الموضوع: اليكم الخبر العاجل .... اسعار كروت الشحن لشبكة فودافون زادت 18% !!!!!!

فضيحة بجلاجل

عرض فودافون كرت 10 جنيه بـ11.5 فيه 20 جنيه مكالمات !!

لاتعليييييييييييييييييييي يييييييييييييييق

المشاركة الأصلية كتبت بواسطة أحمد كمال

1- فيه ردود كتيرة فيها معلومات غلط

2- زي ما احد الاعضاء وضح ال 51 قرش دي دمغة

3- الضريبة على مكالمات المحمول طول عمرها 15% من ايام عاطف عبيد (كانت 10% و زودوها سنة 2001 تقرييا) ....... اتصالات اما دحلت السوق اتحملت الضريبة عن العميل .......

4- الحكومة مالهاش دعوة باللي حصل النهاردة ....... الشركات قررت تبطل تتحمل حاجة عن الزبون ...... و ده حقهم

5- اللي بيقول ضريبة و اتلغت ترجع ليه ...... هي ما اتلغتش ...... يعني لو انت موظف في شركة ...... و متفق على مرتب 1000 جنيه اجمالي (مش صافي) ....... و صاحب العمل في فترة بقى بيدفع الضريبة بدالك و بيديك الالف جنيه صافية و بعد فترة رجع في كلامه اما اتزنق دي مش جباية ......

6- الكارت زمان كان ب 115 جنيه ...... منهم 80 رصيد و 20 رسوم ادارية و 15 ضريبة مبيعات

7- الرسوم الادارية ما اتلغتش بقرار محكمة و لا بالعافية ....... سنة 2006 موبينيل لغتها و فودافون بعد فترة قلدتها .......

8- اللي مش عاجبه اسعار المكالمات في مصر يبص نظرة على بعض (و ليس كل) الدول العربية زي المغرب و الامارات و لبنان و يحمد ربنا عالنعمة ...... الدقيقة في لبنان ب 33 سنت امريكي

9- الاتصالات السلعة الوحيدة اللي تكلفتها بتزيد سنويا و سعرها بيقل ...... تكلفتها بتزيد (ايجارات الاسطح و المعدات المستوردة و البرامج و السيرفرات و كله بالدولار اللي بيغلى اساسا و رواتب الخ الخ الخ) ...... و سعرها بيقل (على حس ان الاستخدام بيزيد و ده يشيل ده) ........ و في كل دول العالم بمجرد الوصول للتشبع بتضطر الشركات لرفع الاسعار قليلا و الا مش هتقدر تكمل بالشكل ده

يعني مثلا انت صاحب محل بتبيع كيلو الجبنة اللي بتشتريه ب 9 جنيه ب 11 ....... مكسب 2 جنيه

بتبيع 3 كيلو في اليوم بتكسب 6

لو بعت ب 10 ممكن الناس تشتري 6 كيلو ...... و تكسب 6

لو بعت ب 9.25 ممكن 20 واحد يشتروا و تكسب 5

شوية و الجبنة بقت ب 9.15 ...... هتبيع ب 9.25 ...... كده بتكسب 2 جنيه ....... و ما بتجيبش تكاليفك

10- انا مش اخوان ...... و علاقتي بشركات الاتصالات المصرية انتهت من ابريل 2012 باستقالتي من اخر شركة عملت فيها في مصر

11- خالص احترامي بس فيه ناس متضايقة من الضريبة دي او الرسم ده الخ الخ ...... بس ما عندوش مانع يشرب قهوته كل يوم في سيلانترو ب 25 جنيه (و اما بتغلى ما بيفتحش بقه عشان منظرها مش شيك) ....... و يخرج و يتفسح ........ بس اما يدفع ضريبة عشان البلد مش لاقية تاكل يبقى كخ

12- يا جارية اطبخي يا سيدي كلف عايزين البلد تنضف يبقى لازم موارد و بما اننا مش السعودية و لا قطر و لا ابو ظبي و لا بلد من البلاد اللي غرقانة في البترول يبقى مفيش حل غير الموارد السيادية مثل الرسوم الادارية

بصراحة شوية كلام زي الفل ... انا نفسي ابتديت اقتنع ان لازم شركات المحمول تغلي السعر ... لازم نحتفظ بالبوست ده علشان نعمل له copy و paste في حالة ان خبر الزيادة في سعر الكروت طلع حقيقي ...