اقتراح تنظيم مقابلة فى حلبة icc العبور ... دعوة نمور كيا للشد واللى خايف يروح

**moha4tec** · 05-02-2013 08:21 AM

المشاركة الأصلية كتبت بواسطة محمد بدر

أخى وصديقى العزيز أبو ليلى
أعضاء المنتدى الكرام - اعضاء قسم كيا الغاليين
ارق سلام وتحية لكم جميعا
كان لى وجهة نظر متواضعة حبيت أعرضها عليكم بخصوص هذه المقابلة ممكن تكون كويسة وممكن متكنش
طبعا اجازة نصف السنة وكما تعودنا فى السنوات السابقة مرت بها الأحداث المؤسفة المتكررة وطبعا كل المواعيد وكل الخطط اتعمل ليها هولد أو اتكنسلت وفسحة العيال بتاعة نصف السنة كمان بخ
وبما إنه حتى هذه اللحظة لم يتم تحديد موعد المقابلة وهى من الممكن ان تكون ثورة فى هذا المنتدى
فلابد ان يكون لها تجهيز قوى وحضور كبير من السادة الأعضاء
ولذلك مينفعش تتم من غير حضور ومشاركة بعض الأعضاء المميزين وإللى ليهم بصمة وعلامة فى هذا القسم بوجه خاص والمنتدى بوجه عام
وعلى سبيل المثال اخى الصغير والفهد الكبير (ياسر الصياد) حبيب قلبي
ولذلك يكون تحديد الميعاد بعد استلامه لسيارته بعد الإصلاح نحدد موعد المقابلة وبالمرة نعملوا حفلة صغيرة لنجاته من هذا الحادث ربنا يسترها معانا جمعيا

و الله العظيم اقتراح 100% و كلنا بندعمه باذن الله

**askoda** · 05-02-2013 11:59 AM

I'm in with my little Sirion 1.3

**divianella** · 05-02-2013 06:15 PM

المشاركة الأصلية كتبت بواسطة moha4tec

هو يفضل لو حضرتك عاوز تحضرى :تصطحبى حد قريبك او اصحابك عشان متبقيش لوحدك خصوصا و انتى مروحه .
انما لو على التراك و اللعب بالعربيه انتى تنورى و نشيلك فوق راسنا زى اختنا طبعا . لو مجموعه من العضوات هيحضرو تبقى افضل .من عضوه لوحدها
و طبعا الاستاذ ابو ليلى اكيد هينظم المقابله بطريقه محترمه و منظمه و بيعمل جدول زمنى كالعاده .

هو بالفعل إمبارح تم الاتفاق مع ابن عمتى و صديقتى و أختى على الميعاد و فقط منتظرة التأكيد عشان اقدر أحدد هيناسبنا نيجى كلنا بعربيات و لا هتفرج على الكارتينج كتابة بس على المنتدى هنا !!

انا اتمنى ان يكون فيه عضوات عندهم النية و لكن انا عارفة الموضوع بالنسبة لينا كبنات موقفه إه و ميولهم عامة بتكون إه ..

خير إن شاء الله و انا شاكرة للنصيحة و الاهتمام ربنا يوفق تجمعكم دايما

**divianella** · 05-02-2013 06:20 PM

المشاركة الأصلية كتبت بواسطة ahmedeihab

للاسف مفيش عربيه للسيدات

كل واحد بيبقى مسئول على عربيته علشان الدنيا متبوظش

كمان فى سيارات كارتينج هناك موجوده لو حضرتك عايزه تجربى بس دى خارج حساب ايجار التراك

ايوه صحيح هى المسافه لا تتعدى ال 1 كيلو متر

حضرتك فاكره ان 1 كيلو متر فى حلبه سباق سهل

صعب جداااااا حضرتك مش هتحسى الكلام ده غير لما تنزلى ارض الملعب

هتلاقى ان التراك طويل جدااااا و ان العربيه بتصعب عليكى و نفس الوقت مجهود عصبى و ذهنى قااااتل

