ما شاء الله ربنا يباركلك فيها و يحفظهالك
رقم العضوية : 127101
تاريخ التسجيل : 05Jul2012
المشاركات : 85
النوع : ذكر
الاقامة : 6th october
السيارة: nissan SUNNY 2013 supersaloon
السيارة[2]: sahin 1.3cc *96
دراجة بخارية: لا يوجد
الحالة :
مبدئيا انا لسة عامل صيانة الألف (المجانية) وكنت مأجل التقرير دة بعد ما اعملها علشان اقدر احكم عليها صح نسبيا
نبتدي على بركة الله
1-الشكل الخارجى :
هو مش عاجب ناس كتير بس ده اذواق لكن بالنسبالى الشكل كويس جدا بالذات السوبر صالون مع الاسبويلر الخلفى والجنوط والفاميه الخلفى
2-الشكل الداخلى :
تعتبر فقيرة شوية من جوة او (مش شبابية اوى) لكن مش وحش لكن التقفيل كويس جدا
3-الراحة فى الجلوس والوسع الداخلى :
طبعا مش هتكلم فيها كتير غير انها اوسع عربية ممكن تشوفها والكراسى قعدتها كويسة جدا بس لسة محتاج اعملها فرش جلد علشان تظبط اكتر
4-الموتور والسحب :
الموتور صوته هادى على ار بى ام 2 بعد كدة بيبقى صوته مسموع لكن مش مزعج والسحب ما شاء الله عاجبنى جدا واستجابة دواسة البنزين ممتازة جبت بيها 150 بسهولة وكانت عايزة تسحب اكتر بس الطريق ما كانش مساعدنى
5-الثبات :
أقصى سرعة جبتها بيها 150 زى ما قولت وكنت مسيطر عليها جدا ومش حاسس انها خفيفة خالص وكانت ثابتة جدا معايا (بس على فكره موضوع الثبات ده نسبى من واحد للتانى على حسب هو متعود على ايه لكن بالنسبالى كانت ثابتة جدا)
6-العفشة :
الصراحة مش عجبانى وتعتبر هى الحاجة الوحيدة اللى مديقانى فى العربية حاسسها ناشفة مش ناعمة زى مالناس بتقول انا معايا شاهين ومش حاسس بفرق تقريبا اولو فى يبقى يسيط جدا ومش ملحوظ وقولتلهم يكشفو عليها فى الصيانة وطلع مافيهاش حاجة (وممكن برده يكون الموضوع نسبى للناس بس لو عفشة الصنى كده ناعمة ومتحسسكش بالمطبات يبقى كدة الشاهين ناعمة برده)
7-عجلة القياده :
عاجبنى اوى الباور الكهربا بتاعها هو خفيف اوى فى السرعات الواطية وبيتقل مع السرعة وسهل اوى انك تتعود عليه ده و المالتى فانكشن والبلوتوث شغال زى الفل الحمد لله مفيش مشكلة
8- الفرامل :
انا مجربتش اقفش مرة واحدة الصراحة بس انا بحس بالأمان من ناحية الفرامل ولما بدوس عليها بحس بالقوة وانها ممكن تلحقنى لو حاجة حصلت فجأة لا قدر الله (اه صحيح مرة سمعت صوت صفارة خفيفة وانا بفرمل بس ما اتكررتش تانى ولما رحت الصيانة قلتلهم المهندس قالى لو اتكررت معاك تانى كتير والصوت كان عالى يبقى هيركبولها صاجة التيل الخلفى فى الضمان وقالى ده تعديل نزل للعربية لو المشكلة دى ظهرت بوضوح)
9-الكاوتش :
لامؤاخذة فى الكلمة زباااااالة بيلم زلط بطريقة بشششششعة وينطرها جوة الكارتيرة دة غير ان فى ناس قالتلى ان الكاوتش محتاج يتعرض عن كدة و قالولى هو اللى مدينى الاحساس بنشوفية العفشة دى ولو اتغير هيفرق جامد (يا ريت لو حد غير الكاوتش وعرضه يقوللى ايه اخباره معاه)
10-استهلاك البنزين :
ممتاز ولسة الاستهلاك بيقل كمان بس بصراحة محسبتوش لكن اول ما جبتها كان العداد مدينى متوسط استهلاك 13.5 دلوقتى وصل 8.6 بس انا مابثقش اوى فى القراءات دى لأنها بتتغير كل شوية على حسب طريقة سواقتك
11-الكاسيت والصوت :
