يا جماعة طالب نصيحة:عملت حادثة: اعمل في في الاكصدام (صور)

يا جماعة كنت طالب رأيكم
دلوقت عربية ماتريكس سايقاها واحدة ست (الله يسامحها) مركبه ديفندرز دخلت في العربية من ورا - كان ماشي قدامي عربية نص نقل وفجأة بدون سابق انذار وقف انا الحمد لله وقفت (كنت ماشي 60) بس الهانم اللي ورايا خيّشت فيّ وجريت !!!!
طبعا الاكصدام فك من الجنبين وكان بيحك في الكاوتش وطبعا ماحاولتش احصّلها!
كل اللي عملته دوّرت على مكتبة وجبت منها سوليتب عريض ولزقت الاكصدام من الجنبين وتوكلت على الله
بالنسبة للشنطة الحمد لله ما تأثرتش بتفتح وتقفل عادى
التأمين مش عامل
دلوقت الصور أهي:

http://img71.imageshack.us/img71/327...2008001jk9.jpg

http://img71.imageshack.us/img71/666...2008002uu2.jpg

http://img71.imageshack.us/img71/6449/25072008rj9.jpg

دلوقت انتوا رأيكم ايه:
هل الاكصدام ينفع يتصلح ؟؟
والا لازم جديد؟؟

طيب لو ينفع يتصلح يبقى عند مين ويتكلف في حدود كام؟
ولو جديد هل لازم التوكيل؟ طيب يتكلف كام وياخد وقت قد ايه؟

بجد يا جماعة انا محتاج رأيكم ضروري ومحدش يبخل علىّ بالنصيحة :ANSmile05:

السلام عليكم
معلش وربنا يعوضك خير انا شايف من الصور انة انسب تغيره لانه حتى لو صلحت الكسر هيبقى فية تعديل الرضوض وطبعا هيحتاج دهان ده فى حالة الاصلاح وهما كتير وموجودين فالحرفيين اما فى حالة تغيير بجديد فده سهل كل ما عليك تنزل التوفيقية او شارع دمشق وتشترى واحد ومجرد ساعة عند اى سمكرى هيركبة وبرضة هيحتاج دهان والموضوع اظن لو فالتوكيل هيبقى غالى جدا

قدر الله وما شاء فعل ربنا يعوض عليك خير ان شاء الله
لا هوا اوفر انك تروح يتلحم تاني ويترش وهيرجع زي الاول بردوا في الحرفيين علشان بينزل الدهان الي علية ويلحم ويرجعة جديد زي الاول وبعدين يترش ويركب تاني احسن واوفر

يا عم يتصلح بإذن الله لأن الفرق بين تمن الجديد و التصليح كتير أوي.

إعمله صاج و ريح دماغك....

راجع الموضوع ده

http://www.nilemotors.net/Nile/showthread.php?t=5932

و الصور هنا أهه

http://www.facebook.com/album.php?ai...c&id=640975615

و ان احتجت مساعدة ابعتلي عالخاص

لا حول ولا قوه الا بالله قدر الله وماشاء فعل معلش

انا برضوه حصلت معايا نفس الحركه بس نص نقل دخلت فى الاكصدام الخلفى وانا واقفه فى اشاراه وطبعا على ما نزلت ازعق كان سواق النص نقل طار وجرى

المهم انا سبت عربيتى كده كل ما اصلح شى يحصلى شى تانى
شوف فيه ناس من المنتدى نصحونى وقتها ان الاكصدام يتصلح فى الحرفين ومش غالى وهيرجع ذى الاول واحسن ان شاء الله والفتحات اللى موجوده دى بتتملى بماده ذى الفوم كده المهم انت اسال وروح الحرفين صلح


ولو حضرتك تلاحظ بص على اى عربيه ياريس فى الشارع هتلاقى الاكصدام الخلفى مفتوح فيه شباك والله بجد 90% من الياريس مخبوطه من وراء
طبعا ده راجع الى نوعيه الاكصدام الرديئه

