أول مرة سيارات (ابيزا)

**ERROR** · 27-07-2008 03:02 PM

السلام عليكم يا جماعه

دي اول مشاركة ليا بس انا كنت محتار بين العربيات وبصراحة شدني كتر الكلام عن ثبات واحساس الابيزا

المهم الحمد لله انا شبة خلصت في عربية ابيزا 99

هي العربية مجنطة

دلوقتي لسا هرفع الصور بعد ما اجيبها بأذن الله

عندي كام فكرة ياريت تفيدوني فيها

بفكر اعليها شوية عشان حاسس انها واطية ولا دا مش صح انا عمري ما ركبت عربية علي فكرة

وعايز اروشها بس برضوا في الحنين اهتم بايه ومين الي جربتة في تظبيت العربية وعملك شغل كويس ( ساوند اهم حاجه بالاضافة الي الشكل سبويلر ونور التابلو وفرش كويس وكدا) بس ميكونش فيه مخالفات

افيدوني افادكم الله

**MotorX** · 28-07-2008 01:58 AM

المشاركة الأصلية كتبت بواسطة ERROR

بفكر اعليها شوية عشان حاسس انها واطية ولا دا مش صح انا عمري ما ركبت عربية علي فكرة

افيدوني افادكم الله

العربية اتزانها هايبوظ و تعوم منك ده غير ان شكلها هايبقى سيء جدا.

**sherif_m72** · 28-07-2008 02:26 AM

العربيه خلى بالك علوها كده مزبوط جدا ومتحاولش انك تعليها عشان متعومش منك وتفقد ثباتها على الطريق
اما بالنسبه للروشنه انا هقترح عليك ان لو العربيه حالتها ممتازه يبقى انت متحطش فيها اكتر من الساوند سيستم (نضيف ) وسبويلر وبس وبكده تكون مسكت العصايا من النص
عربيه شبابى + عربيه وقوره ومحترمه
وده رأيى ولك حريه الاختيار
ومبروك عليك ياباشا

**MEDO_AHMED2** · 28-07-2008 03:32 AM

الف مبروك العربية انا مش هتكلم فى موضوع التعلية علشان الشباب جابو من الاخر وبعدين حاول متقلش العربية قوى وحاول تكون حنين على المطبات وعلى العكس العربيات القريبة من الارض بتعمل احلى شغل جرى وغرز وكدة بدليل ان ال 4*4 لو جرى يتقلب دة عن تجربة انت ممكن تجيب طقم سوند محترم ومتسترخشس خليك فى سبير كار وفرش تفصيل ودة سبير كار نجوم فية بس حرائين شوية وممكن تركب نور ابيض من شارع دمشق بلاش زينون علشان المخالفات وبلاش تفيم برضو علشان الغرامات نظام نفخ ووحدة واحدة هتلاقى نفسك بتروشها وعلى مهلك وانت سايق

**ERROR** · 28-07-2008 10:01 AM

كويس انكم نورتوني في حوار الرفع دا

ان شاء الله انا هحاول اظبت ساوند سيستم كويس وسبويلر

اناما ايه الفرق بين النور الابيض والزينون وهل عليه مخالفة ولا لا في القانون الجديد

بس ياريت حد يقترح حد بيفهم في الساوند سيستم اروحلوا

انا ساكن في 6 اكتوبر يعني لو حد في الهرم او المهندسين يبقي كويس جدا

**Moustafa Al-mansy** · 28-07-2008 10:29 AM

ألف مبروك عليك.........

ربنا يكفيك شرها و يرزقك خيرها..........

**mohamed_fatouh** · 28-07-2008 04:35 PM

اهلا بيك ومبروك عليك العربية الجديدة

بص يا سيدى ان شاء الله بكرة ممكن اجيبلك تليفون واحد بتاع ساوند سيستم فو ش السودان انا ركبت عندة قبل كدة طقم بايونير و كان صراحة ممتاز
بس نصيحة شوف الاول عاوز تركب اية علشان العملية متفتحش معاك على الفاضى

يعنى خالى بالك من نوع الكاسيت و السماعات و شوف هتركب كدة و خلاص و لا ناوى تخربها بازوكا و بالاوى مالهاش اخر

و ربنا يوفقك