شرخ في قاعدة الكاربيراتير واستهلاك بنزين عالي سيفيك 92

**engmesk2** · 20-01-2013 11:24 AM

ازيكم يا هونداوية ..

من ساعة ما جبت العربية ونا بعاني من مشكلة استهلاك البنزين العالي .. غيرت زيت ..ظبطت الكهربا .. اكدت ع الكوليهات.. فجاة ونا ببص للكاربيراتير لاقيت فيه شرخ في القاعدة (الصورة تحت) المهم انا عايز نصيحتكم عشان انا قرفت .. وبعدين بسمع ان فيه ناس بتعمل صيانة للكاربيراتير .. واسمع ان فيه استيراد .. وان فيه تايواني جديد .. ايه رايكم .. اعمل ايه؟؟ وايه الاسعاااار؟؟

**ahmedeihab** · 20-01-2013 12:26 PM

القاعده دى ملهاش علاقه طالما مفيش تسريب بنزين

اكشف على بيكات الكربيراتير ممكن يكون فيه حاجه مسيله اكتر من اللازم

فى مركز اسمه الصفا بس متعاملش معاه بس بيقولوا عليه كويس

^_^

**engmesk2** · 20-01-2013 01:16 PM

شكرا يا باشا ع الرد .. المشكلة ان المصنعية بتاعتهم غالية يعني بيدخلك في تلت تمن الكاربيراتير الجديد .. فبكده لو الكاربيراتير الجديد او حتي استيراد متظبط يبقي افضل ولا ايه رايك؟

عندي سؤال تاني: هي الجوانات اللي جوة الكاربيراتير دي بتتباع؟ لو كده الاقيها فين؟

**ahmedeihab** · 20-01-2013 01:40 PM

المشاركة الأصلية كتبت بواسطة engmesk2

شكرا يا باشا ع الرد .. المشكلة ان المصنعية بتاعتهم غالية يعني بيدخلك في تلت تمن الكاربيراتير الجديد .. فبكده لو الكاربيراتير الجديد او حتي استيراد متظبط يبقي افضل ولا ايه رايك؟

عندي سؤال تاني: هي الجوانات اللي جوة الكاربيراتير دي بتتباع؟ لو كده الاقيها فين؟

يا باشا انا متعاملتش معاهم ولا اعرف اسعارهم بس انا بناء على كلام الناس

و بعدين حضرتك الكربيراتير شكله عندك غير عاطفى و غرقان زيت

اكيد ده مؤدى الى سدد فى بيكاته و ده طبعا هيخليها تاكل بنزين كتييييير جدااااااا

جوان الكربيراتير من اى حد بتاع قطع غيار ادخل على موضوع التليفونات و هتلاقى واحد اسمه الاسلاميه

هو ده ارخصهم

بس نصيحه منى نضفه الاول كويس جدااااااا جدااااااااا جدااااااااااااااا

و غير بوجيهات و شوف الاستهلاك عامل بعد النضافه

لو الاستهلاك طلع بردو زياده عليك يبقى هنركبلك بيكات اصغر منها هتوفر معاك فى البنزين جاااامد

بس العربيه مش هتجرى زى ما انت عايز

^_^

**SAMEH_FOUAD** · 20-01-2013 02:03 PM

طيب دلوقتى ياباشا الشرخ هيأثر على عدم ظبط نسبة الفاكيوم اللى موجودة فى الكربراتير وبالتالى ارتفاع مستوى الاستهلاك ,

دة غير ان زى ماقال احمد ايهاب ان الدنيا عندك غير عاطفية تماما

وانا شايف ان فية شوائب كتير وزيت متسخ على الكربراتير

انت عايز تنظيفة حلوة وكل حاجة هتظبط معاك ان شاء الله

**Mhmdz** · 20-01-2013 05:15 PM

المشاركة الأصلية كتبت بواسطة SAMEH_FOUAD

طيب دلوقتى ياباشا الشرخ هيأثر على عدم ظبط نسبة الفاكيوم اللى موجودة فى الكربراتير وبالتالى ارتفاع مستوى الاستهلاك ,

دة غير ان زى ماقال احمد ايهاب ان الدنيا عندك غير عاطفية تماما

وانا شايف ان فية شوائب كتير وزيت متسخ على الكربراتير

انت عايز تنظيفة حلوة وكل حاجة هتظبط معاك ان شاء الله

++++++++++++++++

**M_Nabil** · 20-01-2013 06:57 PM

تمام زى ما قال سامح وأحمد بس أعرف صيانته وتنظيفة هتكلف كام الأول لو لقيت السعر عالى يبقى الافضل تجيب كربراتير استيراد حتى لو هيبقى اغلى شوية بس هتريح دماغك

**engmesk2** · 27-01-2013 12:16 PM

ازيكوا يا رجالة ...

انا نضفت الكاربيراتير امبارح .. مع نفسي .. الحمد لله .. والعربية بقت سحبها افضل بكتير من الاول والحمد لله.. وجاري حساب استهلاك البنزين .. والله الموفق والمستعان