افضل عربية عائلية جديدة مانيول ..... بحد اقصى 80 الف جنيه

**CarMania** · 22-01-2013 03:09 AM

السلام عليكم ورحمة الله وبركاته

فى البداية احب اوجه التحية للمنتدى و اعضائه الكرام القائمين عليه

وبعتذر لو كنت بعرض موضوعى فى القسم الغلط .... لأنى مش لاقى قسم خاص بشراء العربيات الجديدة
فقلت اعرضه و هنا و الاعضاء يساعدونى

انا لسه جديد جدا فى عالم العربيات
وناوى ان شاء الله اتأهل و اتعلم السواقة واطلع رخصة
وربنا يكرمنى واشترى عربية

انا محتاج عربية عائلية تكون واسعة من جوه
وتكون مانيول
وميكانيكا محترمة وعالية عن الارض وتستحمل لأنى لسه جديد فى السواقة
وتكون جديدة مش مستعمله

وتكون بحد اقصى بـ 80 الف جنيه
وياريت كمان لو تقولوا لى افضل مكان اشترى منه و يكون معتمد لأنى هشترى تبع بنك

انا تابعت فى الفترة الاخيرة و شوفت الزيادة الكبيرة فى الاسعار و الجنان اللى شغال دا
وعارف ان اكيد الاختيارات قلت

بس قلت اسال اهل الخبرة و استفاد من خبراتهم؟؟
وشكرا مقدما لكل اعضاء المنتدى

**EngAhmedSakr** · 22-01-2013 05:33 AM

وعليكم السلام و اهلا بحضرتك معانا

الحقيقه بعد الزيادات الاخير وبما ان الميزانيه 80 ألف بحد اقصي
فأنا برشح لحضرتك اللوجان مانيوال زيرو
واسعه نسبيا - عائليه - عاليه عن الارض - مصفحه من الاسفل - صاجها محمل وكويس - أصبحت منتشره
برغم ان معايا إلنترا واحنا اساسا في قسم هيونداي ... ولكن اللوجان مع احد الاصدقاء وهي صفقه جيده بنظري في فئتها السعريه

صحيح فيه اختيارت افضل ياباني وكوري وماليزي في المستعمل موديلات 2008 فيما أعلي -- ولكن رغبه حضرتك في الزيرو بتخلي خياراتك محدوده الي حد ما (ووجهه نظر حضرتك صحيحه الزيرو ممتاز خاصه او انت مش هتغير قريب)

ربنا يوفقك وانتظر أراء اعضاء اخرين
تحياتي

**CarMania** · 22-01-2013 09:40 AM

اشكرك جدا اخى الكريم على اهتمامك و ردك
بس انا كان ليا سؤال تانى

انا سمعت كتير عن ان اللوجان عربية ممتازة جدا
بس فيه حاجة قلقانى .... انا كنت سمعت ان قطع غيارها غالية جدا و تكاليف الصيانة عاليه
هل الكلام دا سليم و لا كان زمان؟؟

تانى حاجة لو هنقارن بينها و بين الافيو .... هل هيا افضل ام الافيو
على اساس ان الافيو اكثر انتشارا و انا بميل اكتر لشكلها
فأية رأى حضرتك؟؟

**Samir Elshahawy** · 22-01-2013 09:57 AM

حتي اللوجان زادت و اعتقد انها تخطت ال 80 ألف و قد تكون مقاربة ل 90 ألف
أنزل معرض اوتوماك و أتفرج و شوف العربيات هناك علي الطبيعة و شوف الاسعار

أنا رأيي المتواضع بما انك حديث عهد بالقيادة خليك في حاجة ياباني مستعمل في حدود ال 80 ألف
- ياريس 2008 أو 2007 مثلا بحالة نظيفة
- كورولا الشكل القديم 2006 (ممكن تلاقي أوتوماتيك كمان)

كمان لو عايز جديد فكر في البريليانس

للأسف زيادة الاسعار الجنونية جعلت سقف الاختيارات محدود جدا

**أبو يوسف** · 22-01-2013 11:16 AM

أخى العزيز أمامك إختيارين
أولاهما : ماتريكس
واسعة جداً .. جداً , عائلية , عالية عن الارض , شكلها جميل , وشنطها كبيرة جداً وعالية , قطع غيار رخيصة , أى ميكانيكى ممكن يشتغل فيها وعلى فكرة هى معايا , وانا بركب فيها واحد قدام وثلاثة فى الكرسى الخلفى , وأربع أطفال فى الشنطة غير الشنط , وبعد دة كله مبتخبطش فى المطيات مع أنى مش معلى العربية
ثانيهما : رينو لوجان ام سى فى
7 راكب , عائلية , شكلها جمبيل , عالية عن الارض , تكييف , زجاج كهربائى .... الخ
بس قطع غيارها غالية جداًً .. جداًً
والاختيار لك
والافضل الماتريكس عن تجربة
أبو يوسف

**kar!m** · 22-01-2013 11:58 AM

رينو سانديرو ستيب واي.

