طريقة تركيب زينون فوانيس ميجان 2 عدسات
السلام عليكم
أنا كان راكب عندى بالفعل زينون Hid plus كورى الصنع أداؤه زفت بصراحة بس جايز يكون عشان قديم وأنا اشتريت العربية بيه
الأعضاء الكرام وضحولى إن ميجان منزلتش بزينون اصلى فى مصر وأنا كنت محتار أزاى بس وهو راكب وكإنه ستوك ؟؟
أتضح بالفعل كلامهم صحيح وأليكم طريقة تركيبه وهنا الزينون H7 النور الواطى فقط
هنحتاج للموضوع دا عن فك الأكسدام عشان نركب الأجهزة http://www.nilemotors.net/Nile/330883-x_dam.html
بعد ما فكينا الأكسدام ممكن نركب الزينون من غير ما نفك الفانوس عادى
هنبدأ بفك الغطاء اللى فى الكرتيرة برضه زى ما شرحت قبل كدا فى موضوع لمبات ميجان وزى موضوع الاستاذ أحمد مع تغيير اللمبة موجودين فى المواضيع المثبتة (مجموعة مواضيع تهمك )
بعد ما فكينا الغطاء المدور بتاع الفانوس من ورا دى الفيشة الأصلية بتاع الفانوس زى ما احنا شايفين
http://nileup.com/up/uploads/nilemotors_13585894183.jpg
عبارة عن سلكين سلك بنى وسلك أسود
نجيب اللمبة الزينون شكلها كدا فيها 3 فيش ونقطع فى الغطاء قطع مدور عشان نعديها وهى ليها جلدة كدة بتسد مكان القطع http://nileup.com/up/uploads/nilemotors_13585928401.jpg
وآدى اللمبة بعد ما عديناها
http://nileup.com/up/uploads/nilemotors_13585894181.jpg
مش بتعدى لوحدها بيعدى معاها سلكين كمان سلك أحمر وسلك أسود
http://nileup.com/up/uploads/nilemotors_13585909561.jpg
السلكين دول بيركبوا فى الفيشة اللى فى أول صورة بتاع الفانوس نفسه بس ناخد بالنا كويس جدا
السلك الاسود من اللمبة مع السلك البنى فى فيشة الفانوس والسلك الأحمر من اللمبة مع السلك الأسود فى فيشة الفانوس نركز قوى فيها دى
نركب اللمبة فى بيتها بتدخل زنق هى
بعدين نقفل الغطاء
وبكدا يتبقى معانا الفيش اللى طالعة برا من اللمبة هما 3 فيش فيشة طالعة بالسلك الأحمر اللى وصلناه مع السلك الأسود فى فيشة الفانوس
وفيشة بالسلك الأسود اللى وصلناها مع السلك البنى فى فيشة الفانوس
وفيشة تانية فيها سلكين اللى هى فيشة اللمبة نفسها تمام كدا ال 3 فيش دول بيركبوا فى الجهاز دا
طالع منه كابلين كابل طالع منه فيشتين بيركبوا مع الفيشتين االلى فيهم كل واحدة سلك واحد
http://nileup.com/up/uploads/nilemotors_13585938511.jpg
دى صورة ال 3 فيش بتوع الجهاز
http://nileup.com/up/uploads/nilemotors_13585942551.jpg
ودى صورة وأنا موصله باللمبة قبل ما أركب
http://nileup.com/up/uploads/nilemotors_13585942552.jpg
وكابل تانى طالع للفيشة بتاع اللمبة اللى هى فيشة واحدة بس لكن فيها سلكين
طبعا استحالة يتغلطوا مع بعض معروفين ومينفعش فيشة تركب مكان التانية متخافوش
نيجى بقى للجهاز هو غالبا بيبقى فيه زى لزق من ورا عشان نركبه هنركبه ورا الديفيندر بتاع الأكسدام الأمامى فى شاسيه العربية زى ما فى الصور دى
ونجيب الأحزمة البلاستيك اللى بتمسك دى نشدها عليه عشان نضمن ثباته برغم أن اللزق اللى فيه من ورا متين جدا
http://nileup.com/up/uploads/nilemotors_13585894182.jpg
http://nileup.com/up/uploads/nilemotors_13585938512.jpg
طبعا كل لمبة ليها جهازها
فكرة العمل كالآتى :
أحنا بنستغل الفيشة اللى فى الفانوس اللى هى 12 فولت تقريبا وناخدها نطلعها من الغطاء تعدى على الجهاز دا بيحولها ل 34 كيلو فولت حاجة مهولة يعنى مرعبة بجد ممكن تموت فى فيمتو ثانية وبترجع تانى للمبة عشان تنورها
يارب يكون عجبكم
