الموضوع: تقرير مصور بتركيب بوجيهات للماروتى

المشاركة الأصلية كتبت بواسطة waelgam2005

انا كان عندى مشكلة بقالها فترة معايا وهيا تنتيش رخم اوى لو مش كابس على البنزين فا قررت اجمد قلبى واروح لميكانيكى واشوف هيقول ايه روح لواحد فك الاسبراتير وقالى اعمل تكه صغيرة مارش وبعد كدا قالى ادى الرابع او التالت وقعد يحرك العربية وانا مش فاهم اى حاجه المهم ربط الاسبراتير وفك بوجيه وقالى جيب تلاته شمعه واحدة وادهالى عشان اجيب زيها المهم انا روحت جبت البوجيهات ومش فاكر كان بيقولى 16 ولا 24 قولتله هات زى اللى معاك بس ياريت حد يفهمنى هوا ايه اللى 16 و24 دى عشان مش فاهم المهم غيرت البوجيهات ودورت وقعد يجرب ويشد بنزين وقالى اطلع جرب جربت ولسه التنتيشه موجودة ورجعتله وهوا جربها قالى عاوزه تفتح البكات شوية عشان العربية مخنوقة مش عارف انتو ايه رايكو ؟ الكلام ده صح ولا بيفتى؟
وحاجه تانى معلش رقم بوجيهات الفبريكه مش نفس رقم الجديدة دى فيها مشكلة وهل دى الاصلى ولا لا؟
ودى صور البوجيهات القديمة والجديدة

يا وائل انا قلتلك مشكلتك مش في البوجيهات....
مشكلتك ظبط كهربا...
بوجيهات الفبريكا bpr5es ودول توكيل ngk في مصر مبيجبهمش اصلا ومش هتلاقيهم...
أفضل حاجة للماروتي فمصر هي اللي انت جبتها بس عربيتك مش محتاجاهم هضرصا لو الميكانيكي مظبطش خلوصهم على 0.8 او حتى 0.9 بالفييلر
بوجيهاتك الفبريكا حارقة كويس وقدامها عالاقل 5 آلاف وتشيك تاني عليهم...
موضوع البيكات هو يعني عايز يعمل ايه؟ هيفتح مسمار الهوا ولا عايز ايه؟
الكربيراتير متخليش حد يمد ايده عليه غير ظبط بس غير كده اوعى....
ال16وال24 الصاموله بتاعة البوجيه بس انا فاكر انها 21 مش 24....
بغض النظر... كمان البوجيهات في منها مضرووووب ياما بالذات اللي في الكرت ده وانا اكدت ميتجابرش غير من حد معتمد...
عموما الاصلي بيبقى الحفر فيه بتاع الموديل واضح جدا ويبقى الزهره اللي راكبه مبتتطلعش من مكانها ورقم الكود المطبوع متسنتر لا هو طالع فوق ولا مرمي تحت.....

تحياتي

Sent from my SE Arc S using Forum Runner