فوج ال 508 اتكسر

**Ahmed.Fahmy** · 24-01-2013 03:06 PM

السلام عليكم

طبعا الموضوع باين من عنوانه

احكيلكم بقى اللى حصل

ماشى فى امان الله من كام يوم كده فى امان الله على الملعون اللى اسمه الدائرى راجع من ناحية طريق السويس متجه الى المعادى الساعة 4 صباحا كده واذ بيا افوجأ ان فى عربية نقل كبيرة من بتوع الرمل دى جاية من ورايا طايرة وعدت من جانبى وبتسقط اشيائها عل الناس عبارة عن قطع من الحجارة اد كف اليد كدا وادينتى هدية قطعتين

واحدة دست عليها والتانية دخلت فى الgroove بتاع الفوج الشمال وزووووو طحنت الفانوس بقى 300 حتة جوا الاكسدام

مش قادر اوصف سعادتى كانت اد ايه خصوصا انى كنت نازل انا والاولاد اكل ice cream مش اكتر.. هههههههههه

المهم كلمت التوكيل لقيت الفانوس فى كل الفروع تقريبا فغيرته فى فرع صلاح سالم فى نص ساعة وكله تمام.... بس اعدت حوالى ساعتين بسبب الاحتلال... وهو دا الكوميدى فى الموضوع

واقف بقى وبدأت على وجهى الابتسامة لما لقيت الموضوع ماشى كويس ودفعت 1000 جنيه تمن الفوج وركب وتمام واذ بيا افوجأ بردو بحوالى 30 .. 40 تاكسى بيجو بيقفلوا الشارع امام مركز الصيانة ونزل السواقين هجوم كدا قولت اوبااااااااااا.... انا كنت زعلان على فانوس ادى العربية كلها هتتكسر هههههههههههه

دخلوا على مدير المركز وقالوله احنا مش بهوات احنا ولاد.... احنا ناس زباله احنا الفءة المنحطة فى البلد داحنا سواقين توكوسا يابا..... قولت اوبااااااا... خلاص اخلع انا بقى وحلال عليهم العربية بدل ما يبقى فيها دم هههههههههه

بس الحمد لله كانوا محترمين وما عملوش حاجة وفرشوا وقعدوا ومافيش عربية داخلة ولا طالعة غير لما تجيبولنا قطع غيار لعربياتنا اللى هيا ال405 الايرانى

ومن حسن حظى انى كنت فى اول مكان قدام المغسلة اللى فى المركز فدخلت ويكأنى هغسل زى الناس العاديين وكان فى باب تانى بيخرج على صلاح سالم قومت خليت الامن فتحولى وهوووووووب خلعت وسايب ورايا 4 عربيات 508 بتعمل صيانة هههههههههههه

بس بصراحة انا كأحمد... اتبسطت

**S O P H O S** · 25-01-2013 09:41 AM

معلش يا باشا
هي دي طرق مصر ..

**Mohamed said** · 25-01-2013 01:28 PM

ساعات الواحد بيتحط فى مواقف بايخهههههههههههه

**mohamed haggag** · 26-01-2013 01:54 AM

بس مش يعتبر الفوج غالي كدة

**Land_Cruiser** · 26-01-2013 02:29 AM

قدر الله و ما شاء فعل. افضل حاجه اللى حضرتك عملتها انك ما حرقتش دمك أما بخصوص مظاهره السائقين ربنا يكون فى عينهم بال 405 الايرانى دى اللى اتدبسوا فيها . انا اتحطيت فى موقف شبه ده و لقيت روحى و انا ماشى فى الشارع مظاهره كبيره جايه فى وشى بس الشباب خللونى أعدى عادى و ما قفلوش الطريق و لا قربوا من العربيه مع العلم ان الاعداد كانت ما شاء الله كبيره قوى وربنا ستر

**falcon77** · 26-01-2013 11:01 AM

كويس جدا انا الفوج بتاع ال 508 ب 1000 جنية.
دا انا شاري الفوج بتاع مازدا 3 2008 ب 1950ج .

**hany63** · 03-02-2013 08:15 PM

ده الحمد لله على انها رسيت على باكو
خساير اخوك من الزلط المتطاير من سواقين النقل خلال سنه و العربيه زيرو
١- برابريز الفابريقه الامامي و عامل ٤٧٠٠ جنيه
٢- سربنتينة التكييف اتخرمت و عامله بالشحن و المصنعيات ٤٠٠٠ جنيه
٣- الفانوس الامامي اتشرخ و ده زينون الفابريقه ما سئلتش لطب ساكت عشان العادي ب ٢٢٠٠ جنيه مش عارف نظام الزينون

**Ahmed Amin** · 04-02-2013 06:53 AM

المشاركة الأصلية كتبت بواسطة Ahmed.Fahmy

واقف بقى وبدأت على وجهى الابتسامة لما لقيت الموضوع ماشى كويس ودفعت 1000 جنيه تمن الفوج وركب وتمام واذ بيا افوجأ بردو بحوالى 30 .. 40 تاكسى بيجو بيقفلوا الشارع امام مركز الصيانة ونزل السواقين هجوم كدا قولت اوبااااااااااا.... انا كنت زعلان على فانوس ادى العربية كلها هتتكسر هههههههههههه

