إتفضلوا
http://nileup.com/up/uploads/nilemotors_13587529031.jpg
عرض للطباعة
ايوه كده
عايزين الشرح بالتفصيل الممل و ايه العدسه المستخدمه
سبحان الله ..
العدسة 70-300 كانون عند 300 والكاميرا 7D
والإعدادات
FL 300mm - f/8 - 1/800 sec - ISO 200
وأهم حاجة فى الموضوع بقا إن ال metering system يكون spot meter ماتنساش دى عشان لو عملت حاجة تانية هيبقا أوفر إكسبوزد والكاميرا هتحاول تبين السحاب والسما
ياللا جرب وإرفع ، مش مهم تستنى البدر جرب دلوقتى وشوف
سؤال معلش بخصوص الاعدادات
ليه اخترت الايزو على 200 و كنت تقدر تخليه 100 و تقلل سرعة الشتر؟
و لا ده علاقه بحاجه تانيه؟
العدسة على 300 مم والكاميرا كروب سينسور يعنى تضرب فى 1.6
يطلع الفوكال لينس الحقيقى 480 مم
القاعدة بتقول إن الشاتر مايقلش عن 1 على الفوكال لينس
يعنى كان لازم يكون أقل حاجة 1/480
الشاتر فوق 1/800 عند أيزو 200 لو أيزو 100 هيبقا 1/400
ما شاء الله تسلم ايدك.
القاعدة دى ضرورية فى ال Hand Held Photography إنما لو حاطت الكاميرا على ترايبود إن شالله تسيبها نص ساعة على ال Bulb مش هيحصل حاجة
إنما لو الشاتر بقا أطول من كدة وإنت ماسك بإيدك الصورة بتبقا مهزوزة
والإهتزاز ده بمقدار ، يعنى ممكن كانت الصورة اللى فاتت دى تتاخد على شاتر 1/100 وتشوفها معقولة ، بس لو أخدت 100% crop هتلاقى اللى بشاتر أعلى شارب أكتر أما اللى بشاتر أبطأ سوفت شوية نتيجة هزة صغيرة خالص غير ملحوظة فى الصورة الكبيرة
سؤال تاني بعد اذنك
الفوكاس كان اوتو و لا مانيوال و معمول انفينيتي؟
دلوقت العدسه بتاعتي ٥٥-٣٠٠ dx بما يعني ان ده البعد البؤري الفعلي
هل ممكن ان الاعدادات تبقى شاتر ١/٣٠٠ و الايزو على ١٠٠؟
دلوقت القاعده بتاعة العلاقه بين الفوكال لينث و سرعة الشاتر تتطبق برضه لو كانت العدسه فيها مانع اهتزاز؟