حكـايتي مع دينامو الادا

**ashraf_omaraeg** · 24-01-2013 11:48 AM

ســوف أعرض عليكم حكــايتي مع الدينامو اللعين:
منذ يومين وأنا بأسمع صــوت خشونة فى الموتور....رحت للميكانيكي بتاعي..قالي مافيش صوت يقلق ولا حاجة....طبعا ماسمعتش كلامة . لأني عارف صوت متور عربيتي علشان هي معايا من 16 سنة
ركزت مع الصوت لقيتة من الدينامو ...طبعا عرفت أنه صوت بلية الدينامو.
علي طول رحت للكهربائي المشهور جــــدا فى مدينة نصر (الأسطي رضــا الكهربائي إلي هو فى السابع) ..قولتله عاوز أعمل صيانة فى الدينامو علشان هنغير البلية. وبالفعل بعد مافك الدينامو لاقيت البلية فارطة خــالص ...المهم من غير ماأطول عليكم ... فكيت البلية عند الخراط .. ...وإشتريت بليتين بــ 35 جنية وركـب يامعـلم....المفاجأه مافيش شحن خارج من الدينامو رايح للبطارية..
فــك يامعلم وراجـــع تاني...ركب يامعلم برضة مافيش شحــن
قــالي دي الكتاوت .....هاتلي كتاوت غيرها .. علي طول جبتله كتاوت جديد بــ 35 جنية برضـــة
وبعــد ماركبة مــافيش جــديد بـــــــــــــــــــــــر ضة ...
فــك يــامعلم ...وفي الأخر مسك الملف وبيقولي شــايف الملف شكله إيــه ........ده بــايظ يــابشمهندس
وعــاوز يتغير .....يـــــاســــلام ؟؟؟؟ طيب ماإنت فكيتة وركبته أربع مرات
مــاأكتشفتش إن الملــف ده عـــاوز يتغير .. كظمت غيظي ومشيت بعد مابقت الساعة 10.30 مساءا وكان يوم السبت .. وقالي تيجي يوم الأثنين نغيرة .. بس خلي بالك ماتشغلش الأنوار...؟؟؟؟؟؟؟
وكــان عندي ميعاد للدكتور علشان إبني وقبلها كنت هأفوت علي معمل التحاليل هأجيب نتيجة التحليل بتاعة
طبعا كله إنضرب ومارحتش ولا لواحد منهمــم ....... "مــنـــه لللــه"
رحتله تاني يوم الثلاثاء فك يــاباشــا .... فــك الدينامو وإداني الملف وقالي روح لواحد هو متخصص فى لف الملفات جنبة ...وبالفعل رحتله ....وقلتله عاوز ملف إستيراد ..قالي للأسف مش موجود ...طيب ياسيدي لف الملف ده .. قالي لايوجد سلك ..... ممكن تستني معــايا 3 أو 4 ساعات أجيب سلك وألفهولك؟؟؟؟؟؟؟؟؟ طــيب قولولي يــاجمــاعة ده إسمه إيــه..؟؟؟؟؟
رجعت للكهربائي وأنا فى قمه إنفعالي ..وقولتله رجــع كل حــاجة زي مــاكانت وأنا مش عاوز حــاجة....
وفي الأخر رحت إشتريت واحد إستيراد من عزبة شلبي وركبته زي الفل
السؤال دلوقتي الذي يطرح نفسة .... هو الكهربائي لما فكه من أول مرة ليه ماقليش علي موضوع الملف البايظ ده ....ولا هو عدم إهتمام بالزبون ... ولا هو قله ضمير .. ولا هو عدم خبرة ....ولا إيـــه
أنا كتبت الموضوع فقط علشان أفيد النــاس فى الي ممكن يتعرض لموقف زي ده
وأسف علي الإطــاله

**aldesha989** · 24-01-2013 11:59 AM

ممكن يكون ما شغلش باله بحاجه زى دى وهو عايز ينجز وبس ملهوش دعوه غير باللى انتا قولتله عليه

هما للأسف كل الصنايعيه كده لو انتا ما قلتلهوش على كل اللى عندك ما يهتمش ويقولك وانا مالى

طبعآ الا من رحم ربى

عمومآ الحمد لله وربنا يوفقك ويباركلك فيها وروح ودى ابنك للدكتور بقى :d
الف سلامه عليه :)

**nicegypt** · 24-01-2013 03:53 PM

حسب سردك للاحداث فهى عدم خبرة لانة معرفش الخطأ من اول مرة
الكتاوت المفروض ليها طريقة كشف تعرف العيب منها او لاء وهي راكبة مكنها بعد ما غير البلية
الكهربائى دة متروحلوش تاني نصيحة