**drmohamedkhater** · 22-01-2013 02:37 PM

انا مع الرأى اشترى مستعمل نضيف
معلش هتتعب شوية لغاية ما تلاقى حاجة نضيفة
و حاول تجيب تيوتا و يا سلام لو يارس 1300 التيوتا سعرها فيها و فعلا فعلا استثمار فى الفلوس اللى هتدفع فيها غير انها موفرة فى البنزين - يارس او كورولا و متنزلش عن موديل 2005 - بعد كدا يجي ال لانسر و بعدين الهيونداى ( فيرنا - ماتريكس ) اللى يقابلك و يكون مناسب لسعره و مناسب ليك السوق ماليان انزل اتفرج و متشتريش من اول مرة اهم حاجة يكون اللى معاك بيفهم فى العربيات كويس و تكون العربيه بيتى و غشيمه - دور و استخير ربنا و ان شاء الله هتلاقى حاجة كويسة و نصيحة بلاش الزيرو دلوقت .
ربنا معاك

**Hmatchy** · 22-01-2013 04:45 PM

بما انك هتشترى تبع بنك فلازم تشترى جديد
بص انا معرفش البريلليانس fsv وصلت كام بس هى عربية جميلة و صالونها معقول وشنطتها كبيرة وموفرة جدا فى البنزين بس قطع غيارها غالية شوية انا اشتريت من معرض عربيات فى المهندسين ولو حابب انا اعرف نائب مدير الفرع ممكن يعملك خصم كويس او على الاقل يجبلك اللون اللى انت عايزو لو حابب قلى و انا اسئلهولك سعرها كام

**CarMania** · 22-01-2013 09:00 PM

الف شكر على التفاعل يا رجاله .... وان شاء الله فى ميزان حسناتكم

المشكلة فى نقطة المستعمل .... انى هشترى تبع بنك و للأسف البنك مش بيمول غير الجديد وبس
ودلوقتى بعد ما استمعت لأراكم الاختيارات اتحسرت بين الرينو لوجن و الافيو
والحمد لله انا اطمنت للافيو بعد ما الاعضاء شكروا فيها و اكدوا ان عيوبها عيوب فردية مش مشكلة عامه

كان عندى استفسار بخصوص رأى الاعضاء عن العربية
Renault Sandero
هل هيا افضل ولا اللوجن .... من حيث الكفائة و توافر قطع الغيار واسعارها
وبالنسبة لنقطه انها Hatch Back .... هل المساحة خلف الكراسى كافية للشنط ولا ايه؟؟؟

وكنت عايز اتأكد من نقطة السعر
انا اخر سعر سمعته للرينو لوجن 2013 كان 72 الف ودا كان الموديل بالظبط
Renault Logan Black Line 1600cc - M/T
وبالنسبة للافيو كان 81.5 الف ودا كان الموديل
Aveo Manual LS - Remote Control - 1600cc - M/T
والاسعار دى انا قريتها من اسبوع تقريبا

كنت عايز اتأكد من الاسعار دى ... هل هيا فعليه ولا زادت بردة
وكمان الفئات دى تعتبر Full Option ولا Half ولا ايه بالظبط؟؟

الموضوع: افضل عربية عائلية جديدة مانيول ..... بحد اقصى 80 الف جنيه

LinkBack

أدوات الموضوع

عرض

-

-

-

-

المواضيع المتشابهه

دلونى على رينو عائلية حدودى اربعين الف جنيه

ايه افضل عربية فى حدود ال 130 الف جنيه

عربية عائلية أوتوماتيك في حدود ١١٠-١٢٠ ألف جنيه

افضل عربية فى حدود 65 الف جنيه؟

عربية عائلية

الكلمات الدلالية لهذا الموضوع

المفضلات

المفضلات

ضوابط المشاركة