مساعده في فرامل الهوندا

**catmoon** · 22-01-2013 10:52 PM

معايا مشكله في هوندا سيفيك موديل 85 اوتوماتيك لما اجي ادوس فرامل والعربيه واقفه علي المور او البارك الاقي رجه في العربيه وكمان الفرامل ساعات بتحجر معايا بس مش كتير اجي اضرب فرامل لازم ادوس جامد علي الدواسه ولما جيت ربطت المسمارين بين الماستر والسرفو كان فيهم بوش بعد الرباط اجي اضرب فرامل اسمع صوت تنفيس بالرغم انه مكانش موجود قبل ما اربط بس الرجه لسه موجوده في الدريكسيون وهي واقفه ياريت تساعدوني لان دوخت بيها ولا حد عارف يشخص العطل منين سيرفو ولا هوا المكنه ولا ايه بالظبط وشكرا

**SAMEH_FOUAD** · 23-01-2013 12:51 AM

مشكلتك دية هتتلخص فى طريقتين وهناخدهم من الاقل تكلفة الى الاعلى

1- هتلاقى فية قطع فى خرطوم السيرفو اللى واصل للفرامل او فية تنفيس بسيط

2- عيب طاقية السيرفو وفى الحالة دية هتجيب سيرفو بالماستر مقفولين مع بعض من 300 الى 350 جنية استيراد

وشكرا على كدة

لكن ماتخليش حد يلعب فى المكنة لانها مافيهاش حاجة

**catmoon** · 23-01-2013 05:55 PM

اولا متشكر علي الرد السريع يا باشا
ثانيا انت تقصد بايه خرطوم السيرفو ال واصل للفرامل انا عتدي السيرفو طالع منه خرطوم واحد بس للمكنه وهو ده تقريبا خرطوم الفاكيوم وده اختبرته وسليم مفهوش ولا تنفيس انما كل ال طالع من السيرفو تاني خطوط معدنيه رفيعه انت تقصد الخطوط دى ولا ايه؟

**SAMEH_FOUAD** · 24-01-2013 12:30 AM

لأ طالما الخرطوم اللى واصل للمحرك سليم يبقى كدة السيرفو هو اللى فية مشكلة

**Mhmdz** · 24-01-2013 05:14 PM

المشاركة الأصلية كتبت بواسطة SAMEH_FOUAD

لأ طالما الخرطوم اللى واصل للمحرك سليم يبقى كدة السيرفو هو اللى فية مشكلة

+++++++++++++++

**catmoon** · 24-01-2013 08:58 PM

طيب لو هنتكلم علي السيرفو اعرف منين انه بايظ؟ يعني في طريقه معينه تعرفني انه باظ ولا لا لاني قريت في منتدي تاني طريقه كده وجربتها عندي وهي اني ادوس ادوس فرامل اكتر من مره والعربيه واقفه لحد ماالفرامل تتقل معايا وافضل دايس عليها واشغل العربيه لو لانت معايا تحت رجلي يبقي السيرفو سليم انما لو فضلت محجره يبقي باظ انا جربتها ولقيت الفرامل لانت معايا ونزلت الدواسه لتحت ايه رايكم في الكلام ده؟

**pop_king3** · 25-01-2013 12:24 AM

اعرف واحد بيصلح يغيرلك طاقيه السيرفو ويديلك ضمان 6 اشهر مش هتحتاج تشترى سيرفو 01008090209

**catmoon** · 25-01-2013 08:11 PM

[QUOTE=pop_king3;3874770852]اعرف واحد بيصلح يغيرلك طاقيه السيرفو ويديلك ضمان 6 اشهر مش هتحتاج تشترى سيرفو 01008090209

شكرا علي ردك بس ده مكانو فين بالظبط لاني من السويس وهاجيلو مخصوص