الكاسيت انا عارف انه ممتاز وهو اللى بينزل فى التيدا والجوك والقشقاي والسماعات كويسة لكن لو اتغيرت هيبقى احسن بكتيير مع الكاسيت ده وبالمناسبة هو فيه aux بس مفيهوش usb
12-اماكن التخزين :
من نقط ضعف العربية ومفيهاش غير درج التابلوه الصغير والحته الفاضية اللى فوقيها والحته الصغيره قوى اللى جنب فرامل اليد ومفيش طفاية سجائر (أنا ما بدخنش بس الطفاية ممكن تحط فيها عملة او اي حاجة صغيرة) لكن فى حوامل الأكواب قدام وورا ممكن تستفيد منهم وتحط اى حاجة
13-التكييف :
ما جربتوش غير وانا بستلمها ومرتين كمان لمدة لا تزيد عن 5 دقائق وكنا دخلنا فى الشتا فسقعت جدا والمروحة كانت على 1 عشان كدة مقدرش احكم عليه مظبوط لكن الأعضاء اللى جربوه فى عز الحر بيقولو عليه ثلاجة
14-الدلايات :
مش عارف ليه مش منزلينها بدلايات (الحتة البلاستيك اللى بتبقا ورا الكاوتش عشان التراب والميه) ومش موجودة فى التوكيل لكن انا شايف انها مهمه جدا ومش عارف لو جبتها من اى حد بتاع اكسسوارات هتبقى مظبوطة ولا لأ ؟؟ التوكيل بيقولى مينفعش !!
رقم العضوية : 21551
تاريخ التسجيل : 08Oct2008
المشاركات : 2,587
النوع : ذكر
الاقامة : suez
السيارة: الحمد لله كده زى الفل
السيارة[2]: Nissan Tiida H/B
دراجة بخارية: no
الحالة :
ما شاء الله ربنا يباركلك فيها و يحفظهالك
م / محمد سعد
[img2]http://img846.imageshack.us/img846/197/63588414414249233311774.jpg[/img2]
رقم العضوية : 54820
تاريخ التسجيل : 04Dec2009
المشاركات : 151
النوع : ذكر
الاقامة : المنيا-مصر
السيارة: يا رب
السيارة[2]: sunny super saloon 2013
دراجة بخارية: لا
الحالة :
مشكور جداً على التقرير الجميل ده و ربنا يباركلك فيها.....
انا معايا سوبر صالون برده و متفق معك في كل حاجة و خصوصا العفشة و الكاوتش لأني شايف العفشة ناشفة بس انا حاسس ان الكاوتش السبب و ان شاء الله هملاه نيتروجين كمان يومين و أشوف لو في فرق و لا لا ده غير طبعا زي ما حضرتك قلت بيلم زلط بالهبل و طول ما انا ماشي الزلط يطلع منه و يخبط في بيت الكاوتش
لكن البلوتوث عندي في مشكلة انه ساعات بيعلق و ساعتها لازم أقفل العربية و أشيل المفتاح و افتحها تاني علشان يشتغل و ممكن اكرر الحكاية كذا مرة و لما سألتهم في التوكيل قالو روح لاوتو تك اللي ضمان الكاسيت تبعها في العاشر و هما هيظبطوه بس لبعد المسافة لسة ما رحتش
رقم العضوية : 24572
تاريخ التسجيل : 08Nov2008
المشاركات : 1,090
النوع : ذكر
الاقامة : World's Mother
السيارة: NONE
السيارة[2]: Nissan Sunny
دراجة بخارية: NONE
الحالة :
الف الف مبروك ربنا يديك خيرها و يكفيك شرها
و زى ما انت قولت الحكاية نسبية يعنى فيه حاجات انا شايفها كويسة و انت شايفها وحشة و العكس صحيح
بس نصيحتى ادى لنفسك شوية وقت قبل ما تحكم و تغير حاجات ممكن تكون كويسة بس انت شايف انها وحشة دلوقتى
و تغرم فلوس من غير داعى
تحياتى
رقم العضوية : 118184
تاريخ التسجيل : 22Dec2011
المشاركات : 154
النوع : ذكر
الاقامة : المعادى
السيارة: -
السيارة[2]: لا يوجد
الحالة :
النيتروجين فرق شوية طبعا ، بس الكارثه فى الشوارع غير الادميه اللى احنا بنمشى فيها .
