السلام عليكم ورحمة الله وبركاته .
دلوقتي أنا عندي مشكلة كبيرة في العربية بتاعتي .
القصة إني جيبت كيا بيكانتو 2011 مواصفات سعودية ودي كانت جاية بجنط 15 ومقاسها بالظبط كان 175/60 r15 , المهم بعد فترة وأنا مسافر على الطريق عجلة منها باظت خالص , فدورت على المقاس ده ملقيتوش خالص , المهم بعد كده لقيت أقرب مقاس موجود 185 /60 r15 , جيبت منه 2 وركبته مكان الاتنين اللي ورا , وبقى للأسف أي حد بيقعد ورا بيخلي العربية تحك .
المهم يعني كده كده العربية دي قليل لما بيركبها اكتر من اتنين , دلوقتي أنا محتاج أغير الكاوتش كله وخصوصًا اللي قدام وخايف أجيب نفس المقاس بتاع 185 واركبه قدام يحك وخصوصًا إني بتحرك كتير بالعربية وعلى طرق سفر .
إيه الحل ؟ البعض نصحوني أبيع الجنوط ال 15 الأصلي بتاعتها واجيب أي جنوط 14 ومقاساتها هتبقى مناسبة أكتر , فهل لو هبيعها أبيعها بكام ؟
وهل في حد بيستورد كاوتشات ألاقي عنده المقاس ده أو حد يعرف مقاس بديل ؟
معلش رغيت كتير بس الموضوع ده منكد عليا والله ..