الكلام بره التراك سهل

جوه التراك كلام تانى خااااالص

خصوصا لو فى سباق و متسابقين و جمهور و الكلام ده ليه عامل عصبى و يفقد التركيز

لذا لازم حضرتك تنزلى ارض الملعب ساعتها هتعرفى ان التراك طويل و مش بيخلص

مسار التراك احنا اللى بتحدده على حسب الغزاله

طالما الارض موجوده خلاص انا اعمل التراك اللى انا عايزه

اخليه صعب سهل متوسط شديد المنحنيات سهل المنحنيات

زى ما انا عايز كله فى ادينا

يرجى اتباع كلام moha4te لسلامه حضرتك

و ياريت لو فى بنات ناويه تييجى تعمل الكلام ده بردو

^_^

تمام عُلم يا فندم

كفاية اهتمامكم فقط والله انا اندفاعى الشديد و حبى للعربيات عموما و للقيادة خصوصا إلى خلّى الكلام نط من على الكيبورد و اتكتب فى الموضوع و خاصا إنى بحثت كتير هنا فى مصر مفيش غير تدريب واحد
لقيته هنا و بيتعمل للشركات و خاصة السياحة و غير متاح للأفراد

إن شاء الله يكون خير و اتمنى تحصل معجزة و الظروف تكون مناسبة إنى اشارك
شكرا جزيلا :)))))))

**ابو ليلى** · 05-02-2013 10:32 PM

السلام عليكم
المفروض كان تنظيم المقابلة يوم الجمعة 15/2 وفعلا تقريبا وصلنا الى 90% من الاتفاقات مع المسئول وتنظيم اليوم بكل تفاصيله وقلنا هنشوف الوضع فى البلد على اول شهر 2 علشان ناكد معادنا وننزل الموضوع رسمى وفعلا على اول الشهر الوضع مكنش مستقر بالمرة وقلت فى نفسى ربنا يسهل ....ولكن جاءت حادثة ياسر الصياد اللى كلنا بنحمد ربنا انه نجاه منها والفكرة فى ذهنى اتغيرت تماما من بعدها وزى ما قال أ / محمد بدر كان صعب اننا نروح نتقابل ونلعب بعربيتنا وزميل لينا فقد عربيته حاولت اكلم ياسر ولكن ظروفه مكنتش بتسمح قلت اعرف انطباعه وانا جوايا واثق تماما ان ياسر مش هيعترض على المقابلة ولكن رجعت فكرت تانى ...
طب ازاى المح ليها من الاصل واحنا اللى بنقول اننا اصحاب واكتر من الاخوات
وبالتالى لغيت الفكرة مؤقتا وخصوصا ان المقابلة برعاية قسم كيا وياسر عضو اساسى ومن ضمن الفريق اللى هينظم المقابلة بوصفه عضو فى كيا تيم .
الموضوع فعلا كبير ومحتاج تنظيم كبير ووقت علشان على الاقل نجمع الفلوس منكم لان الفكرة اساسا مش متحدد ليها مبلغ معين للاشتراك على حسب العدد هتكون قيمة الاشتراك ومستحيل اقدر احصر عدد اللى هيحضرو الا وقتها .
علشان كده تم تاجيل المقابلة لفترة شهر منها نطمن على زميلنا ياسر وتكون الصورة وضحت بالنسبة ليه ومنها احوال البلد نفسها تهدا شوية واخيرا وقت علشان نقدر ننظم الموضوع صح ونشوف هنجمع الفلوس ازاى .....
بأذن الله هيتم الحجز على يوم الجمعة 1/3 وعلى الاسبوع القادم هيتم نزول الموضوع فيه كافة
التفاصيل لليوم وطريقة تنظيمه والقيمة التقربية للاشتراك .
بعتذر بشدة لكل الاعضاء اللى نظمو نفسهم على الميعاد اللى فات ولكن قدر الله وماشاء فعل .

