BMW-E39-523i-for sale

**essam assem** · 24-01-2013 02:33 PM

-----------------

السلام عليكم السادة اعضاء المنتدى الكرام

للبيع سيارة BMW-E39-523i- موديل 1998 ماشية 166000كيلو

المواصفات : سلفر جرى جميع الكماليات والاضافات الاصلية - استبترونك - جنوط 18 - كوتش جديد - طارة مالتى ام - مريات قلاب ام - كراسى جلد طبيعى كهرباء ميمورى - ستائر كهرباء - دواخل فبريكا - بلوتوث - ديفيدى اصلى بسوفت واير bmw E39- صب+GM - عفشة جديدة - زينون - تليفون اصلى يعمل - GBS - بطارية جديدة - سرفيس كامل منذ يومين - لا تحتاج جنية مصاريف - ويشترط التسجيل

ومعاة اضافات عبارة عن بعض الاكسسوار الذى قمت بتغيرة للسيارة
عبارة عن
1- فوانيس ليدات امامية بحالة الاستيراد
2- 4 جنوط مقاس 15 زيرو تماما BMW
3- 4 فرد كوتش بحالة 90 % سرعات عالية المانى مقاس 225\60-15
4- الكاسيت الاصلى للسيارة بالشاسية والباب الابنوس سليم تماما
5- المريات الاصلية للسيارة بنفس اللون بالضفيرة مريات ضم بحالة جيدة جدا

السعر المطلوب نهائى شامل الاضافات 120 الف جنية

ملحوظة : سبب البيع رغم انى لسة شارية ظروف مالية طارئة وهى كانت للمدام

واليكم بعض الصور للسيارة بتاريخ 19 -1 - 2013

صور المرفقات :

شكرا لكم ومعلش طولت عليكم لكن انا حبيت اوضح حالة السيارة ولامناسبة انا عملت للسيارة السرفيس بتاعها كامل منذ يومين
ان شاء الله التواصل على الخاص او فى نفس الموضوع

وتحياتى للجميع

**icon** · 25-01-2013 12:59 AM

بسم الله ما شاء الله .. عربية محترمة جدا .. وربنا يبارك للي هيشتريها

بالتوفيق في البيع إن شاء الله

**essam assem** · 25-01-2013 02:14 PM

المشاركة الأصلية كتبت بواسطة icon

بسم الله ما شاء الله .. عربية محترمة جدا .. وربنا يبارك للي هيشتريها

بالتوفيق في البيع إن شاء الله

شكرا يا فندم مرورك وردك الكريم

**Batman372** · 25-01-2013 06:02 PM

بالتوفيق فى البيع ...
و انصحك بعرض و بيع الاكسسوارات لوحدها ...
تحياتى ...

**M.Ayman** · 25-01-2013 09:28 PM

المشاركة الأصلية كتبت بواسطة Batman372

بالتوفيق فى البيع ...
و انصحك بعرض و بيع الاكسسوارات لوحدها ...
تحياتى ...

ده في حالة انك ملاقتش حد يقدر العربيه دي و اللي مدفوع فيها ،،، العربيه شكلها ما شاء الله تحفه والله لو كان معايا فلوس كنت اشتريتها

ربنا يباركلك فيها و يفك زنقتك قبل ما تضطر تبيعها

**Deshahcoka** · 25-01-2013 09:45 PM

باشا بسم الله ما شاء الله ربنا يباركلك فيها فعلا سعرها عاوز حد يقدرها مش اي حد

انا كنت بايع نفس الموديل مكنة 2800 موديل 96 الماني فهرنهايت و ميل و طارة كهرباء كل الاتجاهات و فتحة سقف و فرش اللون البني اللميزة في اسود بتاع البي ام ده و فوانيس امامي جديدة و خلفية الي هيا اربع خطوط ... و جنوط 18 سبور الي هيا بتاعت ال2011 :)

ب 76 الف :) ( كانت محتاجة عمرة موتور بس ) يعني الي اخدها كبيره حيغير الموتور ب عشرة الف بس يعني كبيرها 90 الف !

**Deshahcoka** · 25-01-2013 09:58 PM

بس تمام سعر حضرتك انتا بالحالة ديه و في الوقت ده انوا الاسعار ارتفعت حقك :)

ربنا يكرمك و يسهلك

**essam assem** · 26-01-2013 04:07 PM

السلام عليكم
تم البيع ورجاء غلق الموضوع وشكرا لادارة المنتدى وجميع الاخوة القائمين على هذا الصرح الجميل
وتحياتى للجميع

**adhm hasan2000** · 29-01-2013 05:47 PM

على فكرة انا اتفرجت على العربية دى والعربية شكل بس والجنب الشمال والشنطة لابسين فى الحيطة والاضافات دى هية اللى مخليها كدة اخرها 90000 بس دى نصيحة

**essam assem** · 29-01-2013 05:58 PM

المشاركة الأصلية كتبت بواسطة adhm hasan2000

على فكرة انا اتفرجت على العربية دى والعربية شكل بس والجنب الشمال والشنطة لابسين فى الحيطة والاضافات دى هية اللى مخليها كدة اخرها 90000 بس دى نصيحة

انا معرفش حضرتك لكن خلينى اقولك على حاجة وانا الحمد للة بعت العربية خلاص
منذ اعلانى عن بيع السيارة لم يشاهدها سو اثنين فقط وكان معاهم فنى وجابو السيارة من فوق الى تحت

والعرض بتاعهم كان 110 الف جنية وانا فى نفس اليوم رزقنى الله بمشترى راكب 523 موديل 2006 واششترى السيارة بعد الكشف عليها فى التوكيل بمبلغ 113000
ازاى بقى سيادتك بتقول كل الكلام دة يا استاذ عيب عليك انا مش تاجر ولا انا بتاع الكلام دة احنا ناس اصحاب شركات والفلوس بفضل ربنا سبحانة وتعالى اخر حاجة نفكر فيها
وعموما انا مش محتاج اقول الكلام دة ولكن لتوضيح لباقى اعضاء المنتدى المحترمين
وتحياتى للجميع