لمبة ال n بتنور وتطفي والعربية مش راضية تنقل وصوتها بيعلى

**alkawther60** · 26-01-2013 07:14 AM

تقريبا الاراء معظمها تتجه الى تغيير الزيت بتاع الفتيس ايه الافضل مع العلم اني لسة شاري العربية من شهرين وصاحبها شكله كان مهمل شوية

وانا مش ميال اوي صراحة لتغيير زيت الفتيس في التوكيل حاسس ان اسعار التوكيل بتبقى اضعاف اللي برة في كل حاجة
فتنصحوني بايه والتكلفة هنا كام وبره التوكيل كام وايه النوع الكويس في الزيت
انا اسف كترت في الاسئلة شوية اصل ده اول تعامل ليا مع عربية اوتوماتيك

**manfromegy** · 26-01-2013 07:31 AM

ياباشا المنتدي للنقاش ولاطولت ولا حاجه بس في مشاركه متثبته في قسم المتسوبيشي عن زيت الفتيس أستأذنك شوفها

**Eng.Peter** · 26-01-2013 07:31 AM

متابع

**manfromegy** · 26-01-2013 07:32 AM

http://www.nilemotors.net/Nile/287983-cvt.html

**alkawther60** · 26-01-2013 07:34 AM

المشاركة الأصلية كتبت بواسطة manfromegy

http://www.nilemotors.net/nile/287983-cvt.html

يا باشا شاكر ليك جدا على الرد وعلى اللينك لاني صراحة كنت هدوخ على التوبيك

**Samooh_2003** · 26-01-2013 05:40 PM

المشاركة الأصلية كتبت بواسطة alkawther60

تقريبا الاراء معظمها تتجه الى تغيير الزيت بتاع الفتيس ايه الافضل مع العلم اني لسة شاري العربية من شهرين وصاحبها شكله كان مهمل شوية

وانا مش ميال اوي صراحة لتغيير زيت الفتيس في التوكيل حاسس ان اسعار التوكيل بتبقى اضعاف اللي برة في كل حاجة
فتنصحوني بايه والتكلفة هنا كام وبره التوكيل كام وايه النوع الكويس في الزيت
انا اسف كترت في الاسئلة شوية اصل ده اول تعامل ليا مع عربية اوتوماتيك

السلام عليكم حصلت معايا حاجة شبه كدا قبل كدا بس كانت مشكلتك ده مشكلتين عندي علي مرتين واول مرة كانت حاجة سويتشر في اسفل عصاية الجير وده ضبطو مرة واتنين ويعلق تاني في الاخر اتغير وبالنسبة للتغير طلعت قطعه كهربا صغيرة اسمها ريلاي واتغيرت وكله ضبط ومايمنعش انك تكشف في التوكيل عشان حضرتك بتقول انك لسة شاريها من واحد مهمل في عشان تعرف كل حاجة ومواعيدها وتضبط نفسك على كدا او مركز قليوب وبصراحة الناس هناك فاهمة انشالله اكون افادتك

**fanki** · 29-01-2013 05:53 AM

مساء الفل كان عندى نص المشكلة ادوس بنزين العربية مفيش سحب على فترات متباعدة وبعد عزاب وصرف فلوس كتيير اونطا ميكانيكى جاب منظف بوابات رشاشات ونظف البوابات والسحب بقى تمام التمام

**MITSUKERO** · 29-01-2013 08:31 AM

انا كلمت التوكيل دلوقتي و سألتهم

بص ياباشا كده الفتيس مسجل عطل يا اما حساس بايظ او عايز يتنضف و العطل ده لازم يتمسح بالكمبيوتر

انا وصفت للاسطي خالد العطل بالظبط و قالي ده بيتعمل في ثواني مش بياخد وقت بس خليه ميعكش علشان الفتيس ميبوظش

**HASSANFATHY** · 29-01-2013 10:20 AM

بص ياباشا الاول شوف منسوب زيت الفتيس لو مضبوط يبقي نبص بصه بسيطه علي كنترول الفتيس
وده هتلاقيه تحت درج التابلوه في القايم بتاع الباب اليمين فك الفبره اللي تحت وقم بنزع فيش الكنترول ونظفها كويس بمنظف ادوات كهربائيه وان شاء الله الموضوع سهل والعربيه تكون كويسه ده بس بيكون bad ....... بسبب الرطوبه اثناء الغسيل وغيره

**alkawther60** · 29-01-2013 09:30 PM

المشاركة الأصلية كتبت بواسطة mitsukero

انا كلمت التوكيل دلوقتي و سألتهم

بص ياباشا كده الفتيس مسجل عطل يا اما حساس بايظ او عايز يتنضف و العطل ده لازم يتمسح بالكمبيوتر

انا وصفت للاسطي خالد العطل بالظبط و قالي ده بيتعمل في ثواني مش بياخد وقت بس خليه ميعكش علشان الفتيس ميبوظش

شاكر جدا لاهتمامك يا باشا وياريت لو توصف لي مكانه في رسالة على الخاص لعل وعسى يكون قريب مني او اقدر افضي وقت اعدي عليه ياريت تفاصيل عن الاسطى خالد على الخاص