**moha4tec** · 06-02-2013 12:24 PM

المشاركة الأصلية كتبت بواسطة ابو ليلى

السلام عليكم
المفروض كان تنظيم المقابلة يوم الجمعة 15/2 وفعلا تقريبا وصلنا الى 90% من الاتفاقات مع المسئول وتنظيم اليوم بكل تفاصيله وقلنا هنشوف الوضع فى البلد على اول شهر 2 علشان ناكد معادنا وننزل الموضوع رسمى وفعلا على اول الشهر الوضع مكنش مستقر بالمرة وقلت فى نفسى ربنا يسهل ....ولكن جاءت حادثة ياسر الصياد اللى كلنا بنحمد ربنا انه نجاه منها والفكرة فى ذهنى اتغيرت تماما من بعدها وزى ما قال أ / محمد بدر كان صعب اننا نروح نتقابل ونلعب بعربيتنا وزميل لينا فقد عربيته حاولت اكلم ياسر ولكن ظروفه مكنتش بتسمح قلت اعرف انطباعه وانا جوايا واثق تماما ان ياسر مش هيعترض على المقابلة ولكن رجعت فكرت تانى ...
طب ازاى المح ليها من الاصل واحنا اللى بنقول اننا اصحاب واكتر من الاخوات
وبالتالى لغيت الفكرة مؤقتا وخصوصا ان المقابلة برعاية قسم كيا وياسر عضو اساسى ومن ضمن الفريق اللى هينظم المقابلة بوصفه عضو فى كيا تيم .
الموضوع فعلا كبير ومحتاج تنظيم كبير ووقت علشان على الاقل نجمع الفلوس منكم لان الفكرة اساسا مش متحدد ليها مبلغ معين للاشتراك على حسب العدد هتكون قيمة الاشتراك ومستحيل اقدر احصر عدد اللى هيحضرو الا وقتها .
علشان كده تم تاجيل المقابلة لفترة شهر منها نطمن على زميلنا ياسر وتكون الصورة وضحت بالنسبة ليه ومنها احوال البلد نفسها تهدا شوية واخيرا وقت علشان نقدر ننظم الموضوع صح ونشوف هنجمع الفلوس ازاى .....
بأذن الله هيتم الحجز على يوم الجمعة 1/3 وعلى الاسبوع القادم هيتم نزول الموضوع فيه كافة
التفاصيل لليوم وطريقة تنظيمه والقيمة التقربية للاشتراك .
بعتذر بشدة لكل الاعضاء اللى نظمو نفسهم على الميعاد اللى فات ولكن قدر الله وماشاء فعل .

انا معاك فى رايك
+111111111111

**A.Saad** · 06-02-2013 02:46 PM

انا مؤيد لرأى ابو ليلى فى التأجيل لحين إصلاح سيارة ياسر

**BassamHafez** · 06-02-2013 03:28 PM

انا كمان مؤيد لكام ابو ليلى

وان شاء الله ربنا يتم اصلاح عربيه ياسر على خير وربنا يجعلها خير ان شاء الله

ولو محتاج حاجه يا ابو ليلى في التنظيم انا تحت امرك

الموضوع: اقتراح تنظيم مقابلة فى حلبة icc العبور ... دعوة نمور كيا للشد واللى خايف يروح

LinkBack

أدوات الموضوع

عرض

-

-

-

-

-

-

-

المواضيع المتشابهه

صور مقابلة نمور كيا جاردينيا

عايز أشترى ريو الجديدة 2013و خايف ... افيدونى يا نمور

دعوة الى نمور كيا لحضور مقابلة صقور نيسان

اللى خايف يروح

اللى خايف يروح--->مستنيكى يا لوجان

الكلمات الدلالية لهذا الموضوع

المفضلات

المفضلات

ضوابط المشاركة