الموضوع: سماعات مع ال sony gt 500u !! أيــــــــه ؟!

بص يا باشا انا معايا سوني gt_500 ومع ان امكانياته خرافيه ووهميه فعلا بالنسبه سعره .لكن انصحك ان البايونير ال 2450 صوته انقي منه برضه وبيزه احلي ونفس السعر لكن يعيبه انه مخرج ار سي واحد

بالنسبه للسماعات اللي قدام انضف حاجه ليها سوني كمبوننت 16 ب 360 جنيه
ولو حاجه معقوله ببقي بايونير او سوني او jpl مقاس 16 160 وات مثلا هاتعمل في حدود 140 جنيه

اما ورا فيفضل هتعمل رف خشب mdf وده بتاع 80 جنيه
وتركب عليه سماعتين بيضاوي كينوود 400 اندونيسي 6×9 ب 375 جنيه ولو مش عايز تعمل رف مش مشكله

ولو عايز حاجه في حدود ال 300 جنيه ممكن تجيب ال jpl ال 300 ب 280 جنيه او البايونير 500 ب 290 جنيه لكن الكينوود كلام تاني خالص

وان شاء الله كده سيستم جامد ولا هاتعوز جي ام ولا صب

المشاركة الأصلية كتبت بواسطة m.wally

شكرا ..ربنا يكرمك .
انا مقتنع أكتر بالسماعات الكينود من الأول الصراحه ..بس قولت اخذ رأيكم
بس فى حاجه بشوفها كتير مش فهماه ... ايه ميزه ال RC ده اصلا ؟! انا بعمل بى أيه يعنى ؟!
و الأندونيسى ده أجيبه منين ؟!
معلش تعبك معايا

طيب بص يا معلم

اولا لو عندنا جي ام بيشغل سماعتين يبقي محتاج وصلة ار سي تنقله اشاره صوت من الكاسيت

وكل وصلة ار سي فيها كابلين يمين وشمال زي كابل الوديو والفيديو بتاع التليفزيون بس ده يمين وشمال

ولو الكاسيت فيه 3 مخارج ار سي مثلا يبقي تقدر تشغل عليه 3 جي امات 2 قناه اللي ممكن يشغلولك 4 سماعات مثلا وصب او 6 سماعات

ودي مدي قدرة التوسعيه expabandaplity في سيستم الصوت

ومع ذلك انا برشحلك البايونير 2450 عن السوني ال 500 مع انه 2 ار سي وامكانياته اعلي لكن صوت البايو احلي وانقي

ويفضل الكاسيت يبقي فيه 2 ار سي بحيث انه يقدر يشغل سماعتين وصب مثلا او اربع سماعات غير الاربعه بتوعه

وما تقولش انك مش هتعوز تزود لان عدد الصوت كل ما يمر عليها الوقت بتتعود عليها وتبقي محتاج تزود صب او سماعتين فاعمل حسابك عشان مش هاتفرق معاك دلوقتي كتير في الفلوس لكن بعد كده لما تضطر تبيع القديم عشان تجيب نفس الكاسيت بس فيه مخارج ار سي اكتر هاتعرف قيمتها

ثانيا بجد الكينوود من الذ السماعات اللي موجوده وفيها لغاية 850 جنيه اللي هيا 600 وات 7×10 ويفضل انها تبقي اندونيسي دور عليها في التوفيقيه واللي من القاهره يقدر يفيدك اكتر

المشاركة الأصلية كتبت بواسطة m.wally

اهههه .. تمام أوى :) شكرا لييك ;)
لا يبقى خلينى فى السونى gt500u !!
متعرفش احسن مكان أجيبه منه منين ؟!

من التوفيقيه عادي تايلاندي او ماليزي وارخص سعر

بس اسال في اوتو ماركت لانه نزله شكل جديد gt-520 اجمد بكتييييييييييير والسعر زياده حاجه بسيطه وللا حاجه Chronik-Fotos | Facebook وممكن تلاقيه نزل التوفيقيه

و بالتوفيق وما تنساناش بتقرير بقي

المشاركة الأصلية كتبت بواسطة dr_7ooda

من التوفيقيه عادي تايلاندي او ماليزي وارخص سعر

بس اسال في اوتو ماركت لانه نزله شكل جديد gt-520 اجمد بكتييييييييييير والسعر زياده حاجه بسيطه وللا حاجه ودي صورته Chronik-Fotos | Facebook وممكن تلاقيه نزل التوفيقيه

و بالتوفيق وما تنساناش بتقرير بقي