السلام عليكم و رحمة الله و براكاته روح عند الحرفيين و هيعملوهولك انا عايز برده مشوره انهارده و انا طالع من الجامعة كان قدامى واحد بعربيه النترا كان بيرجع بدهره فخبطنى فى اقصى الأكصام الأمامى و الرفرف اتنى شويه و رديته بأيدى و الأكصدام اتنى شوية مكان الخبطه لكن عنده الأكصدام اتفك شويه مكان الخبطه السؤال هنا انا ليه عندى الأكصدام و الرفرف اتطبق و هو محصلوش حاجه غير انو فك من ورا مع انى معايا مرسيدس و معروف انها ناشفه و هل من الزوق انو مايرضاش يعمله و يقولى بسيطه؟ و اتصرف ازاى لو واحد خبطنى بعد كده و قالى ديه بسيطه؟ و شكرآ

معلش يا سامح
منهم لله اللي مركبين ديفندر بياذو بيها الناس
اعملها طبعا اوفر واحسن
والاكصدام الاصلي افضل
ده تليفون صنايعي شاطر اسمه احمد دوكو في الحرفيين
روحلة وكلمة الاول وقولة انك من طرف كريم منير
هايخدك يوديك لبتاع بلاستيك وتتعمل وبعدها يرش ويمعجن
وممكن تسيبهالة وتاخدها تاني يوم
وهو يوديهالك لبتاع البلاستيك
بس قولوة كلمة السر
كريم منير
0102892814

انا يا جماعة عاجز عن الشكر
وخصوصا ليك يا كريم باشا
وانا كنت متأكد ان الناس هنا زي العسل ومش بتتأخر على بعض

سؤال تاني : انا مش من القاهرة بس مفيش مشكلة اني أصلّحها في القاهرة
بس تقريبا التكلفة بتاعة التصليح ممكن تكون كام؟؟

الاكصدام الجديد غالى جدا... معرفش الخلفى بكام لكن الامامى لليارس بحوالى 1300 جنية

انا عملت اكصدام عربية والدى الافيو و الشاسية الفايبر اللى تحتة (كان مقسوم حتتين) ب 120 جنية فى عرب المعادى عند واحد اسمة احمد منير

MMamdouh

بسيطة ان شاء الله

بيتسخن الاكصدام بالباشبوري و يستعدل و بعدين بيتلحم الكسر اللي فية و بعد الدهان و لا يبان و يبقى زي الجديد ان شاء الله , و مش بيتكلف شيء يذكر في الموضوع دة بس الدهان هو اللي حايكلفك شوية

مش عارف الناس اللي بتركب دفيندرات و هي اصلا مش بتعرف تسوق دي مفروض يسحبوا رخصها

شكرا ممدوح باشا ع الافادة : طيب هو الراجل ده بتاع فيبر؟ والتكلفة دي منها رش ولا لأ؟
أدهم باشا شكرا ع المشاركة ومعاك حق بس اساسا المفروض ده ممنوع داخل المدن مش عارف بيسيبوا الناس ليه

اقتباس:

---

المشاركة الأصلية كتبت بواسطة HRH_Sameh

شكرا ممدوح باشا ع الافادة : طيب هو الراجل ده بتاع فيبر؟ والتكلفة دي منها رش ولا لأ؟

---

هو بتاع فيبر فعلا... و التكلفة غير شاملة الرش... التكلفة عالية عشان الشاسية الفايبر كان فى الضياع... انا عملت اكصدام اللانوس لما كان مشروخ بالطول ب 35 جنية... التكلفة حسب الشغل

MMamdouh

شكرا يا ممدوح ع التوضيح

بيترد و يتظبط بالفيبر و يترش لوحده بعدها و التكلفة مش هتكون عالية ان شاء الله

شكرا ليك يا محمد ع المشاركة

انت مش محتاج بتاع فايبر

لان الاكصدام دة بكلايت او كاتش مضغوط

لو اتعمللة لحامات فايبر بتبقى ناشفة مش بتاخد و تدي و اي ترييحه ركنة حاتكسر الاكصدام او يقشر و يبقى شكلة مش ولابد

الصح انة يستعدل عند السمكري بالباشبوري زي ماقلتلك
و اللحام اللي فية السمكري بعملة بحتة بلاسيتك من اي اكصدام زية بيسحهها بالتسخين و يلحم بيها
السمكري بتاعي عملها قدامي في ياريس في شهر ابريل اللي فات و عملها زي الاصلي بالضبط

