ازيكم يا هونداوية ..
من ساعة ما جبت العربية ونا بعاني من مشكلة استهلاك البنزين العالي .. غيرت زيت ..ظبطت الكهربا .. اكدت ع الكوليهات.. فجاة ونا ببص للكاربيراتير لاقيت فيه شرخ في القاعدة (الصورة تحت) المهم انا عايز نصيحتكم عشان انا قرفت .. وبعدين بسمع ان فيه ناس بتعمل صيانة للكاربيراتير .. واسمع ان فيه استيراد .. وان فيه تايواني جديد .. ايه رايكم .. اعمل ايه؟؟ وايه الاسعاااار؟؟
http://nileup.com/up/uploads/nilemotors_13586735541.jpg
القاعده دى ملهاش علاقه طالما مفيش تسريب بنزين
اكشف على بيكات الكربيراتير ممكن يكون فيه حاجه مسيله اكتر من اللازم
فى مركز اسمه الصفا بس متعاملش معاه بس بيقولوا عليه كويس
^_^
شكرا يا باشا ع الرد .. المشكلة ان المصنعية بتاعتهم غالية يعني بيدخلك في تلت تمن الكاربيراتير الجديد .. فبكده لو الكاربيراتير الجديد او حتي استيراد متظبط يبقي افضل ولا ايه رايك؟
عندي سؤال تاني: هي الجوانات اللي جوة الكاربيراتير دي بتتباع؟ لو كده الاقيها فين؟
اقتباس:
المشاركة الأصلية كتبت بواسطة engmesk2
يا باشا انا متعاملتش معاهم ولا اعرف اسعارهم بس انا بناء على كلام الناس
و بعدين حضرتك الكربيراتير شكله عندك غير عاطفى و غرقان زيت
اكيد ده مؤدى الى سدد فى بيكاته و ده طبعا هيخليها تاكل بنزين كتييييير جدااااااا
جوان الكربيراتير من اى حد بتاع قطع غيار ادخل على موضوع التليفونات و هتلاقى واحد اسمه الاسلاميه
هو ده ارخصهم
بس نصيحه منى نضفه الاول كويس جدااااااا جدااااااااا جدااااااااااااااا
و غير بوجيهات و شوف الاستهلاك عامل بعد النضافه
لو الاستهلاك طلع بردو زياده عليك يبقى هنركبلك بيكات اصغر منها هتوفر معاك فى البنزين جاااامد
بس العربيه مش هتجرى زى ما انت عايز
^_^
طيب دلوقتى ياباشا الشرخ هيأثر على عدم ظبط نسبة الفاكيوم اللى موجودة فى الكربراتير وبالتالى ارتفاع مستوى الاستهلاك ,
دة غير ان زى ماقال احمد ايهاب ان الدنيا عندك غير عاطفية تماما
وانا شايف ان فية شوائب كتير وزيت متسخ على الكربراتير
انت عايز تنظيفة حلوة وكل حاجة هتظبط معاك ان شاء الله
تسلموا يا رجالة ... يبقي ننضف الكاربيراتير .. ونحكم عليه ... وبعدين نفكر في الجديد
++++++++++++++++اقتباس:
المشاركة الأصلية كتبت بواسطة SAMEH_FOUAD
تمام زى ما قال سامح وأحمد بس أعرف صيانته وتنظيفة هتكلف كام الأول لو لقيت السعر عالى يبقى الافضل تجيب كربراتير استيراد حتى لو هيبقى اغلى شوية بس هتريح دماغك
ازيكوا يا رجالة ...
انا نضفت الكاربيراتير امبارح .. مع نفسي .. الحمد لله .. والعربية بقت سحبها افضل بكتير من الاول والحمد لله.. وجاري حساب استهلاك البنزين .. والله الموفق والمستعان