مميزات وعيوب بروتون ويرا و واجا

**alexandro** · 23-01-2013 06:28 PM

السلام عليكم ورحمه الله وبركاته
انا كنت عايز اعرف مميزات وعيوب بروتون واجا وويرا والفرق بينهم و افضليه توافر قطع غيارهم و هما احسن ولا حاجه زي اوبل كورسا

وياريت لو بروتون ويرا و واجا 2004 - 2005 حالة جيدة يعملوا بتاع كام دلوقتي

شكرا

**alexandro** · 24-01-2013 02:17 PM

لما مفيش حد عارف اصلا حاجه في مبادئ العربيات ديه هعمل ايه لو جبتهم

**NourElmansy** · 27-01-2013 03:04 AM

مافيش واجا 2004

الواجا من 2005 لحد 2011

اسعارها حسب الحالة .. الواقع 50 ألف .. الواقف 70 ألف ... و ما بينهما حسب الحالة .

الويرا مافيدكش فيها لأني مركبتهاش ومعرفش عنها كتير

**alexandro** · 30-01-2013 12:19 PM

صرفت نظر عن البروتون

**yousefsemsem** · 30-01-2013 01:58 PM

الويرا عربيه ممتازه مبنيه علي لانسر هي هي العربيه من عفشه لالات جر وكله هو الشكل الي اختلف بس في الفوانيس اخرها في السوق 2005 وقطع الغيار متوفره كلها لانسر حتي الصاج كمان لاقدر الله في حاله بوظان اي قطعه او حاجاتها هي موجوده في الحرفين
الواجا هي برضه عفشه الانسر بس البومه او الكرستاله تقريبا الله اعلم اصحاب الواجا هما اللي يفدوك في منها من 2005 الي الان عرفيه ثبات محترم تتفوق علي الويرا انها فيها ارباج وabs قطع الغيار بتاعتها موجوده كمتور وعفشه لكن الصاج وفوانيس ممكن تدوخ وممكن لا حسب المحلات في شارع دمشق
ياريت اكون افادتك لو بقيت من ملاك بروتون او افادت اي حد عاوز يسال

**hosamwaja2410** · 09-02-2013 05:12 PM

انا معايا واجا 2005 و اعتقد انها عربيه جيده في اشياء كثيره اهمها فخامه السياره من الداخل بتصميمها الفريد و فخامتها و اتساعها و سعرها الملائم في السيارات المستعمل منها بالنسبه لامكاناتها ..و طبعا لا تخلو من العيوب و اهمها التوكيل بتاعها الذي يشتكي منه الكثيرين و سعر اعاده البيع ( ده ممكن التغلب عليه بانك بتشتري عربيه مستعمله بسعر كويس ) و طبعاً في قطع غيار لها غاليه او غير موجوده و اهمها النواكل الداخليه في السياره و في مشكله في الزجاج الكهرباء بتاعها و يمكن التغلب عليه بتعديل ماكينه الزجاج بماكينه زجاج تويوتاكورولا مثلا ( في ناس بتعمل الموضوع ده ) ..انا مثلا عندي جوه العربيه فتحات التكييف البلاستيك مكسوره و مش عارف اغيرها و غاليه في التوكيل ..