فعلا الصح يتعمل عند بتاع بلاستيك لو نزلت الحرفيين لاحمد بتاع الدوكو هايوديك لبتاع بلاستيك كويس انا عملت عربيتي عندة
بيفك الاكصدام وبيتشغل علية باشبوري ويدقة بالراحة من غير ما يبوظ الدوكو كمان
بس في حالتك عشان في كسر وهايلحم ممكن يبوظ الحتة دي وتتعفر دوكو لو عايز تلمها لو يتسحق الاكصدام كلة ويدخل كابينة
كلم احمد بتاع الدوكو هايدلك المفيد صدقني
بتاع البلاستيك هايخد حسبة 40 او 50 جنية
والدوكو لو اوميجا ممكن يتعمل في حدود 250 او 300
اسال احمد ترش اكصدام ياريس بكام
وبعد كدة قولوة عشان خاطر كريم منير يبقى بكام
وابقي عرفني
ولو عايزني ابصلك عليها او انزل معاك قوللي بس قوللي قبلها بيوم عشان اظبط مواعيدي

شكرا يا ادهم مرة تانية
ويا كريم انت اسم على مسمى

هافكر واشوف الظروف
طيب سؤال تاني معلش طولت عليكم
دلوقت انا زي ما قلتلكم مش من القاهرة
هل ينفع انزل اعمل الموضوع ده كل في يوم واحد (لحام ورش مثلا) وليكن السبت اللي جاي مثلا
والا الخطوات تاخد اكتر من يوم وحسب ظروف الشغل والصنايعية
لأني عندي اجازة جمعة وسبت في الاسبوع

نفس الخبطه بتاعت ابن خالتي
راح التوكيل و غيره و غير حاجه اسمها المدفع ب 3000 جنيه
شوف لو فيه استيراد يبقى افضل و ممكن كمان يكون نفس الون اكيد هايبقى ارخص
و هايوفر في الوقت اما الحام ده انا ماجربتوش

شكرا ياباشا ع المشاركة
وايه هو المدفع ده؟

لا بلاش السبت علشان بيبقى آخر الاسبوع و الصنايعية عايزين يقفلوا الشغل ويلموا مصنعياتهم
الجمعه متهيألي يبقى احسن
و اعتقد الدوكو ممكن كمان اقل من ال 250 جنية

البوية مش غالية

والاكصدام كبيرة تمن 1/8 كيلو يعني مايكملش 15 جنية و مش لازم يترش في الفرن
في الورشة و الجو حر كفاية ويبقى ب 100 جنية
ولو حايخش فرن برضة 150 جنية كفاية قوي
ولو عاوز حد قوللي

يا اخاوني الأكصدام كله على بعضه جديد بــ 700 جنيه بس ولو في زياده مش هتبقى اكتر من 50 او 100 جنيه ده لو زاد وده سعر الوكيل يعني لو بره هيبقى ارخص أظن

انا رايي جديد احسنلك لأن اللحام والحاجات دي مع او خبطه خفيفه بتبان خصوصا انه هيتمعجن وهيترش والمعجون بيبان مع اول حكه خفيف او خبطه خفيفه

وربنا يعوضك خير ان شاء الله

لحام + رش = 250 = زي ما طلع من المصنع
كد أوفرلك ومش هتندم أنا أعرف واحد مجربو وشغلو نضيف جداً

شكرا يا جماعة بجد على مشاركاتكم المفيدة جدا

يا جامد الحمد لله انك بخير وتوظ فى اى حاجه تانيه الاكصدام ده ممكن تعمله فى احمد سعيد فى واحد هناك بتاع فبر بس بيرده تسخين وبعدين بيلحم الشفف لو كانت اتكسرت وبعدين يركبه تانى وفى الاخر رشه تانى وكله هيكون تمام باذن الله والراجل ده هتلاقيه جنب بريدجستون اللى فى احمد سعيد

شكرا ليك على المشاركة ياباشا :)

وانا خلاص عملته من كام يوم عندنا في البلد كالآتي:
80 جنيه لحام واستعدال الاكصادم بالـ Hot Air
150 جنيه تكلفه الرش بالفرن واللون كمبيوتر

والنتيجة الحمد لله مرضيه وهاجيب صور بإذن الله

وشكرا لكل اللي ساعدوني بجد
ومانجيلكوش في حاجة وحشة :no4: