الموضوع: طريقة تركيب زينون فوانيس ميجان 2 عدسات

السلام عليكم

أنا كان راكب عندى بالفعل زينون Hid plus كورى الصنع أداؤه زفت بصراحة بس جايز يكون عشان قديم وأنا اشتريت العربية بيه

الأعضاء الكرام وضحولى إن ميجان منزلتش بزينون اصلى فى مصر وأنا كنت محتار أزاى بس وهو راكب وكإنه ستوك ؟؟

أتضح بالفعل كلامهم صحيح وأليكم طريقة تركيبه وهنا الزينون H7 النور الواطى فقط

هنحتاج للموضوع دا عن فك الأكسدام عشان نركب الأجهزة http://www.nilemotors.net/Nile/330883-x_dam.html
بعد ما فكينا الأكسدام ممكن نركب الزينون من غير ما نفك الفانوس عادى
هنبدأ بفك الغطاء اللى فى الكرتيرة برضه زى ما شرحت قبل كدا فى موضوع لمبات ميجان وزى موضوع الاستاذ أحمد مع تغيير اللمبة موجودين فى المواضيع المثبتة (مجموعة مواضيع تهمك )

بعد ما فكينا الغطاء المدور بتاع الفانوس من ورا دى الفيشة الأصلية بتاع الفانوس زى ما احنا شايفين

عبارة عن سلكين سلك بنى وسلك أسود
نجيب اللمبة الزينون شكلها كدا فيها 3 فيش ونقطع فى الغطاء قطع مدور عشان نعديها وهى ليها جلدة كدة بتسد مكان القطع
وآدى اللمبة بعد ما عديناها

مش بتعدى لوحدها بيعدى معاها سلكين كمان سلك أحمر وسلك أسود

السلكين دول بيركبوا فى الفيشة اللى فى أول صورة بتاع الفانوس نفسه بس ناخد بالنا كويس جدا
السلك الاسود من اللمبة مع السلك البنى فى فيشة الفانوس والسلك الأحمر من اللمبة مع السلك الأسود فى فيشة الفانوس نركز قوى فيها دى
نركب اللمبة فى بيتها بتدخل زنق هى
بعدين نقفل الغطاء
وبكدا يتبقى معانا الفيش اللى طالعة برا من اللمبة هما 3 فيش فيشة طالعة بالسلك الأحمر اللى وصلناه مع السلك الأسود فى فيشة الفانوس
وفيشة بالسلك الأسود اللى وصلناها مع السلك البنى فى فيشة الفانوس

وفيشة تانية فيها سلكين اللى هى فيشة اللمبة نفسها تمام كدا ال 3 فيش دول بيركبوا فى الجهاز دا
طالع منه كابلين كابل طالع منه فيشتين بيركبوا مع الفيشتين االلى فيهم كل واحدة سلك واحد

دى صورة ال 3 فيش بتوع الجهاز

ودى صورة وأنا موصله باللمبة قبل ما أركب

وكابل تانى طالع للفيشة بتاع اللمبة اللى هى فيشة واحدة بس لكن فيها سلكين

طبعا استحالة يتغلطوا مع بعض معروفين ومينفعش فيشة تركب مكان التانية متخافوش
نيجى بقى للجهاز هو غالبا بيبقى فيه زى لزق من ورا عشان نركبه هنركبه ورا الديفيندر بتاع الأكسدام الأمامى فى شاسيه العربية زى ما فى الصور دى
ونجيب الأحزمة البلاستيك اللى بتمسك دى نشدها عليه عشان نضمن ثباته برغم أن اللزق اللى فيه من ورا متين جدا


طبعا كل لمبة ليها جهازها

فكرة العمل كالآتى :
أحنا بنستغل الفيشة اللى فى الفانوس اللى هى 12 فولت تقريبا وناخدها نطلعها من الغطاء تعدى على الجهاز دا بيحولها ل 34 كيلو فولت حاجة مهولة يعنى مرعبة بجد ممكن تموت فى فيمتو ثانية وبترجع تانى للمبة عشان تنورها
يارب يكون عجبكم

جزاك الله خيرا.