أنا بعت من أول يوم ولا عبرونى لغاية دلوقتى
أنا بعت من أول يوم ولا عبرونى لغاية دلوقتى
كلمونى النهاردة ... نفس الردود والكلام اللى الأخوة الأعضاء قالوه
وزودت عليه ان الخدمة غير جيده والدعم الفنى بيرد ردود آلية لا تمت للواقع بصلة
وياريت يهتموا بتحسين الخدمة قبل محاولة جذب عملاء جددد
وفضل يتكلم كتير
بس واضح ان اللى فى دماغهم فى دماغهم
المشكلة انى كنت على خط تانى عميل قديم لمدة اكثر من 3 سنوات
وحالياً نقلت على خط تانى من سنة وكام شهر ومليش عين اتكلم لإنى واخد عرض 3 شهور و 3 مجانا وراوتر 4 بورت وايرليس مجانا
واخدت عرض تانى ادفع 3 وخد 1 مجانا
ياعنى بستعبط الصراحة هههههههههههههه كويس انهم عبرونى واتصلوا انا قولت هيطنشونى وهيقولوا هو عايز ايه قبل كده
بس انا قولتله انا عملي قديم على خطوط اخرى واضطريت اعمل كده لما شوفت فرق المعاملة بين العملاء الجدد والقدامى
اللى ليهم حق يكلموا بقلب جامد الناس اللى بقالهم 7 سنين دول
طيب جميل كل دة
وهتعملوا الموضوع عالفيس .. ويتبعتلهم مليون شكوى
وما عملوش عروض للمشتركين الحاليين .
هتعملوا ايه ؟ .. ايه هو رد الفعل يعني ؟
انا عندي رد فعل يضايقهم ويوجعهم .. ومش هنتحرم من النت .. علشان في ناس مصالحها عالنت
لكن انا هبقى عامل زي اللي جه في الهايفه واتصدر
يعني مش معقول يوم ما نعمل حمله على شركة النت .. تبقى حمله بتشحت عروض من الشركه
يا اخي مش هتديك عروض هي .. براحتها .. هو عافيه اديك عروض
انا شايف ان الحمله لازم تبقى على حاجة تستحق وتستاهل بجد ويبقى ليها قيمه ومنطق فعلاً
يعني مالاخر احنا مش محتاجين التلات شهور الزياده اللي واجعين قلبنا عاشنهم دول .. واللي انت ممكن تصرف حقهم في خروجه مع اصحابك
احنا محتاجين نت حقيقي .. محتاجين سرعات تواكب التطور اللي بقى عالشبكه .. محتاجين سرعات زي باقي الدول اللي حوالينا
محتاجين كوالتي في الخدمه .. يعني الميجا توصلني ميجا مش توصلي ميجا الا ربع
محتاجين اقل سرعه في مصر تبقى 2 ميجا بسعر 50 جنيه
محتاجين تعديل السرعات والاسعار تعديل جزري
فلسطين المحتله فيها ال 8 ميجا بسعر اقل من ال 2 ميجا عندنا
مصر الغير محتله فيها السرعه 512 كيلو هي السرعه السائده وبسعر مبالغ فيه
محتاجين نوصل نت بدون الحاجة لخط تليفون ارضي .. الناس اللي في المدن الجديده محرومه من ال dsl
احنا معندناش نت مالاخر .. اللي عندنا دة .. في دول تانيه بيكسفوا يدوه مجاني للمواطن
ويتكسفوا ليه؟ يدوهولنا مجاني وإحنا مش هنتكسف
واللي بتقوله عشان يحصل محتاج عشر سنين كمان.. ويكون في حالة يدخل منافس للسوق
لا حملة على النت ولا في التحرير حتى تخليهم يدوا اتنين ميجا بخمسين جنيه. ده انت في عرفهم كدة كفرت يا راجل
السلام عليكم ورحمه الله
امس العصر كلمونى وكنت فى اجتماع ولم اعرف اخذ وادى معاه فطلب منى رقم التليفون الذى عليه الخدمه
أنا مقدم طلب إلغاء تعاقد من أكثر من شهر والمفروض كان يُبَت في الطلب ده من حوالي 3 أسابيع وبعدها آخد الـ Cancellation Number اللي به هأقدم في شركة أخري .. بقالي أكثر من شهر وهما بيتلككوا والمفروض الحوار ده كان خلص في 15 يوم فقط !!! شركة مش محترمة ولا تحترم عميلها
لسه قافلين معايا من نص ساعة. شاب مهذب لقيته بيتصل برقم البيت عشان المحمول أنا مكنتش سامعه. خلاصة الكلام إن اللي بيتصلو بينا من قسم الشكاوى مطبطباتية مش في ايدهم صلاحيات أكتر من الهدهدة للعملاء. وحاجة كمان سألته أنا بعت شكوتين واحدة قصيرة والتانية طويلة (اللي هي بتاعة صاحب الموضوع) فأنهي اللي وصلت؟ قالي اللي هي Template وجاتلنا من كذا حد :)
وما خفي كان اعظم....من اسوأ الشركات في مصر في بعض المسائل التقنية...ممكن انتوا متحسوش بيها لكن اللي شغال في حاجات ليها علاقة بالنتورك بيتعذب وبيعاااااااني جدا من غبائهم ومن غباء ال network administrators هناك.
لكن المشكلة ان الشركة التانية اللي هي link برضو دعمها زي الزفت ومهماش احسن منها.
وطبعا شركات الاتصالات بتاعت المحمول خدماتها كارتونية ولايعتمد عليها بالمرة.
الحل؟ ربنا ينضف البلد دي.