اصحاب الخبره محتاج مساعدتكم

**pegas** · 22-01-2013 11:49 PM

حيران بين سوبارو امبريزا 2013 high line و تويوتا كورولا 2013 high line خليجي بضمان التوكيل في مصر واصحابي عجباهم قوي كيا سبورتاج full options طيعا انا الي هاشتري مش صحابي ,انا بحب قوي الياباني وخايف اشتري حاجه كوري .انا عاوز اشتري حاجه كويسه اعرف ابيعها في اي وقت في الظروف الي احنا فيها دي ولا ماشتريش حاجه خالص واوفر فلوسي بس انا من غير عربيه متبهدل ..............افيدوني يفيدكم الله

**S O P H O S** · 22-01-2013 11:59 PM

لو عايز عربية جميلة تركبها وتستمتع بيها يبقي سوبارو
لو عايز عربية اسهل فكل شئ وقوية وتنفع مصر بالدرجة الاولي بكمليات قليل
لكن قوة واعتمادية وقطع غيار واعادة بيع الخ يبقي الكورولا
مجرد راي
والله اعلم ..

**pegas** · 23-01-2013 12:10 AM

افهم من كده ان السوبارو تستمع بيها وانت راكبها احسن من التيوتا

**S O P H O S** · 23-01-2013 12:23 AM

بدون تحيز ومن وجهة نظري فقط ايوة
ومش معني كده ان التويوتا مش كده ولكن دي ميزة تتفرق فيها عن التويوتا والتفوق لا يعني الانعدام فالكورولا
زي ما التويوتا هتتفوق فنقط اخري
والله اعلم ..

**AlGazar2** · 23-01-2013 12:38 AM

لو عايز عربية متشوفهاش كل شويه فى الشارع و تستمتع و انت راكبها و انت بتشد بيها و انت بتاخد غرز و انت بتشوفها يبقى السوبارو
عايز عربية لما تعطل تصلحها عند اى ميكانيكى و تبيعها بسرعه بس شكلها مش حلو و عواجيزى و تابلوه خاماته مش متميزه يبقى التويوتا

مع ملاحظه ان الصيانات الدورية لسوبارو اقل - سعر قطع الغيار للسوبارو جوه التوكيل اقل - سعر السوبارو اقل - سعر اعاده بيعها فى السوق المصرى اقل ( بس دى بتاعه ربنا )

لو عايز عربيه تستمتع بيها يبقى السوبارو لو عايز عربيه و انت بتبيعها تبقى مستمتع بيها يبقى التويوتا

**pegas** · 23-01-2013 11:09 AM

الصيانات الدورية لسوبارو اقل ؟؟

**AlGazar2** · 23-01-2013 10:00 PM

ايوه يا باشا اقل صياناتها لغايه ال 75 الف تغيير زيت و فلتر و صيانه السير على90 الف و من كلام المسئولين فى معرض فورميلا الاهرام ان سير الكاتينه جنزير مبيتغيرش بيتراجع عليه بس