دخلوا على مدير المركز وقالوله احنا مش بهوات احنا ولاد.... احنا ناس زباله احنا الفءة المنحطة فى البلد داحنا سواقين توكوسا يابا..... قولت اوبااااااا... خلاص اخلع انا بقى وحلال عليهم العربية بدل ما يبقى فيها دم هههههههههه

هههههههههههههه والله عسل يا أستاذ أحمد في طريقة سردك للموضوع بتاعك

فداك الفوج ياباشا, أنا كل ما أصلح الفانوس اللي عندي ورا شمال يتكسر والغريب اني لما بركز شوية في العربيات اللي ماشية في شوارع المحروسة بلاقي الفانوس اللي ورا شمال ناحية السواق دايما في جزء منه مكسور.!

الحمد لله أنها جات في الفوج, وأبقي حاول تطلع حاجة صدقة عن العربية عشان ربنا يحفظهالك ويبارك لك فيها من العين.

وربنا يكون في عوت بتوع ال 405 البارس لأني فهمت من التوكيل أنهم لابسوهم في الحيطة, سوقولهم العربية وباعوها,, وادوهم خازوق ومجابولهاش قطع غيار.!

أه ولما تيجي تعدي أي نقل, أدي كيك داون أو عدي بسرعه عشان ممكن لو معدي جنبه براحة البهوات ليهم حركات فجائية وممكن تلاقي المقطورة بتسرح عليك أو بيفادي حاجة من غير ما يبص جنبه,
ولو هوا جاي من وراك يا تدوس كيك برضة وتسبقه بعدين تجنب بعيد عنه, يا تجنب من بدري لو كان الطريق يسمح,, بصراحة الدائري بقي بشع.. عامل زي غابة مش طريق.!

**Ahmed.Fahmy** · 04-02-2013 01:40 PM

المشاركة الأصلية كتبت بواسطة hany63

ده الحمد لله على انها رسيت على باكو
خساير اخوك من الزلط المتطاير من سواقين النقل خلال سنه و العربيه زيرو
١- برابريز الفابريقه الامامي و عامل ٤٧٠٠ جنيه
٢- سربنتينة التكييف اتخرمت و عامله بالشحن و المصنعيات ٤٠٠٠ جنيه
٣- الفانوس الامامي اتشرخ و ده زينون الفابريقه ما سئلتش لطب ساكت عشان العادي ب ٢٢٠٠ جنيه مش عارف نظام الزينون

الله يكون فى عونك الصراحة ويخرب بيت ولاد الـ................. اللى ما بيغطوش الحمولة بتاعتهم
معلش الله يعوض عليك.... بس سؤال هو الاسعار دى بتاعت الهوندا؟!!

المشاركة الأصلية كتبت بواسطة leitosr

هههههههههههههه والله عسل يا أستاذ أحمد في طريقة سردك للموضوع بتاعك

فداك الفوج ياباشا, أنا كل ما أصلح الفانوس اللي عندي ورا شمال يتكسر والغريب اني لما بركز شوية في العربيات اللي ماشية في شوارع المحروسة بلاقي الفانوس اللي ورا شمال ناحية السواق دايما في جزء منه مكسور.!

الحمد لله أنها جات في الفوج, وأبقي حاول تطلع حاجة صدقة عن العربية عشان ربنا يحفظهالك ويبارك لك فيها من العين.

وربنا يكون في عوت بتوع ال 405 البارس لأني فهمت من التوكيل أنهم لابسوهم في الحيطة, سوقولهم العربية وباعوها,, وادوهم خازوق ومجابولهاش قطع غيار.!

أه ولما تيجي تعدي أي نقل, أدي كيك داون أو عدي بسرعه عشان ممكن لو معدي جنبه براحة البهوات ليهم حركات فجائية وممكن تلاقي المقطورة بتسرح عليك أو بيفادي حاجة من غير ما يبص جنبه,
ولو هوا جاي من وراك يا تدوس كيك برضة وتسبقه بعدين تجنب بعيد عنه, يا تجنب من بدري لو كان الطريق يسمح,, بصراحة الدائري بقي بشع.. عامل زي غابة مش طريق.!

يا باشا الله يكرمك

التوكيل كان بيجيبلهم قطع من ايران بس دلوقت امريكا فرضت حظر وحاجات كدا فا مش عارفين يجيبوا القطع من هناك.... كان فى واحد منهم معاه "بارس" 2010 بيدورها بسلكتين من الكبوت... الله يعينهم

لا انا حاليا لما بشوف نقل بهدى لدرجة انى ممكن اقف تقريبا... دول ولاد ....... مش عاوز اشتم بس انا بمشى اقصى اليمين والنقل اقصى الشمال ولا كأننا فى انجلترا