الموضوع: يا شباب طالب مساعدتكم فى تكوين عدة صوت تسمعنى صوت نقى

بص ياباشا مبروك مقدما بس طالما ماحدتش ميزانيه نقولك احسن حاجه ولو عايز تقلل قول ميزانيتك والناس هنا هتفيدك
الكاسيت يفضل بايونير لانه انقي صوت وممكن تجيب 2450 وده ب 600 جنيه ودي صورته‫‎

DEH-2450UB Car stereo with Front USB, iPod/iPhone Direct Control and 2 RCA Pre-out (2012 Model) - Pioneer Car Stereo - Digital Media Receiver

وكامكانيات عاليه وكده يبقي الكاسيت السوني gt 500 ودا عامل في حدود 580 جنيه

السماعات البيضاوي عنصر مهمممممممم جدا في السيستم ومن غيرها عمرك ما هاتسمع صوت حلو ومافيش سماعه مدوره هاتديك الاداء بتاع البيضاوي حتي لو 500 وات
وكتر السماعات المدوره هايضايقك لان كل ماتعلي بيزها هايبقي ترئيع ويبوظلك البيز بتاع البيضاوي
ومش هتعرف تعلي الصوت فخليك كده احسن مالوش لازمه حوار البيبان ده

وممكن تجيب سوني كمبوننت في البيبان قدام ودي بتبقي عباره عن ووفر بيركب في مكان السماعات اللي في الباب وتويتر بيركب علي الطابلوه مثلا وكروس اوفر عشان يوزع البيز للووفر وتريبلات للتويتر وكل ده في علبه واحده وتمنها في حدود 360 جنيه بس تحفه

وممكن تجيب سماعه jpl 300 وات بيضاوي علي الرف جنب القديمه وهاتعمل في حدود ال 300 جنيه ودي خليها علي جي ام كينوود 720 وات و 4 قناه وده في حدود 780 جنيه وركب عليه كمان بازوكه jpl 1000 wats ودي عامله 640 جنيه وهاتبقي احسن من الصب

وخلي بقي الكمبوننت وال 400 الكينوود القديمه علي الكاسيت والبازوكه jpl و ال jpl البيضاوي علي الجي ام

اتمنالك التوفيق

المشاركة الأصلية كتبت بواسطة mimmo986

شكرا يا حوده على الرد السريع بس يا ترى ممكن احط حاجه غير البازوكه لانى مش عايز اطلع فيها لفوق او كده ياعنى ياعنى ايه رايك فى الصب البايونير 1200 وات و معاه جى ام سلفونى 400 وات و اجيب اثنين بايونير جامب الكينود القدام 400 وات

اه ومالو يا باشا ينفع عادي

بس نصيحه لازم تعمل بوكس الصب علي مقاسات الكتالوج واقل مقاس 35 ×35× 25 _ mdf 18

ممكن الصب ال 1200 و2 البايونير البيضاوي ومعاهم سيمفوني 500 × 4 قناه

ولوعرفت تجيبه ts-w309 dr) 1400) دبل كويل هايفرق 40 جنيه ويعيش معاك اكتر وتزود وتجيب ال 640 السيمفوني وتركب عليه الصب علي قناتين والسماعاتين البايونير علي قناتين


ولازم يكون الجي ام 4 قناه لو هاتشغل عليه سماعتين وصب

وابقي قولنا النتيجه بقي وبالتوفيق .

حوده جابلك من الاخر بس حاجه وااااحده بس متركبش الجى بى ال سماعات وفكك برضه من البايونييير ممكن تجيبلك اتنين كينوود 400 مع الاتنين الى معااااك علشان يبقى فى توازن فى الصوت ده من وجهه نظرى وممكن تركب اتنين سونى 400 او 550 وات وديه علشان يبقى معااااااك تريبلات تحفه مع نقاس صوووت
بالنسبه للصب لو انت حاطط انك تجيب جى ام واااحد بس يبقى خليك فى 1200 او 1400 عادى مش دبل كويل
علشان الدبل كويل لما بيجى يتوصل بتوصله 8 اوم مش 4 اوم وعلشان توصله على جى ام سيمفونى 640 هتاااخد نصف قوه الجى ام فمش هيبقى حلو اوى معاااك وده عن تجربه معايا انا وجربناه برضه على سونى 600 ويادوب كان الرق بتاع الصب بيترحك فخليك فى 1200 او 1400 عادى وهات الجى ام 400 سيمفونى للصب وقدام شويه ممكن تجيب واحد تانى 600 4 تشانيل للسماعات وكده انت مش ناقصك حااااجه