدا 3 بالجين 2
اكيد مازدا احسن بمراحل
انا عن نفسي يا جماعة كنت مقتنع اوي بالجين 2 لكن لما كنت اقول لاي واحد انا حشتري الجين 2 يقولي هات عربية لها تاريخ ولكن بعد عملية بحث كبيرة أستقرات علي المازدا 3 لانها عربية محترمه وبها مواصفات كثيرة تفوق عن الجين 2 ولكن أنا مازالت أقول برضة الجين 2 عربية محترمة وحتلاقي مكانها بالسوق المصري مستقبلا وشكرا
اولا يا صاحبي مفيش وجه مقارنه بين لعربيتين خااالص
المازدا اثبت على الأرض من الجين 2 وكمان عزمها اقوى
والجين تو بالنسبه للمازدا ديقه من جوه
وكفايا ان دي ياباني وان دي ماليزي
وانتا اصلا مهما عملت في البروتن مش هتكون ثابته زي المازدا
انت كل اللي عليك هات المازدا فول اوبشن بس مانوال معرفش الحوار ده موجود فمصر ولا لا
وركبلها جنوط محترمين وهبطها شويه وركبلها سبورت سيتس من جوه وان كان شكمان محترم
مات الكلام
أدعوك تشوف العرض ده الأول :)
http://www.nilemotors.net/Nile/showthread.php?t=34281
كلمني على الخاص لو عندك أي استفسار
الافضل كالاتى :-
المازدا لو معاك فلوسها ..
الجين 2 لو ممعاكش غير 85 الف جنيه .
يا جماعة انا صاحب الموضوع ده ، صباح الفل :) :) :) ،
يا استاذ tutankhamoun يا كل عشاق الجين 2 العربية الجين 2 عربية كويسة فى فئتها وثباتها عالى واوبشن كويس جدا بس هو فى مشكلة صغيرة محدش واخد بالو منها ان الجين 2 سورى فى الكلمة ولا حاجة قدام المازدا 3 والسيفيك والتويوتا والفوكس انا مش فاهم ازاى المقارنة دى تتعمل وبرضة اللى يغيظك ان فى مشاركات غريبة وفى ناس عايزة توصل ان الجين 2 احسن بس بطريقة غير مباشرة على العموم السيارتين كويسين بس الحقيقة المازدا احسن وياريت محدش يزعل من كلامى
مفيش زعل يا أستاذ أحمد
بس و لا حاجة على أي أساس
قارن بالأرقام .......... و التفاصيل مش بالتاريخ
كلمني كلام معقول ...............
و أنا مقلتش أساسا إن الجين 2 أحسن أو المازدا أحسن
و على فكرة أنا لم أصوت و لم أعطي صوتي لولا أختيار
لأن الأختيارات مش متناسبةو مش واقعية
لأن مفيش حاجة أسمها الجين 2 أحسن بمراحل
أو المازدا أحسن بمراحل
لأن لا دي أحسن بمراحل و لا دي أحسن بمراحل
كل واحدة منهم لها مميزات و عيوب و اللي يقدر يوازن بين المميزات و العيوب بيختار العربية الصح اللي تناسب أختياره و تناسب ميزانيته
نو كومنت يا جماعة بس انا بحترم كل الاراء
bos ana ha2olak 3ala 7aga el 2awal e7na hena bnetna2esh fa balash el 3asabeya dy ana elly 2asdy 3aleeh en el mazda 2a7san men gen2 fe el 7agat dy bas dah mesh ma3nah en el gen2 mafehash el 7agat dy
understand?
