الموضوع: نظره عامه عن معرض اوتوماك فورميلا

السلام عليكم

روحت انهارده المعرض الساعه 11 تقريبا المعرض تنظيمه متوسط و العارضين مش كتير زى السنين الى فاتت مش عارف ليه

اول مدخلت و ركنت العربيه لقيت المونستر العملاق ده قدامى


و كان فى قبل العربيات سباقات فورميلا من موبيل 1 عباره عن سباق بين 4 و الى بيكسب بيركب عربية سيموليشن للى بيحصل فى الفورميلا بالظبط لعبت انا و صاحبى بس كل واحد مع ناس مختلفه هوه كسب و لعب فيها و انا ما اهتمتش كده كده مش هادخل فى العربيه بس بجد سيموليشن لكل الى بيحصل من اهتزازات فى العربيه و رج للماتور و شعور بالنقلات و كل حاجة

المهم العربيات بقى
دخلت اول حاجة شوفتها الرائعه البنتلى طبعا بقيت باصص كده مش لاقى الايموشن ما علينا اكيد كل الى راحوا بصوا نفس البصه يعنى ببص الناحية التانية لقيت سوزوكى التو احساسى كنت عايز اعرف مين المنظم ابن التيت الى عمل كده عشان اعمله كده

البنتلى قدامها سوزوكى التو

ما علينا من دى كملت بقيت المعرض و توقفت مطولا عند الفورد و بعد كده و بعد كده روحت على النيسان و شوفت الجوك ار و السكاى لاين جى تى ار و نفس النظره بنفس الايموشن بتاع البنتلى و كان قدامها هيونداى و جنبيها جيلى اعرف مين الى نظم المعرض ده بس بعد كده بصيت على الفيات و اتصدمت من الاسعار الجديدة
و انا فى نيسان جربت اقعد فى الجوك العادية دخلت بالعافيه عربيه ضيقة بكل المقاييس لو طويل او لو تخين زيى كده و بعد كده جربت القاشقاى عربيه واسعه و حلوه و عاليه متميزه جدا بس مشيت على طول ما استحملتش الدى جى خصوصا انه كان ممنوع التصوير مع الجى تى ار و عاملين سور للجوك ار عشان محدش يخطفها تقريبا

كملت و شوفت عربيه صينى كده بس تقفيلها حلو اسمها شانا ايدو تقريبا مش عارف رجلو فين بس بيدروا عليها بس عربيه حلوه و واسعه و تقفيلها حلو و اوبشنها حلو برضه

كملت و روحت على سيتروين طبعا عربيات جامده جدا و كانوا عارضين السى اليزيه الجديدة عربيه رائعه بكل المقاييس و هتسحب البساط عن عربيات كتير جدا و ده موضوع عنها
http://www.nilemotors.net/Nile/331840-a.html

و عارضين عائلة الدى اس كلها بس اجملهم طبعا الدى اس 5 عربيه خياليه بكل ما تحتويه الكلمه من معنى احلى عربيه شوفتها هناك ممكن يوصل طموح اغلبنا انه يجيبها

بعد كده روحت على فولفو بس ما اتفرجتش على حاجة فيهم من جوه بعد كده على بى ام شوفت الفئه الاولى بس بعد الدى اس فايف بامانه قفلتنى من البى ام كلها و لقيت السوبارو فى وشى و البى ار زد الجديدة بس كانوا قافلنها

المهم قعدت جواها و شوفتها و شوفت ماتورها لاول مره ماتور يعقد و يخض و السير المجمع بتاعه يخض و طلعت بمعلومه ان سير الكاتينة بتاعها جنزير مش عارف ده صح ولا لا بس ده بتاكيد من اتنين من قسم سوبارو و بامانه اكتر قسم عجبنى فى المعرض كله على الرغم من ان كل المعروض فيه 5 عربيات 2 سوبارو و واحده xv و ليجاسى و البى ار زد و هاتعرفوا ليه فى اخر الموضوع
بعد كده روحت على رينو و شوفت الرينو توينز حاجة زى عربيات الجولف لاتنين بس و بتشتغل كهرباء بس هتبقى مفيده فى الزحمه و طبعا مش هاتنزل مصر و شوفت عربيه شبه الفلوانس بس كهربا و احتمال تنزل بعد 3 سنين و بتتشن من 6:8 ساعات بتمشى 180 كيلو و اقصى سرعه 135 كيلو و بعد كده الفلوانس الجديدة الى زادت بشكل مبالغ فيه هيه و باقى الرينو بس عربيه حلوه و بسؤال المندوب عن اسباب زياده اللوجان الرد كان شوف الكيا بيكانتو بكام و دى بكام كان دى حجة مثلا او مبرر انه يرفعوا السعر و شوفت الكليو و كانوا قافلينها برضه و دى هاتنزل ب 145 الف تقريبا و بماتور 1200 سى سى و 75 حصان و ده ليه عشان فيها جى بى اس و حبه اوبشنز تانيين ماشيين بسياسه استهبال غبور اوتو
بعد كده روحت على الاوبل و قعدت شويه فى الموكا الجديده الى محدش فيهم عارف هتبقى بكام ولا هتنزل امتى ولا اى حاجة خالص و قمت داخل على شيفورليه عشان الاقى ان الاوبترا بقت ب 112 الف و اللانوس العظيمه بقت ب 77 الف جنية و الكروز ب 155 الف المهم بقى ان المندوب مش مقتنع ان الاوبترا بتنزل بماتور النوبيرا و الكروز القديمه بتنزل بنفس الماتور و ان الاتنين تكنولوجيا اوبل قديمه و ان الكروز القديمة كانت نازله بماتور خاص بيها ههههه المهم ان الجديدة نازله بماتور الاوبل ال e-tech الجديد الحمد لله بعد طول انتظار و طبعا اسباب زياده الاسعار حتى للتجميع المصرى شوف الباقى زاد كام و احنا اقل زياده فيهم بيقلدوا بعض و محدش بيراقبهم و الله

جنب قسم الشيفروليه كان فيه قسم الكلاسيك كارز طبعا عربيات تحفه و اثار و كان معروض كمارو و كاديلاك و بونتيك و رولز رويس و عربيات من ايام الاسره المالكه و عربيات جميله جدا من القاهره القديمة

فى الوقت ده كنت جبت اخرى خلاص بس روحت قسم بيجو اسأل على ال 301 و طبعا منعرفش بس هتبقى فى ابريل و فى حدود من 100 : 130 و كانوا عارضين ال rcz الرائعه بس انا كنت خلاص خدت على التعقيد من الى فات هههه مبقاش يأثر معايا و رجعت على سيتروين و انا فى الطريق روحت لسوبارو تانى و بعد كده شوفت بى ام كانوا عارضين ريس جبار 1650 سى سى 160 حصان تمنه 240 الف جنية بس بس ريس صباح التعقيد و الجمال و قله الادب فى التصميم

اكتر حاجة مش عاجبانى فى المعرض الموديلز الى فيه ( مش لاقيلهم اسم تانى ) بس حاجات كده على راى ياريس باشا فواكه و الله تفاح و مانجه و قشطه و متنقيين بالواحده طبعا عشان يجذبوا الشباب و الرجال للعربيات و دى اكتر حاجة عجبتنى فى سوبارو ان مفيش موديلز كانوا واقفين هناك خالص و العربيات هيه الى بتجذب الشباب لدرجة انى فتحت كبوت العربيه لقيت تجمع عليها عشان يشوفوه و ناس منهم صوروا الموتور هههههه

و رجعت البيت الحمد لله و انا رجلى كلها بايظه من المشى ههههه