الموضوع: ممكن تساعدونى فى المقارنه بين العربيات دى بسعر فى حدود 20 الف جنيه

انا معايا 20 الف جنيه ونفسى اجيب عربيه وهتبقى اول عربيه ليا وهاحتاجها مثلا لو قولنا بالكتير فى الشهر حوالى 300 كم لو زادوا هيبقى سفر بس هيبقى كل اسبوعين مره واحده بس انا احسن عربيات لاقيتها فى السعر ده كانت بالترتيب
سوزوكى سويفت موديل 95 و الاشكال اللى زيها 1300CC
ابيزا 89 سيستم بورش حاله ممتازه وكانت عامله 18 الف ماتور 1200 cc
اكسيل هاتش باااك بس كل اللى شوفته راشش جوا بسب لحام او مغير نص علشان كدا بعدت عنهم خالص لان اكتشفت ان مفيش حاله نضيفه بالسعر ده
الماروتى ولونى مبحبهاش
لادا سمارا كانت عامله 17 الف بس معجبتنيش حسيت انها عربيه غريبه وشديده زياده عن اللزوم وناشفه
و البى ام 316 و 318 موديل 1980ّّّّل موديل 1982 بس عيبها قطع الغيار
سيتروين AX بس نا كتير قالولى ابعد عنها مش عارف ليه الصراحه
مازدا 323 موديل 80 -81-82 بس الصراحه شكلها معجبنيش
هوندا سيفك موديل 80-82-83-84-85 ودى عجابتنى جدااااااا بس لاقيت السويفت اشيك منها
فورد فيستا ودى برده قالولى قطع غيارها مفيش و بتسخن

المهم انا اللى عاجبنى فى ده كلوا كان الاكسيل بس المشكله كانت الحاله بالسعر ده وحشه والسويفت كانت بالنسبالى احسن اختيار وادينى اهو هروح اشوف واحده فى اليومين دول وادولى وياريت كلوا يقولى رايه ولو حد قدامه عربيه فى السعر ده حلوه يقولى