التجربة كالآتي :
شراء سيارة هوندا سيفيك ٢٠١٠ كان عليها أقساط لكونتاكت وترخيصها باسمي وتحويلها من مرور لمرور آخر تحديدا من مرور النزهة لمرور ٦ أكتوبر
١- صاحب العربيه راح كونتاكت ودفع الأقساط كاش وأخد مخالصة للمرور لرفع الحظر من على الرخصة
٢- الذهاب لمرور النزهة وتغيير الرخصة بأخرى جديدة ليس عليها جملة حظر البيع
٣- استخراج شهادة مخالفات من نفس المرور
٤- الذهاب للشهر العقاري وعمل عقد بيع مسجل ثمنه ١٤٧٥ جنيه
٥- الذهاب لمرور السادس من أكتوبر وشراء ورق فحص ثمنه ٤٥ جنيه
٦- دفع التأمين الإجباري ٣ سنوات وثمنه ٣١٠ جنيه
٧- شراء طفاية جديدة ومثلث وحقيبة اسعافات ٢٠٠ جنيه
٨-‬ رفع بصمة ماتور وشاسيه واتأكد من صحة البيانات
٩- الذهاب لرئيس الوحدة وإمضاءه على ورق الفحص ولازم يكون معاك وصل الطفاية والمثلث
١٠- الذهاب لمهندس الفحص وراجع الأوراق وكتب على ضهر الورق مطابقة الملف والذهاب لرئيس الوحدة وختمها بختم النسر
١١-‬ الذهاب لمرور النزهة وعمل مطابقة للملف ومش بتاخد وقت خالص
١٢-‬الرجوع لمرور أكتوبر والذهاب لمهندس الفحص للفحص وإمضاءه وإمضاء من ظابط الفحص
١٣-‬ الدخول لشباك ترخيص الملاكي ومعاك الورق كله
١٤-‬ دفع الضريبة ٣ سنوات ٨٠٩ جنيه والرجوع مرة أخرى لموظف الشباك ثم الذهاب للمراجع وبعدين تاخد الرخص وألف مبروك
بس استنى ما تفرحش لحد ما تراجع البيانات كويس أوي وخاصة رقم الموتور والشاسيه
١٥-‬ تاخد الرخصة وتروح على المراجع هايديك ورق تاخد بيه اللوح الجديدة من مخزن اللوحات بس صور الرخصة الجديدة والبطاقة قبل ماتروح المخزن
١٦- الخروج للراجل اللي بيعلق اللوحات وخليه يخلع اللوحات القديمة وتروح بيها على مخزن اللوحات وإعطائها للموظف وتاخد نمرك الجديدة ومبروك عليه وعليكم والحمد لله