فك فانوس أمامى وأصلاح قاعدته ميجان 2(هام جداً جداً)
السلام عليكم
طبعا كلنا معرضين لحوادث وعربياتنا بتتخبط كتير.... لما حد بيخبط ميجان من قدام عندنا الاكسدام الأصلى بتاع العربية متين جدا وبيستحمل جامد وصعب يتكسر
الأكسدام مربوط فى العربية متحمل على الديفيندر الحديد اللى من قدام ومربوط من تحت بالمصفحة فى جسم العربية
ومن فوق متثبت فى جسم العربية بمسامير بلاستيك
ومن على الأجناب متثبت فى الرفارف
منطقة الفوانيس بقى منطقة وسط وبتشيل الأكسدام برضه من عند الفوانيس اللى بيمسك الأكسدام من عند الفوانيس
هى قاعدة الفانوس الأمامى لذلك لو لقيت الأكسدام مريح شوية لتحت من عند الفانوس الأمامى أعرف كويس إن دا بسبب خبطة حلوة أدت إلى كسر قاعدة الفانوس الأمامى تعالوا نشوف بالصور
مبدئيا دا فك الأكسدام ....http://www.nilemotors.net/Nile/330883-x_dam.html
دى صورة قاعدة الفوانيس اللى مشاور عليها بالسهم الأحمر وهى سليمة بعد ما لحمتها :grinder:
http://nileup.com/up/uploads/nilemotors_13588490061.jpg
طيب لحمتها أزاى ؟؟؟؟؟؟
هنبدأ بفك الفانوس نفسه
الفانوس متثبت ب 3 مسامير ألانكيه نجمة واحد من فوق واتنين من تحت هما لجوا شوية
أنا مشاور بالأسهم فى الصورة على أماكن المسامير اللى هنفكها http://nileup.com/up/uploads/nilemotors_13588499671.jpg
وعن قرب دى صورة المسمار اللى فوق فى الفانوس زى ما أحنا شايفين الحتة البلاستيك مكسورة
http://nileup.com/up/uploads/nilemotors_13588503861.jpg
ودا المسمار التانى من تحت http://nileup.com/up/uploads/nilemotors_13588505321.jpg
ودا المسمار التالت من تحت
http://nileup.com/up/uploads/nilemotors_13588506421.jpg
بكدا فكينا الفانوس بس لسة الفانوس ماسك بفيشتين نظام كلبسات بنضغط عليها فى حتة معينة ونفكها
زى ما فى الصورة كدا الفيشة الصغيرة بتاع الموتور فقط فيها 3 سلوك والفيشة الكبيرة فيها 5 سلوك خاصة بجميع لمبات الفانوس http://nileup.com/up/uploads/nilemotors_13588509091.jpg
طبعا أنا فكيت الفانوسين عشان ألحم الأجزاء المتكسرة دا منظر العربية بعد فك الفانوسينhttp://nileup.com/up/uploads/nilemotors_13588512001.jpg
شايفين الصورة دى قاعدة الفانوس ومكسور حتة منها http://nileup.com/up/uploads/nilemotors_13588514432.jpg
ودى الحتة المكسورة من القاعدةhttp://nileup.com/up/uploads/nilemotors_13588514431.jpg
ودى الحتة المكسورة اللى بتبقى ماسكة الفانوس فى جسم العربية من فوق المسمار اللى فوق بيركب فيها http://nileup.com/up/uploads/nilemotors_13588516841.jpg
نيجى بقى للحام ... أنا فكرت قلت ألحم ب 1 و 2 بس قلت مش هينفع لأنه هيتكسر تانى مع الحمل ومطبات و كدا وخاصة إنه مضروب مش أصلى
أستعملت فكرة رائعة جدا جدا وهى كالآتى
حتتين بلاستيك مكسورين مثلا وعايزين نلحمهم هعمل زى نظام كوبرى هجيب مسمار وأسخنه وأخرم خرم فى كل حتة منهم وخرم تانى فى الحتة المقابلة فى الحتة التانية المكسورة
وعديت نوع سلك معين رفيع قوى بس لما تجمع أكتر من سلك على بعض بيبقى متين وأبتدى ألف السلك وأربطه جامد وبعدين أجيب اللحام ال 1 و 2 وأغطى بيه السلوك دى
بيدى متانة فظيعة نفس فكرة الخرسانة كأن السلك دا الحديد وال 1 و2 دا الأسمنت
دى شوية صور للقاعدة والسلوك الملحومة بيها
http://nileup.com/up/uploads/nilemotors_13588521221.jpg
http://nileup.com/up/uploads/nilemotors_13588521222.jpg
http://nileup.com/up/uploads/nilemotors_13588521223.jpg
http://nileup.com/up/uploads/nilemotors_13588524202.jpg
http://nileup.com/up/uploads/nilemotors_13588524203.jpg
http://nileup.com/up/uploads/nilemotors_13588524203.jpg
ودى صورة الحتة البلاستيك ال صغيرة بعد ما لحمتها بالسلك وغطيتها باللحام ال 1 و2
http://nileup.com/up/uploads/nilemotors_13588524204.jpg
ودى القاعدة بعد ما لحمتها وركبت الفانوس فى مكانه
http://nileup.com/up/uploads/nilemotors_13588524201.jpg
http://nileup.com/up/uploads/nilemotors_13588526721.jpg
تقريبا الباش مهندس هشام اشتكى من المشكلة دى لما جه يغير الفانوس لأن تقريبا الفانوس مش بيجى بالقاعدة دى