انته كده عاوزها طيارات حربيه بقه مش هليكوبتر
عرض للطباعة
هي خطوة حلوة و كل حاجة بس مش عارف ليه حاسس أنها مش وقتها خالص...........فيه حاجات أولى زي إصلاح الطرق و توسيعها.
للأسف موضوع الكاميرات ده له أكتر من عيب
أولهم عيب خاص بمصر نفسها..........أن الكاميرات دي فى ظرف أسبوع هتلاقيها أتسرقت لو محطوطة فوق مباني........و الحل التاني هو أنها تتحط على عواميد عالية جداً خاصة بيها.....و دى تبقى صعب أنها تتسرق.
العيب التاني أنها مكلفة جداً علشان تعمل شبكة محترمة و تعمل مركز مراقبة يستوعب مراقبة كم الكاميرات اللى هتحتاجه علشان تغطي القاهرة مثلاً.............بس مما لا شك فيه أنها على المدى الطويل هتكون أوفر من الطيارات.
واحد أعرفه قالي من حوالي سنة كده أن إمارة رأس الخيمة فى الإمارات كانت بتعمل مركز متابعة و شبكة كاميرات................قالي أن تكلفة الشاشة بس كانت حوالي 8 مليون درهم......و كانت شاشة أحد أضلاعها 25 متر و قابلة للتقسيم بحيث انها تعرض العديد من الكاميرات فى نفس الوقت.
الراجل ده كان شغال فى الشركة اللى بتبني المبنى بتاع مركز المتابعة ده.
خطوه زي الزفت
سبب الحوادث كلها الاساسي
* بوظان الطرق
* عدم وجود ظباط المرور
* الاشارات واللافتات المخربه
* أنوار الطريق التعبانه و الغير موجوده أصلا ً
ضيف بقي هيمونوهم منين !
الناس دي بتصطنع فينا العذاب ولا ايه !!!!!!
احنا شايلن واحد ......... جالنا واحد ........................................... اكتر منه بمراحل
صح كدة هو دة فعلا :wink:
بعد ما الطرق عندنا بقت حرير و المطبات ملبن كدة و مفيش زحمة نهائي هو دة اللي كان ناقصنا فعلا المرور الطائر :angel10:
و ليه لا
شوف الموضوع ده و انت توافقني
http://www.nilemotors.net/Nile/331271-a.html
ياريت بس الاول يسفلتو الطريق وبعدها يضعو لوحات ارشادية صحيحة ويعيدو تخطيط الطرق مرة اخرى مينفعش كل الاسفلت اسود بدون اى خطوط فاصلة او حتى على الطرق السريعة مش كاتبين السرعة المحددة برقم كبير على الاسفلت ولا فاصلين بين الحارات ولا يوجد طريق محدد للتريلا او للاسعاف ولا محددين اى مكان لتوقف اى مركبة على الطريق ! بالشكل دة الشارع بقى زريبة
بكرة السما تبقى زحمة من الطائرات دة ويحصل مشكلة برضو : )
كان الافضل كاميرات فوق المبانى والعمارات , اوفر كتير واكثر فعالية جدا وخصوصا ان الكاميرات دى بتكون مجهزة بتقنية وجودة عالية ترصد حتى رقم السيارات المخالفة
كانت الموتوسيكلات و العربيات الجديدة نفعت ... الداخليه دي عاوزة تتفجر
يا باشا ده اللوجان لما جيت أحجزها طلبت لون أبيض قالي مابقاش ينزل إلا للشرطة بس وكانت أول طلبية ليهم 600 عربية ونزلت معاها تجهيزات من المصنع خاصة بالشرطة
بعدها بكام يوم وأقسم بالله جمب الشغل لقيت رينو لوجان بيضا شرطة سايقها عسكري لابس ملكي وباين عليه إنه عسكري ومدام قاعدة ورا! خير خير. أكيد المدام مأمور قسم وإحنا مش واخدين بالنا
وبعدين فين ال600 عربية لوجان بتوع الشرطة؟ حد شافهم؟
مش بعيد لما الهيلوكوبترات تزيد شوية نلاقي واحدة ست نازلة تجيب حاجات للبيت وتركب تاني وسلملولنا على ترشيد الاستهلاك!
صحيح والله..الي معاه قرش ومحيره يجيب هيلوكوبتر ويطيره