الموضوع: منين اجيب قلم دوكو نضيف

المشاركة الأصلية كتبت بواسطة michohat

طب ما تعمل انت قلم دوكو بلون عربيتك

اشتري اي قلم دوكو ولو عندك واحد استعمله

فكه ونظفة واغسله كويس بتنر واي ماده بتزيل اثار اي لون داخل القلم
و تروح عند اي محل بيضرب الوان ومعاك كود اللون اللي انت عاوزة يضرب ليك اقل كميه ممكن ممكن ربع كيلو
و تحطهم في القلم واستعمله وكده معاك نفس درجه لون عربيتك

(الفكرة من مقتبسه من موضوع لأحد الاعضاء هنا في المنتدى لا اتذكر اسمه )

انا فكرت في كده
بس الموضوع ازاي حد هيديني كميه صغيره
انا اللي اعرفه ان بيتباع علبه لون كامله
عماتا هحاول اسأل حد يديني كميه صغيره
وشكرا يا باشا

المشاركة الأصلية كتبت بواسطة michohat

انت ممكن تضرب ربع كيلو لون بكود عربيتك عند اي مركز تضريب الوان بالكمبيوتر
هو صعب تلاقي حد يضرب ليك ربع كيلو ايوه بس لو انت تعرف حد
وممكن تضرب مثلا نص كيلو لو مش عرفت تلاقي كميه اصغر من كده وحاولت تخلي الراجل يحطهم ليك ف علبه صفيح من بتاع الالوان و خد منها الكمية اللي انت عاوزها على قد القلم والباقي اقفل عليه العلبة و قفل حوالين غطا العلبه بلزق ابيض من بتاع الدوكو ده و شيل العلبه معاك ممكن تبقى محتاجها قدام وكده كده الالوان مش هتبوظ مدام انت عازلها بعيد عن الهوا

يا سيدي الفاضل فيه ثمن كليو كمان يعني الربع ده عادي عامه ربع البويه الميتالك بدون اي اضافات لون بس من غير ورنيش او مثبت سعره من 25 ال 30 جنيه كابسي