عايز اوصل خط نت .ترشحولى ايه

**egyboy** · 24-01-2013 10:36 AM

السلام عليكم

انا عايز اوصل خط نت يا شباب للبيت عندى

1- ايه افضل شركة اختارها ( لينك - تى اى داتا ) ولا ممكن اجرب فوداوفن واتصالات وكده

2- انا عايز اجيب خط نت 1 ميجا واوصل منه ل شخصين كمان معايا فى نفس المنطقة العملية دى هتتم ازاى وهل كلنا هنسحب السرعة ولا بتتقسم من اراواتر ولا الاعدادات ايه بالظبط

3-هل لو واحد بيعمل داونلود ويبقى الباقى مش هيعرف يشتغل والسرعة هتتسحب ؟

**mando800** · 24-01-2013 10:49 AM

انا مشترك مع فودافون بقالي اكتر من سنتين و الحمد لله مفيش مره النت قطع غير ساعة الثوره
و بشحن بكروت لدفع الاشتراك و اي استفسارات بعملها عن طريق موقعهم او الدعم الفني 25292828
غير العروض اللي بتيجي كل فتره
و الراوتر من عندهم مجاني و التركيب مجاني
و توصيل 2 معاك مفيش منه مشكله غير المسافه لانك لازم تحدد المسافه
و مش هتحتاج غير السلك فقط لان الراوتر 4 بورت ( 4 وصلات )
لكن فيه نقطه مهمه
ان الداونلود محدود 40 جيجا في الشهر و لما يخلصو السرعه هتقل

**egyboy** · 24-01-2013 11:19 AM

شكرا لرد حضرتك

طيب بعد اذنك سرعة 1 ميجا دى يعنى هيبقى التحميل فى idm بيساوى كام ؟

ثانى شىء المسافة اعتقد ممكن توصل ل 60 متر وممكن اقويهافى النص بسويتش

الاهم بقى ازاى اقسم السرعة حضرتك مقولتش

ولا كلنا بنسحب من نفس السرعة فى نفس الوقت وكده هيبقى بطىء جدا !

**ramy_gamal** · 24-01-2013 12:30 PM

مفيش تقسيم سرعه كله شغال فى وقت واحد بس مش هيبقى بطيئ لان السرعه كويسه على 3 اجهزة

**egyboy** · 24-01-2013 12:45 PM

ازاى ؟

دلوقتى بص انا ظبطت الموضوع على خط 2 ميجا و 4 مشتركين

لو واحد بيعمل داونلود المفترض انه معدل التحميل يوصل 250 كيلو بايت فى برنامج idm

وكده ال 3 الباقيين مش هيستفيدوا

:::::::::::::::

دلوقتى انا هحتاج راوتر نوعه ايه ايه الافضل ولا اجيب سويتش ؟

**ramy_gamal** · 24-01-2013 01:02 PM

المشاركة الأصلية كتبت بواسطة egyboy

ازاى ؟

دلوقتى بص انا ظبطت الموضوع على خط 2 ميجا و 4 مشتركين

لو واحد بيعمل داونلود المفترض انه معدل التحميل يوصل 250 كيلو بايت فى برنامج idm

وكده ال 3 الباقيين مش هيستفيدوا

:::::::::::::::

دلوقتى انا هحتاج راوتر نوعه ايه ايه الافضل ولا اجيب سويتش ؟

لو الاجهزة التانيه مفتوحه عمر الداونلود ماهيوصل 250 هيكون اقل على حسب استهلاك الاجهزة التانيه
بسمع ان راوتر طومسون كويس اوى

**Mahmoud Nagieb** · 24-01-2013 01:23 PM

بص حضرتك عموما اى سرعة نت بتشوفها بيبقى حاسبينا ل KiloBits والسرعة اللى بتشوفها فى التحميل بتبقى بMegaBytes

عموما علشان تحسب السرعة اللى هتاخدها نظريا فى التحميل بتقسم سرعة النت على 8

يعنى مثلا لو السرعة 1024 كيلو بت (يعنى واحد ميجا) بتقسمها على 8 , بيطلعلك السرعة النظرية فى التحمل 128 ميجا بايت

بالناسبة لفوادفون معرفش عنها حاجة غير ان فيها Fair Policy ب 40 جيجا يعنى ليميت تحميل بعديه السرعة بتنزل ل 128 كيلو بت

انا مشترك فى لينك من زمان ومفيش ليميت , وفيه عروض على السرعات بتنزل كل 6 اشهر للعملاء الحاليين وعروض دائمة كتير للعملاء الجدد

تحياتى ليك

**RAPID** · 24-01-2013 01:24 PM

لينك بتديك 50% من السرعة معظم اليوم (من 12 الضهر الى 3 الفجر) واستحالة تكنسل منها
تى اى داتا بتديك (80) من السرعة طول اليوم وخدمة ثابتة

دول اللى جربتهم وكلامى عن خبرة شخصية معاهم لفترة مش قصيرة

**Mahmoud Nagieb** · 24-01-2013 01:39 PM

المشاركة الأصلية كتبت بواسطة RAPID

لينك بتديك 50% من السرعة معظم اليوم (من 12 الضهر الى 3 الفجر) واستحالة تكنسل منها
تى اى داتا بتديك (80) من السرعة طول اليوم وخدمة ثابتة

دول اللى جربتهم وكلامى عن خبرة شخصية معاهم لفترة مش قصيرة

مبدئيا كل شركة بيبقى ليها مستوى مختلف من سنترال لأخر حسب الضغط والوصلات والكلام ده

هتكلم على سنترال حدائق حلوان , كنت مشترك فى البيت تى اى داتا , وغيرت لينك , وبعدين فيه بيت تانى تبع نفس السنترال اشتركت فيها تى اى داتا

تقييمى: لينك خدمتها ثابتة جدا وخدمة العملاء بتاعتهم ممتازة وسرعتهم تعتبر الماكسيموم , ماعدا الوقت من الساعة 5 لحد 9 او 10 بالليل ببقى واخد حوالى 70% من السرعة , بغض النظر عن ده , البراوزينج سرييييع جدا وده ناتج من ping بتاعهم دايما قليل

تى اى داتا : اولا خدمة عملاء مش عاوز اغلط فيهم , سرعة الداونلود حسب مزاج الشركة , المشكلة الاكبر فى البراوزينج , بشهادة ناس كتير , البراوزينج وحشة جداااا وال ping دايما عالى , لو بتلعب اون لاين معتقدش انك هتعرف تدخل جيم من غير ميحصلك kick , وده عن تجربة فى شقتين مختلفين فى تى اى داتا

عموما نصيحتى , اسال الناس جيرانك اللى مشتركين فى نفس السنترال عن مستوى الشركات , علشان هو ده الفيصل الحقيقى

تحياتى

**شاهين - بنز** · 24-01-2013 02:41 PM

انا فودافون 1 ميجا بقالي حوالي 3سنين وبجد شركة محترمة جدا جدا وليا بتاع خمسة من صحابي فودافون برضو ومحدش منهم إشتكى إنترنت مستقر وثايت وخدمة عملاء محترمة
وأكبر ميزة أما تشترك نت في شركات المحمول إنك بتدفع الإشتراك الشهري عن طريق كروت الشحن مش مضطر كل شهر تضرب مشوار عشان تدفع الإشتراك