عرض للطباعة
السلام عليكم
انا عايز اوصل خط نت يا شباب للبيت عندى
1- ايه افضل شركة اختارها ( لينك - تى اى داتا ) ولا ممكن اجرب فوداوفن واتصالات وكده
2- انا عايز اجيب خط نت 1 ميجا واوصل منه ل شخصين كمان معايا فى نفس المنطقة العملية دى هتتم ازاى وهل كلنا هنسحب السرعة ولا بتتقسم من اراواتر ولا الاعدادات ايه بالظبط
3-هل لو واحد بيعمل داونلود ويبقى الباقى مش هيعرف يشتغل والسرعة هتتسحب ؟
انا مشترك مع فودافون بقالي اكتر من سنتين و الحمد لله مفيش مره النت قطع غير ساعة الثوره
و بشحن بكروت لدفع الاشتراك و اي استفسارات بعملها عن طريق موقعهم او الدعم الفني 25292828
غير العروض اللي بتيجي كل فتره
و الراوتر من عندهم مجاني و التركيب مجاني
و توصيل 2 معاك مفيش منه مشكله غير المسافه لانك لازم تحدد المسافه
و مش هتحتاج غير السلك فقط لان الراوتر 4 بورت ( 4 وصلات )
لكن فيه نقطه مهمه
ان الداونلود محدود 40 جيجا في الشهر و لما يخلصو السرعه هتقل
شكرا لرد حضرتك
طيب بعد اذنك سرعة 1 ميجا دى يعنى هيبقى التحميل فى idm بيساوى كام ؟
ثانى شىء المسافة اعتقد ممكن توصل ل 60 متر وممكن اقويهافى النص بسويتش
الاهم بقى ازاى اقسم السرعة حضرتك مقولتش
ولا كلنا بنسحب من نفس السرعة فى نفس الوقت وكده هيبقى بطىء جدا !
مفيش تقسيم سرعه كله شغال فى وقت واحد بس مش هيبقى بطيئ لان السرعه كويسه على 3 اجهزة
ازاى ؟
دلوقتى بص انا ظبطت الموضوع على خط 2 ميجا و 4 مشتركين
لو واحد بيعمل داونلود المفترض انه معدل التحميل يوصل 250 كيلو بايت فى برنامج idm
وكده ال 3 الباقيين مش هيستفيدوا
:::::::::::::::
دلوقتى انا هحتاج راوتر نوعه ايه ايه الافضل ولا اجيب سويتش ؟
لو الاجهزة التانيه مفتوحه عمر الداونلود ماهيوصل 250 هيكون اقل على حسب استهلاك الاجهزة التانيهاقتباس:
المشاركة الأصلية كتبت بواسطة egyboy
بسمع ان راوتر طومسون كويس اوى
بص حضرتك عموما اى سرعة نت بتشوفها بيبقى حاسبينا ل KiloBits والسرعة اللى بتشوفها فى التحميل بتبقى بMegaBytes
عموما علشان تحسب السرعة اللى هتاخدها نظريا فى التحميل بتقسم سرعة النت على 8
يعنى مثلا لو السرعة 1024 كيلو بت (يعنى واحد ميجا) بتقسمها على 8 , بيطلعلك السرعة النظرية فى التحمل 128 ميجا بايت
بالناسبة لفوادفون معرفش عنها حاجة غير ان فيها Fair Policy ب 40 جيجا يعنى ليميت تحميل بعديه السرعة بتنزل ل 128 كيلو بت
انا مشترك فى لينك من زمان ومفيش ليميت , وفيه عروض على السرعات بتنزل كل 6 اشهر للعملاء الحاليين وعروض دائمة كتير للعملاء الجدد
تحياتى ليك
لينك بتديك 50% من السرعة معظم اليوم (من 12 الضهر الى 3 الفجر) واستحالة تكنسل منها
تى اى داتا بتديك (80) من السرعة طول اليوم وخدمة ثابتة
دول اللى جربتهم وكلامى عن خبرة شخصية معاهم لفترة مش قصيرة
مبدئيا كل شركة بيبقى ليها مستوى مختلف من سنترال لأخر حسب الضغط والوصلات والكلام دهاقتباس:
المشاركة الأصلية كتبت بواسطة RAPID
هتكلم على سنترال حدائق حلوان , كنت مشترك فى البيت تى اى داتا , وغيرت لينك , وبعدين فيه بيت تانى تبع نفس السنترال اشتركت فيها تى اى داتا
تقييمى: لينك خدمتها ثابتة جدا وخدمة العملاء بتاعتهم ممتازة وسرعتهم تعتبر الماكسيموم , ماعدا الوقت من الساعة 5 لحد 9 او 10 بالليل ببقى واخد حوالى 70% من السرعة , بغض النظر عن ده , البراوزينج سرييييع جدا وده ناتج من ping بتاعهم دايما قليل
تى اى داتا : اولا خدمة عملاء مش عاوز اغلط فيهم , سرعة الداونلود حسب مزاج الشركة , المشكلة الاكبر فى البراوزينج , بشهادة ناس كتير , البراوزينج وحشة جداااا وال ping دايما عالى , لو بتلعب اون لاين معتقدش انك هتعرف تدخل جيم من غير ميحصلك kick , وده عن تجربة فى شقتين مختلفين فى تى اى داتا
