مشكلة الكلاكس في ال 128

**khaled_bibo** · 19-01-2013 08:32 PM

يا جماعة انا عندي مشكلة غريبة في الكلاكس هو مشكلته انه مش بيزمر و العربية مطفيه او لو مولع النور قولت يمكن دينامو ولا بطارية كشفا على الاتنين اكترمن مره و طلع تمام ده غير انه كل؛شويه بصوت مختلف مش عارف ايه الحل؟ و ياريت لو ليها حل تقولوا اعملوا ازاي عشان مش فاضي اروح الكهربائي

**khaled_bibo** · 20-01-2013 01:02 AM

محدش عنده حل ؟؟؟؟؟؟؟؟؟؟؟

**saadelden** · 20-01-2013 12:26 PM

ركبله كتاوت الصوت هايعلى و يتظبط و هايشتغل مع النور

مابيشتغلش و العربيه مطفيه عشان متوصل مع الكونتكت , وصله مع وصله تانيه فيها كهربا من غير كونتكت

**khaled_bibo** · 20-01-2013 06:05 PM

هو متركب فيه كتاوت اصلا و مش متوصل مع الكونتاكت

**bassmko** · 15-02-2013 02:13 AM

فيووووووووووووز او ممكن تكون سلكة فاصلة

**sno7y** · 18-02-2013 04:10 PM

غريبه موضوع الكلاكس ده

**ahmedesmat1987** · 18-02-2013 10:15 PM

الارضى بتاعه ضعيف هاتلو ارضى زياده يتغير مكانو ........... كهربه ال 128 عايزة خريطه لفك التلاصم

**khaled_bibo** · 19-02-2013 10:13 AM

المشاركة الأصلية كتبت بواسطة ahmedesmat1987

الارضى بتاعه ضعيف هاتلو ارضى زياده يتغير مكانو ........... كهربه ال 128 عايزة خريطه لفك التلاصم

و الله فعلا عاوزه خريطه و نجرب موضوع الارضي ده

**مواطن مصرى** · 26-02-2013 12:37 AM

لو الكلاكس مش بيشتغل من تانى تكه يبقى متوصل مع الكونتكت .. وصله مع اى وصله تانيه فيها كهربا زى النور او الكاسيت و هو هايشتغل ..

لو الكلاكس واصل صح بس مش بيطلع صوت شوف الفيوز بتاعو يمكن يكون ضارب .. هو فيوز بخمسين قرش بيسموه فيوز عضم ليه مش عارف غيره و ان شاء الله هايشتغل

لو واصل و مطلع صوت بس بيشتغل احيانا و بيفصل احيانا يبقى بص على توصيله الارضى بتاعت الجزء ده من الضفيره ..

لو بعد كل ده فيه مشكله غير الكلاكس كله بكلاكس جديد صينى من اللى بيطلع صوت عالى بـ 60-70 ج ...