حد معاه جدول صيانات الانسر شارك الموجود بالتوكيل

الواحد حاسس انه تايه بسبب موضوع الصيانات ده
انا كان معايه اوبتر وكان منصور شيفروليه طابع جدول الصيانات للعربيه وبالاسعار كمان وكان الواحد ماشى عليه كويس وعارف ايه الى هيتعمل فى العربيه وكنت بعمله بره التوكيل نظرا لاسعار الصيانات الخياليه كنت بشترى الاصلى وبركبه عند ناس محترمه وصنايعيه ومستريح نفسيا
وانا دلوقتى عربيتى كنت شاريها وهى عامله 65.000 كيلو ودلوقتى بقيت 70.000 ومحتاج اعمل الصيانه
بس عايز اعرف ايه اللى هيتغير فى كل مره فياريت لو حد تكرم ونشرلنا الجدول ده ويكون مشكورررر جدا :10D5C8w1107::10D5C8w1107::10D5C8w1107:

المفروض جدول الصيانة مرفع بالكتالوج والعربية جديدة
غير كدا تدخل على موقع متسوبيشى مصر أو تبحث على جووجل وهتلاقيه ان شاء الله

اقتباس:

---

المشاركة الأصلية كتبت بواسطة mohammedaladel

المفروض جدول الصيانة مرفع بالكتالوج والعربية جديدة
غير كدا تدخل على موقع متسوبيشى مصر أو تبحث على جووجل وهتلاقيه ان شاء الله

---

والله انا دورت كتير فى النت وملقتش حاجه عن الشارك لو حد يعرف يدلنى

شوف ياباشا انا اللى فاكره من زمان ان الصيانه الاساسيه بتبقى فى ال 40 الف بتغير فيها بوجيهات وفلتر بنزين وفلتر هوا وزيت الباور , وتقريبا زيت الفتيس

فى صيانة ال 80 نفس الكلام + السيور

غير كدا زيت وفلتر كل 10 الاف والتيل حسب الاستخدام

شوف الموضوع دا بس قديم شويه

http://www.nilemotors.net/Nile/46165-a.html

الموضوع بسيط

زيت وفلتر زيت كل 1000
فلتر هواء وفلتر تكييف كل 40000
زيت الفتيس وزيت الباكم ومياه التبريد كل 40000
فلتر البنزين كل 60000
البوجيهات كل 100000
العربيه مافيهاش غير سير واحد اسمه سير المجموعه بيتغير على 40000

مافيش زيت باور عشان كهرباء (فيما عدا موديل 2012) وسير الكاتينه مش بيتغير

حضرتك تقصد إيه بسير المجموعة بالضبط ؟؟

أنا أعرف أن أى عربية فيها سيرين أساسيين سير كاتينة وسير دينامو

فيه عربيات ليها سير كاتينة جنزير والغالبةي كاوتش عادى

فيه برضه متهيقلى سير باور لو العربية باور هيدروليك

أزاى مفيهاش غير سير واحد ؟؟ وهل حضرتك متأكد إن سير الكاتينة مش بيتغير

يعنى قصد حضرتك إنه على فرض إنه مش بيتغير يبقى كدا مفيش غير سير واحد اللى هيتيغر اللى هو سير الدينامو ؟


وبالنسبة للزيت الباكم والزيوت بشكل عام عمرها بالسنة بجانب الكيلو مترات يعنى ممكن عربية تبقى ماشية 10 آلاف كيلو فى سنتين بس وجب تغيير زيت الباكم

العربية فعلا مفيهاش سير كاتينه ده جنزير ومبيتغيرش فيها سير واحد سير مجموعه

اقتباس:

---

المشاركة الأصلية كتبت بواسطة mohammedaladel

حضرتك تقصد إيه بسير المجموعة بالضبط ؟؟

أنا أعرف أن أى عربية فيها سيرين أساسيين سير كاتينة وسير دينامو

فيه عربيات ليها سير كاتينة جنزير والغالبةي كاوتش عادى

فيه برضه متهيقلى سير باور لو العربية باور هيدروليك

أزاى مفيهاش غير سير واحد ؟؟ وهل حضرتك متأكد إن سير الكاتينة مش بيتغير

يعنى قصد حضرتك إنه على فرض إنه مش بيتغير يبقى كدا مفيش غير سير واحد اللى هيتيغر اللى هو سير الدينامو ؟


وبالنسبة للزيت الباكم والزيوت بشكل عام عمرها بالسنة بجانب الكيلو مترات يعنى ممكن عربية تبقى ماشية 10 آلاف كيلو فى سنتين بس وجب تغيير زيت الباكم

---

هو فعلا سير الكاتينه جنزير مش بيتغير غير لو صوته ابتدى يعلى بس ده مش قبل ال 200 الف
, ومافيش سير باور عشان الباور كهرباء, والسير الوحيد هو سير مجمع للدينامو والتكييف وطرمبه المياه
بخصوص الزيوت الكاتالوج مش ذاكر اى حد اقصى للسنين وذاكر بس الكيلومتراج, فمش هقدر افتى فى الحته دى