-
انا كان معايا فلشيا قطع غيرها اغلى من الفيرنا بمراحل غير كده العفشه بتاعه الفيرنا جامده جدا جدا عن تجربه لمده 100 كيلو مادبتش مسمار فيها مع العلم ان السواقه بتاعتى خشنه
فى السفر مريحه جدا جدا انت بس شايل منها بصلها بمنظور تانى بس اعرف انت ماعك ايه من هيونداى
-
الفليشيا قطع غيار اغلى بس المانى وبتعيش اكتر بكتيير اللى بتركبة بتنساة خالص وعن تجربة
عفشة اقوى بكتيير بقالها اكثر من عام والحمد لله حتى العفشجى مبيربطهاش اصلا بيبص عليها وبس
صاجها قوى جدا وثبات على الطريق ملهوش حل فى السرعات العالية تاخد ملفات على 140 وانت مستريح وبتعدى على الميكانيكى للظبط فقط كل 6 شهور
عشان كدا لما بحب اتحرك باعتمد عليها بصفة اساسية ولا ارحب بركوب غيرها لانها فعلا طلعت اصيله اوى معايا
الهونداى بقى الهوا بيمرجحها وسقفها للاسف الهوا عرجة هوا والكبوت ومش عارف اعمل ايه فيه لازم نفك سقف الصالون مش عارف عندك حل ليها ولا اعمل ايه
وعفشه حدث ولا حرج لو استخدمتها اسبوعين يبقى لازم اراجع العفشة عشان مشىى كله فى مدقات
ثبات على الطريق لا يستر راكبها فعلا بخاف بعد ال 110وبحط ايدى على قلبى فبخليها للمشاوير الخفيفة على الطرق المسفلتة فقط
-
لما كان معايا الفلشيا كانت بتاخد تيل كل 15000 و وش سلندر كل صيف تقريبا و علبه الدركسيون حدث ولا حرج كل 6 شهور حشو الفرنا مابتعملش كده مع ان الاسكودا انا بحترمها جدا جدا رغم كل ده العربيه كانت اصيله و راسيه على الارض اكتر من الفيرنا
-
اكيد حالة السيارة كانت وحشة لما اشتريتها او مكنتش بتعمل صيانة صح او بتركب قطع غيار مش اصليه (يعنى ايه تيل كل 15 الف ) دا انا كدا اغيرة كل خمس شهور بقى.
الحمد لله 60 الف ولسا التيل ماتغيرش (صاحبها قالىلما اشتريت انة لسا مغيرة قبل البيع من سنة و8 شهور و الحمد لله زى ما هوا (تركى ب 60 جنية - صاحبها قالى كدا) )
علبة دركسيون وعفشه زى ماهيا لما اشتريتها من حولى عام و8 شهور تقريبا وعملت حوالى اكثر من60 الف والحمد لله كما هى وكل فترة اعدى على بتاع العفشة عشان يكشف يقولى مفيش حاجة حتى اخر مرة قلتله اكشف تانى فحلف مفيش حاجة
ولو شفتنى وانا بسوق ازاى وبجرى اازاى وبمشى بيها فين كل يوم 100 كيلو مقفولة ماعدا يوم الجمعة فقط دا غير السفر بقى هتقول من قلبك (حرااام عليك اللى انت بتعملة فى العربية دا ) دا بنقل بيها عفش كمان شلت فيها اسمنت وترابيزة وسلم وكرسى والحمد لله رب العالمين زى الفل
ولي اكثر من زميل العمل معاهم فيرنا مكسرتش سنة وبيجوا احيانا من غير السيارة واسال حد فيهم يقولى العربية بتتصلح فى التوكيل وكل شوية يحكوا عن مشاكل وبتحدث على فترات متقاربة عشان كدا احب السيارة اعتمد عليها يعنى متعطلنيش يوم لان اليوم بفلوس ووقت وحرقة اعصاب فكانت فعلا بالنسبة لى اختيار موفق جدا وهوا دا اللى محتاجة من السيارة
وطبعا كل واحد وراحتة لولا اختلاف الاراء لبارت السلع
-
على فكره انا لما بقول كده مش معناه ان الاسكودا وحشه لكن بجد انا بحبها جدا دى عاشت معايا و كانت عربيه فوق الوصف و ليا واحد صاحبى لسه معاه برضوه بس احب اقولك نفس المشاكل اللى كانت عندى موجوده عنده مع العلم انه (محسوك جامد اوى فى العربيه)
-
طب هيا مش موجودة والحمد لله عندى ولا عند اصدقاء كتيير
كثيير منهم بيشترى زيرو ومبيبعش السيارة بيسبها للمدام ويستخدمها فى الطوارئ والسبب انها كويسة مش عاوز يفرط فيها
مشكلتها الاساسية انك متجبهاش من شاب روش بيقرص عليها ويأمرك ويفرك فيها ويسقط غيارات بيطلعوا عين العربية ومن الصعب انك تلاقى بردة سيارة جولف او بولو حالتها كويسة من كثرة لعب الشباب
-
الحمد لله ربنا يكفيك خيرها انا حاسسس ان الموضوع ده هايقلب بخناقه بقولك انا عامل موضوع تانى فى هيونداى و ده اللينك بتاعهhttp://www.nilemotors.net/Nile/showthread.php?t=35654
ادخل و يارب اشوفك هناك
-
ليه بس خناقة هوا احنا بنقول حاجة غلط
كل واحد معاه حاجة مريحاه فين المشكلة بقى:7bteen::7bteen:
-
ههههههههههههههههههههه
معلش على الرد ده بس انا انهارده الصبح كنت هاموت واحد بسبب بنى ادم غبى كان ماشى جنبى انا اسف حتى الشغل مش عارف اشتغله
-
يارب اشوفك فى المقابله دى
Content Relevant URLs by
vBSEO 3.6.0 PL2