مقابله المفاعل النووي في ميعادها الجديد يوم 1 فبراير بالاسكندريه

**SHNORY** · 20-01-2013 05:27 PM

السلام عليكم ورحمه الله وبركاته
طبعا بعد مقابله الاسكندريه الاخيره
الناس ادمنت الفسفور
علشان كده قررنا نحن محمد الشنوري
عمل مقابله يوم 1 فبراير 2013 بشاطئ النخيل بالاسكندريه
بكميات مضاعفه من الفسفور للمساهمه في اشعاع الاعضاء
الناس حتقولي الجو والمطر والبرد والكلام ده
حقولهم المقابله ليست لضعاف المناعه
المقابله للوحوش بمفردهم او بعائلاتهم
وبعد المشاورات والاتطلاع علي اراء عينه عشوائيه من من حضروا
ومع افتراض ارتفاع التكلفه ظل الحاضرون علي تمسكهم بالمقابله (الكيف وسنينه)

حنعمل وجبتين
الاولي
ربع جمبري
ربع سبيط
نص كابوريا
نص جندوفلي
شوربه سيفود
والتكلفه حتكون 100-110

التانيه
نص جمبري
نص سبيط
نص كابوريا
نص جندوفلي
شوربه سيفود
والتكلفه حتكون 140-150 علي حسب التجهيزات التانيه اللي حتتعمل في المقابله
فيه استطلاع حيتعمل برضه للموافقه
وحيكون فيه تحويل فلوس للتاكيد
دمتم بود
دمتم مشعين
سمعوني هتافات بقي واخجلوا تواضعي

**SHNORY** · 20-01-2013 05:28 PM

انا اخدت الكلام من الموضوع القديم
ولو الاسعار زادت بسبب الاستقرار اللذي ننعم به في مصرنا الكريمه
حبقي اقولكم قبلها
مستنيينكم تنوروا اسكندريه

**الغزالى** · 20-01-2013 05:37 PM

يا أحساسك ... ( فلم أكس لارج )

**A7MED_PHARMA** · 20-01-2013 05:39 PM

كل مرة كنت باكل الأشياء كلها
ماعدا السمك
جمبري ..سبيط .. شوربة قشطة

السمك الي انا مش فاكر اسمه
ماكنش بيلاقي مكان في البطن بعد الجمبري والسبيط

**AHMED_DINAMO** · 21-01-2013 07:42 PM

انا جاى انا جاى انا جاى ان شاء اللــــــــــــــــــــــ ـــــه

**Samah AbdAllah** · 21-01-2013 09:51 PM

المشاركة الأصلية كتبت بواسطة friendship7897

يااااه أخيراً المقابلة النووية
بس أنا في إنتظار تأكيد حضور ماما سوسو وتأكيد سما لتأكيد حضوري
على فكرة أنا كنت حجزه شرم يوم 24 يناير ، وتم تأجيلها إلى 1فبراير ، وهلغيها علشان المقابلة دي - فياريت تتم على خير إن شاء الله .
وبالنسبة لقلق الطرق أعتقد إن سافرنا ورا بعض فيها أمان إن شاء الله
وربنا يقويك على مجهود الإستعداد لليوم دا يا شنوري
وشكراً مقدماً ليك وللوالدة العزيزة

ان شاء الله معاكم طبعا