الريس الصيني ( موتوسكل )

**Fadi Top** · 21-01-2013 05:05 PM

هحاول اتواصل معاة بس هو موتوسيكل Hammers دا بــ 6000 ؟ عشان عجبني اوي

**SaberMan** · 21-01-2013 05:05 PM

المشاركة الأصلية كتبت بواسطة fadi top

الموتوسيكل hammers دا عجبني اوي هوا سعرة 6000 جنية ولا اكثر ودا احسن ولا اجيب ريس صيني ؟

هي دي صورتو ولا لأ

ده فيكتورى بيك امريكانى بموتور و cc عالى غير خالص القصه البنتكلم فيها .. كلمة هامرز عليه دى ستيكر ممكن يكون اسم الجروب بتاعهم مثلا زى فى مصر جروب رود هامرز

**Fadi Top** · 21-01-2013 08:02 PM

اااااااه فهمت مش عارف اجيب ايه بالضبط

**بيبرس** · 21-01-2013 10:19 PM

الريس الصينى شكل بس مش هيعجبك الجرى بتاعو مش حلو هيجعر معاك انا كان عندى وااحد ومكنتش زى منت متخيل

**Fadi Top** · 21-01-2013 11:33 PM

حتى لو مستخدمتهوش كثير يعني زي ما قولت ساعة او اثنين في اليوم وحافظت عليه بردو هيعمل اللي بتقول عليه دا ؟

**Fadi Top** · 22-01-2013 03:56 AM

شكـــــــرا جميعاااا

**Adel.Nasr** · 22-01-2013 05:57 PM

خليك في البجاج ومش هتندم اما الريس الصيني خصوصا لو عدت جنبك ريس يباني هيخليك تندم كتير على الفلوس اللي دفعتها في مكنه صيني وعندك في البجاج اتنين (200 و 220) متبصش لحاجه تاني نصيحه

**Fadi Top** · 22-01-2013 07:02 PM

يعني ريس صيني جديد ولا هوندا مثلا مستعمل ؟

**thebast** · 23-01-2013 06:33 AM

بص ياريس علشان مهما الناس قالولك انت بردوا مقتنع بالريس الصينى
الريس الصينى هو هو نفس ماتور اى موتوسيكل الصينى بنفس عيوبة ومشاكلة هو هو بغبائة وشكلة العكر بيفرق بس ان الفايبر متغير شكلة لجناب تحسسك انة ريس مش اقدر بل دة اسود ومنيل اكتر لان لو الفايبر دة اتخدش هترميــــــــــــــــــــ ـــة لانك مش هتلاقى زية وما اضعف واخف الفايبر الصينى يعنى لو الفايبر دة انكسر ارمى المكنة كلها فى الزبالة
عاوز تشترى على قد فلوسك يبقى تجيب مكنة صينى عادية على قد فلوسك وقطع غيارها متوفرة
او هات بجاج
لاكن ريس صينى انت كدة بتقر بنفسك وتتعهد انك بترمى فلوسك فى الهوا

**Fadi Top** · 23-01-2013 04:47 PM

thebast متشكر اوي على الرد بس انا اقتنعت فعلا انا الريس الصيني مالوش لازمه
طيب لو هوندا مستعمل هيكون في حدود كام
يعني ممكن يكون هوندا مستعمل في حدود 14 او 15 الف مثلا ولا هيكون خربان ؟