رقم العضوية : 127101
تاريخ التسجيل : 05Jul2012
المشاركات : 85
النوع : ذكر
الاقامة : 6th october
السيارة: nissan SUNNY 2013 supersaloon
السيارة[2]: sahin 1.3cc *96
دراجة بخارية: لا يوجد
الحالة :
الله يبارك فى حضرتك
انا كنت سألت استاذ اكرامى معانا هنا فى المنتدى ومعاه سوبرصالون برده وكان ملى الكاوتش نيتروجين ومفرقش فى حاجة معاه خالص علشان اوفر على حضرتك وقالى ملهاش لزمة هتضيع وقت وفلوس ومش هتحصل على نتيجة مختلفة وعلى فكرة انا كنت بفكر ان الجنوط الاسبور فى السوبر صالون ممكن تكون هى السبب فى الاحساس ده بس مش عارف عايز حد يكون ركب الاتنين ويقولى
وبالنسبة لليلوتوث حضرتك اتأكد الأول ان بيعلق بانك تجرب موبايل تانى علشان حصل معايا الموضوع ده وكان الموبايل هو اللى بيهيس وجربت واحد التانى ما كنش فى مشكلة وكمان ممكن تغير اللغة وخليها عربى علشان بالنسبالى كان الانجليزى سريع شوية ما كنتش بلحق اسمع هى بتقول ايه و لو اتاكدت من المشكلة يبقى تشوف الضمان وان شاء الله بسيطة وتتحل
رقم العضوية : 123593
تاريخ التسجيل : 23Apr2012
المشاركات : 887
النوع : ذكر
الاقامة : مصر الجديدة
السيارة: Shark 2015
السيارة[2]: K
دراجة بخارية: لا يوجد
الحالة :
تقرير ممتاز، تسلم ايدك
انا بختلف معاك بس في موضوع العفشة، انا شايفها ممتازة
رقم العضوية : 127101
تاريخ التسجيل : 05Jul2012
المشاركات : 85
النوع : ذكر
الاقامة : 6th october
السيارة: nissan SUNNY 2013 supersaloon
السيارة[2]: sahin 1.3cc *96
دراجة بخارية: لا يوجد
الحالة :
رقم العضوية : 127101
تاريخ التسجيل : 05Jul2012
المشاركات : 85
النوع : ذكر
الاقامة : 6th october
السيارة: nissan SUNNY 2013 supersaloon
السيارة[2]: sahin 1.3cc *96
دراجة بخارية: لا يوجد
الحالة :
رقم العضوية : 13051
تاريخ التسجيل : 16Jun2008
المشاركات : 10,009
النوع : ذكر
الاقامة : اسكندريه
السيارة: كروز هاى لاين 2013 بفضل الله
السيارة[2]: هوندا ثم مرسيدس ثم بيجو 504 ثم نوبيرا 2 ثم نيسان صنى
دراجة بخارية: no
الحالة :
تقرير مفصل وممتاز
ربنا يمتعك بيها ويكفيك شر الطريق وشرها
المفضلات