عموما نصيحتى , اسال الناس جيرانك اللى مشتركين فى نفس السنترال عن مستوى الشركات , علشان هو ده الفيصل الحقيقى
تحياتى
انا فودافون 1 ميجا بقالي حوالي 3سنين وبجد شركة محترمة جدا جدا وليا بتاع خمسة من صحابي فودافون برضو ومحدش منهم إشتكى إنترنت مستقر وثايت وخدمة عملاء محترمة
وأكبر ميزة أما تشترك نت في شركات المحمول إنك بتدفع الإشتراك الشهري عن طريق كروت الشحن مش مضطر كل شهر تضرب مشوار عشان تدفع الإشتراك
فودافون محترمه مفيش مشاكل معاهم ، خدمة العملاء كويسه
كانو عاملين عروض خصومات للمشتركين القدامي الفتره اللي فاتت علي ابجريد السرعه وتقدر تنزلها تاني بعد انتهاء العرض ، يعني العروض مش للجدد فقط
بس لو تقدر تتأكد من حد معاك في نفس المنطقه يكون واخد منهم بحيث تتأكد ان اجهزتهم في السنترال كويسه لأن اجهزة كل شركه قد تختلف من سنترال للتاني وبالتالي جودة الخدمه ممكن تختلف ، الكلام ده علي كل الشركات
مكرر
جزاكم الله خيرا جميعاااا على تفاعلكم
بس مفيش حد جاوبنى على موضوع تقسيم السرعة (ازاى اخلى كل جهاز من الاربعة بسرعة معينة)
انا قررت ان شاء الله شركة لينك خط 2 ميجا على 4 افراد
هيكون معاهم راوتر ولا بيبقى مودم ولا ايه نظامه
وياترى اجيب راوتر وايرلس ولا اكسيس بوينت
يعنى من الاخر حد يشرحلى الليلة ماشية ازاى
هطلع سلك من فتحة التليفون هوصله براوتر وبعد كده ايه ؟ اطلع من اراوتر على الاربع اجهزة
ولا اطلع من الراوتر على سويتش
وهل كل بورت فى المودم هيقسم السرعة لوحده ولا ايه الحوار
تقسيم السرعه ده بيتعمل في الشبكات الكبيره اللي عليها مثلا 20 او 50 مشترك
اللي بيتعمل كالاتي
بتجيب جهاز لو حتى بنتيوم 3 و تسطب عليه نظام تشغيل اسمه مايكروتك و الجهاز بيكون زي سيرفر
بيتم ربطه بالشبكه و تتحكم انت في تقسيم السرعات و السماح ببعض المواقع و غلق بعض المواقع و كل شيء
بص حضرتك اولا لو الناس اللى هتقسم معاهم الخط هيقرفوا عيشتك , اختار ناس كويسة وياريت يكونوا ملهمش فى النت والدوانلود اوىاقتباس:
المشاركة الأصلية كتبت بواسطة egyboy
موضوع التقسيم لازم يكون فيه سيرفر فى النص او اى جهاز عليه برامج معينة كده , الكلام ده فى الشبكات الكبيرة مش مجدى لموضوعك
معرفش انت متفق مع لينك على ايه , بس فيه شركات بيدوك راوتر هدية لو اشتركت عددد شهور معينة , او حاجات من ده , عموما لو مفيش راوتر أنصحك انك تأجر راوتر اول شهرين كده , لو الشبكة مشيت تمام ومفيش وجع دماغ , اشتروا راوتر 4 بورت واير ليس ب 150-200 جنيه علشان التاجير على المدى الطويل غالى
وسلك التليفون هيخرج من الحيطة يدخل على الاسبليتر splitter يخرج منه سلك للنت يدخل فى الراوتر والسلك التانى توصله على التليفون
الراوتر ملهوش دعوة بتقسيم السرعة , هيدى كل بورت السرعة اللى هو محتاجها فى مجال ال 2 ميجا اللى انت مديهاله
ولو فيه اى استفسار تانى انا تحت امرك
تحياتى
هى الفكرة بس ان الناس بتشتكى كتير من تى داتا واصلا كده كده اكيد الراوتر اللى بيبقى فى العروض بيبقى تعبان وكده كده هشترى واحد افضل.اقتباس:
معرفش انت متفق مع لينك على ايه , بس فيه شركات بيدوك راوتر هدية لو اشتركت عددد شهور معينة , او حاجات من ده
اقتباس:
وسلك التليفون هيخرج من الحيطة يدخل على الاسبليتر splitter يخرج منه سلك للنت يدخل فى الراوتر والسلك التانى توصله على التليفون
طيب ولو عندى مدخل للتليفون فى غرفة اخرى مش هيشتغل الا بسبيلتر برضه
يبقى هحتاج مع كل تليفون اسبليتر صح ؟
::::
اخر سؤال ليا بقى :)
عايز برضه حد يجاوبنى على موضوع السرعة توصل لكام ؟
يعنى لو افترضنا انى بعمل داونلود دلوقتى ...