we yareet mayeb2aash fe za3al meny ana lesa gdeed 3aleko :D
بعد طلوع روحي .......... و تمقيق عيني لترجمة مداخلة حضرتك :bigear:
أولا أهلا بيك .......... و أهلا برأيك و له مني كل أحترام
و مين قال أني عصبي
أنت بس ذكرت شئ و أعتبرته حقيقة ثابتة
و أنا وضحت
أنت قلت مهما بروتون عملت مش هاتوصل لثبات المازدا
ده طبعا كلام مردود عليه و واضح جدا جدا جدا
أنك عمرك ما ركبت الجين 2 نهائي
علشان أنت لو ركبت الجين 2 ........ مكنتش هاتقول كدا خالص
و أنا يا باشا لا زعلان و لا عصبي خالص
أحنا بنتكلم عن عربيات
بس أهم شئ في الكلام يكون طالع عن تجربة مش طالع على أساس أسم مازدا و أسم بروتون
لأن لو أتكلمنا بالأسامي
يبقى برضه مازدا ملهاش لزمة و لا معظم شركات السيارات و نتكلم بس عن مرسيدس مخترعين السيارة
أرجوا أن يكون قصدي وصل لحضرتك
على فكرة مصمم أجهزة التعليق و أجهزة الثبات في البروتون جين 2 هي شركة لوتس المتخصصة في صناعة السيارات الرياضية و هي شركة إنجليزية و مملوكة لبروتون الماليزية و كانت شريك أساسي لبروتون في تصميم الجين 2
و شكرا و اهلا بيك معانا في المنتدي و أرجوا أن تتقبل تحياتي
ياريت يا باشا بعد اذنك بلاش الهيروغليفي ده :sleeping:
ماعاش اللي يطلع روحك يا برنس والحمد لله انك مش زعلان
بس انتا دلوقتي متقدرش تقولي ان الماليزي احسن من الياباني من ناحيه تصنيع القطع والكلام ده كله والتقفيل والعمر الإفتراضي
وكمان دلوقتي المازدا شوف بتطلع عربيات من امتى فأكيد الشركه دي عندها خبرات اكتر بكتير من الشركه التانيه
اللغه كده تمام :d
يا باشا ......... الكلام ده نظريا صحيح
لأن مازدا أقدم من الشركة التانية ( بروتون ) يعني !!!
بس ما تنساش إن ميتسوبيشي جديدة في عالم السيارات إذا قارنتها بعتاولة السيارات .... ميتسوبيشي تم تأسيس مصنع السيارات الخاص بها سنة 1973
و مع ذلك .......... بتنتج منتجات ممتازة و سيارات متينة و رائعة
يبقى التاريخ برضه مش كل حاجة
لأن بروتون أول بدايتها كانت تعاون تقني مع ميتسوبيشي
و بعدها لوتس
يعني بروتون أستعانت بخبرة شركات كبيرة في بدايتها و حتى اﻵن
زي ما ميتسوبيشي أستعانت بخبرة شركات ألمانية و أمريكية في بداية تأسيسها
و ده أعطى ميتسوبيشي خبرة كبيرة في صناعة السيارات كانت مفتقدها
و هي دي سنة الحياة
و برضه بروتون أستعانت بخبرة من سبقوها و لم يعيدوا إختراع العجلة من جديد
و مقصد الكلام ........
إن أنت برضه حكمك يا إما بالإسم .......... يا إما بالتاريخ
يا إما ببلد المنشأ
أهم حاجة هي التجربة ............ و كل اللي فات مجرد عوامل مساعدة و ليست أساسيات الحكم على منتج معين
و ألف شكر على توضيح وجهة نظرك بطريقة حضارية و لا تخرج إلا من إنسان محترم و شكرا لك جدا و أنا مستمتع بالحوار الجميل جدا معاك يا أستاذ فيروس
بس ليه فيروس ؟؟؟ ما أحنا حلوين من غير فيروسات :bigear:
أخوك توت
شكرا ليك انتا على الحوار ده اثبتلي انك فعلا راجل منطقي جدا ويا عم بسببك انتا انا هأجر الجين تو كمان كام يوم وهشوف هيا ولا الصني :D واما بالنسبه لللإسم انا الإسم ده صحابي طلعوه عليا عشان بدرس برمجه وعشاني مدمن كمبيوتر بس متخفش فايروس على الغريب بس اي عضو في المنتدى الحلو ده يبقى حبيبي وشكرا ليك يا جميل
انا بحب الجين 2 قوي ولو جاتلي فرصة حشتريها ان شا الله
ودي صناعة وطنية ماليزيا لازم نشجعها علشان تنافس الغرب واليابان وكوريا
انما الحق يقال -بدون تحيز عنصري- المازدا اجمالا احلي
والموقع ده عمل مقارنة بين العربيتين واعطي المازدا 79 ٪ واعطي الجين 56 ٪
http://www.carpages.co.uk/proton/GEN...6-02-03-05.asp
http://www.carpages.co.uk/mazda/mazd...6_17_08_04.asp