الموضوع: الى كل اللى مركبين فوانيس ليدات و عدسات للسيراتو . ادخل بسرعه حليت مشكلتها بالصور

المشاركة الأصلية كتبت بواسطة muhamednabil

بص يا باشا , السلك ده اسمه return wire و ده بيمشى فيه فولت عالى فخلى بالك من العازل بتاعه عشان لو اتكسر منه حتة قريبة من جسم معدنى حيشرز فيه جامد و اللمبة حتتحرق. لو اتكسر ممكن تلزقه تانى المهم ان السلك ميبقاش عريان. و طبعا متفكرش تلف عليه شريط عازل لانه حيسيح فى دقيقة.

موضوع الظل بتاع السلك ده بيكون فى حالة ان السلك راجع من فوق من الجزء العامل كده _-_ فى اللمبة h7 , لو من تحت مش حيعمل الظل ده .

ده الوضع الطبيعى للسلك بيكون تحت , لان الجزء البيعكس النور الواطى للعدسة هو الجزء العلوى بتاع العاكس الراكب فيه اللمبة , اتمنى انى اكون قدرت اوصل الصورة كويس و لو بصيت فى اللينك ده حتفهم قصدى

http://www.aa1car.com/library/hid_projector.jpg

فى حالة ان السلك عندك من تحت مش حيعمل الظل ده , لو عايز تحسن لاضاءة افضل غير العدسات الفى الكشاف بعدسات من عربية المانى تكون من هيلا او بوش حتلاقى المهم تشوف حاجة مقاس اللمبة عشان تقلل التكلفة
لان العدسات البتنزل فى الكشفات التايوانى مش قد كده فى توزيع النور

و افضل اداء انك تغيرهم بعدسات اصلا بتنزل للزينون بس دى تكلفتها اكتر شوية عشان حتغير لمبات و تشترى وصلة تشغل بيها اللمبات الجديدة.

انا عملت كده فى عربيتى شيلت الاصليين بتوع 307 و حاليا مركب البروجيكتورز الزينون الاصلية بتوع مزدا 3 .

لو انت شايف انك من النوع الحتفضل تغير لحد متوصل للاداء اليرضيك انصحك بالاختيار الاخير بدل متجرب كل الاختيارات و توصله بعد مصاريف كتير.
ازبط الميزانية و خش على الصح على طول.

مشكور جدا و اللينك فعلا موضح كل شىء
بس لما قلبت اللمبه المشكله انتهت الحمد لله