وهنقول ال 3 الباقيين فاتحين جهازهم لكن ما بيعملوش داونلود
1-هوصل لسرعة كام فى idm
2-هم النت هيبقى اخباره ايه عندهم هيعرفوا يتصفحوا ولا النت هيموت تقريبا عندهم
وفى الاول والاخر النت فى مصر زفت جدا وكل شركة بتمص دم العميل بأى شكل ويكفى ان الخط الميجا فى الخارج ببلاش ولغاية الخط ال4 ميجا ببلاش ومن اول 8 ميجا 32 دولار يعنى 160 جنيه :untitled 1:اقتباس:
المشاركة الأصلية كتبت بواسطة egyboy
الذى فهمتة من حضرتك انة عندك 2 تليفون فى المنزل على خط واحد ----لو حتوصل النت لازم على الخط الرئيس الذى داخل الاول يعنى التليفون الذى متوصل مباشرة فى الاول مع سلك السنترال
عن تجربة شخصية كنت موصل النت لمسافة 110 متر بدون اى تقوية
موضوع المشتركين فى خط واحد اعتقد انة بيعمل صداع يعنى خدمة بتقطع يتصلوا بيك فى اى وقت الراوت هنق يتصلوا
دة مجرد رأى
هو من الافضل ان تجيب خط 1 ميجا لواحدك وسيبك من موضوع الاشتراك فى خط ده انا عملته فى البداية وكان جارنا ساعات يسافر والراوتر يكون عايز ريستارت او ساعات يفصل وتتصل عليه يبص على الكابل يكون نايم وتصحيه بصراحة دوشة او واحد غاوى تحميل وعلى طول ساحب السرعة ولاظرف بقى يسالك سؤال غريب هو الراوتر دا بيسحب كهربا كتير تقوله لا طبعا دا 12 فولت يقولك امال من يوم واركبتة وايصال الكهربا بقى يجى استهلاك كتير قوى ليه
شهرين مع اتصالات خط 1 ميجا انا و البواب و السرعة معقولة مش عظيمة بس قرفوني على ما الخط ركب و اشتغل
اشكركم جميعا على تواصلكم المميز
وافادتكم الرائعة
صراحة استمتعت بكل الردود وقرأتها بعناية
استفدت كثيرا من معلوماتكم
وربنا يكرم ..وكده نخلينا فى تى اى داتا
شكرا لكم
انا مقرتش الردود الي سبقتني بس الخلاصه انك لو هتوصل انت واتنين معاك يبقي تنبعد عن فودافون واتصالات عشان بيطبقوا سياسة الاستخدام العادل.. قدامك لينك وتي داتا وانا برشح تي داتا بقوة
راجع نفسك فى حتة أنه يشترك معاك حد تانى لأنها بايخة جدا وسرعان ما تلاقى نفسك عاوز تستقل عنهم مهما كلفك الأمر .
أنا تجربتى مع فودافون يعنى لا بأس بها وأفضل شىء إنك بتدفع الإشتراك الشهرى عن طريق شحن كروت فى الموبايل يعنى مافيش مشاوير تعملها علشان تدفع تجديد الإشتراك (والنقطة دى بالذات هى اللى مخليانى ماسك فى فودافون)
خدمة العملا مش وحشة بس لابد إنكتعلم معاهم (يعنى تبدأ حوارك كالمعتاد بكل ذوق فإذا لقيت الموظف مش فاهم ولا بيماطل تروح سيادتك مديهم الوش التانى وبكل أريحية تلاقى على طول الدنيا بيس وكل شوية حد يتصل يشوفك نفسك تاكل إيه النهارده)